Oftalmologi
Oftalmologi atawa Optalmologi nyaéta studi anu nalungtik ngeunaan panyakit panon.[1] Sumber lian ngajélaskeun yén optalmologi nyaéta spésialisasi élmu kadokteran anu mokuskeun dina diagnosa menerkeun jeung nyegah karuksakan, cidera jeung panyakit panon pikeun kabéh individu ti sakabéh umur.[2] Dokter anu nyokot spésialisasi dina widang optalmologi ieu mampu ngadiagnosis jeung menerkeun sagala aspék-aspék panyakit panon, sarta bisa ngalakukeun operasi anu kompléks pikeun nyalametkeun tetempoan pasén.[1] Optalmologi mangrupa salah sahiji widang kadokteran anu teu biasa jeung nyaris kabéh dokter anu nyokot spésialisasi ieu mangrupa ahli dina dua widang maranéhna anu lain ukur spésialisasi panon hungkul, namung ogé dokter bedah anu ahli pisan.[1] Optalmologi ngalakukeun tés-tés anu hésé dina panon, kalayan ngadétéksi masalah pasén jeung tuluy ngaresépkeun pangubaran/tatamba.[1] Salaku dokter bedah, dokter anu nyokot widang ieu bakal ngalakukeun pembedahan anu kompléks tur hésé pikeun menerkeun tetempoan pasén.[1]
Ngubaran Gangguan Panon
[édit | édit sumber]Dina hal pangubaran ieu, biasana masarakat ngan mariksakeun panon sabot pasén ieu mikabutuh tasma atawa salaku bagéan tina pamariksaan médis total, jeung ngan penderita gangguan serius anu kudu mangkat ka oftamologis.[1] Lamun geus mulai muncul gangguan panon, maka dokter bakal ngalakukeun pamariksaan jeung nalika masalahna éta téh kasalahan réfréktif (teu bisa fokus kalawan bener) dokter bakal méré saran ka penderita pikeun ka optométris waé sangkan dibéré tasma, tapi lamun penderita mikabutih pangubaran koréktif husus, maka pasén atawa penderita ta bakal dikirim ka praktisi oftalmik (dokter spésialis masalah panon, tapi moal bakal ngalakukeun pembedahan.[1]
Rujukan
[édit | édit sumber]- ↑ a b c d e f g David Arnot, dkk (2009). Pustaka Kesehatan Populer Panca Indra. Jakarta: PT Bhuana Ilmu Populer. p. 81.
- ↑ "Optalmologi". Diakses tanggal 17 Juni 2014.[tumbu nonaktif]
|
Artikel ngeunaan tatamba ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |