Location via proxy:   [ UP ]  
[Report a bug]   [Manage cookies]                
Lompat ke isi

Saham

Ti Wikipédia Sunda, énsiklopédi bébas

Saham nyaéta satuan nilai atawa pambukuan dina rupa-rupa instrumén finansial nu nuduhkeun kana bagéan kapamilikan hiji perusahaan.[1] Terbitna saham, ngamingkinkeun perusahaan-perusahaan nu mikabutuh dana jangka panjang keur ngajual kapentingan dina bisnis saham ( efek ekuitas ), dibayar ku duit.[2] Ieu mangrupa métode utama pikeun ngaronjatkeun modal bisnis salian ti nerbitkeun obligasi.[2] Saham dijual biasana ngaliwatan pasar primer atawa pasar sekunder.[3]

Riwayat saham

[édit | édit sumber]

Jenis

[édit | édit sumber]

Aya sababraha jenis saham, kaasup saham biasa (common stock) jeung saham preferen (preferred stock). [4] Saham preferen biasana disebut saham campuran kusabab miboga ciri-ciri ampir sarua jeung saham biasa..[5] Biasana saham biasa ngan miboga sajenis, tapi disababaraha kasus aya ogé nu miboga sababaraha jenis, gumantung kana kabutuhan perusahaan.[4] Saham biasa miboga sababaraha jenis, saperti kelas A, kelas B, kelas C, jeung lianna.[4] Masing-masing kelas miboga kauntungan jeung karugianna séwang-séwangan sarta simbol huruf teu miboga harti nanaon..[4]

Ciri-ciri

[édit | édit sumber]

Saham preferen

[édit | édit sumber]

Saham preferen miboga ciri-ciri ieu di handap:[6][7]

  • Miboga sababaraha tingkatan, bisa diterbitkeun ku ciri-ciri nu béda-béda
  • Tagihan ka aktiva sarta panghasilan, miboga prioritas nu leuwih utama ti saham biasa dina hal pambagian dividen
  • Dividen kumulatif, lamun can dibayarkeun ti periode saacaanna, biisa dibayarkeun di periode nu keur lumangsung sarta leuwih diutamakeun tibatan saham biasa
  • Konvertibilitas, bisa ditukeurkeun jadi saham biasa, mun aya kasapukatan antara nu boga saham jeung organisasi penerbit.

Saham biasa

[édit | édit sumber]

Miboga ciri-ciri ieu di handap:[6]

  • Hak sora nu boga saham, bisa milih dewan komisaris
  • Hak diutamakeun, lamun organisasi nerbitkeun saham anyar
  • Tanggung jawab kawates, saluyu jeung jumlah nu dipimilik.

Kategori

[édit | édit sumber]

Numutkeun kinerja perdagangan, saham bisa dikelompokkeun jadi :[8]

  1. Blue chip stocks, saham biasa nu miboga reputasi luhur, salaku pamimpin dina industrina, miboga pangasilan nu stabil sarta konsisten dina mayar dividen.
  2. Income stocks, saham hiji emiten kalayan miboga kamampuan mayarkeun dividen leuwih luhur ti rata-rata dividen nu biasana dibarakeun di akhir taun saacanna
  3. Growth stocks, ngawengku well-known sarta lesser-known
  4. Speculative stocks, saham sacara konsisten meunangkeun panghasilan ti taun ka taun, miboga kamingkinan panghasilan nu leuwi luhur di waktu nu rék datang, nanging can pasti
  5. Cyclical stocks, saham nu teu kapangaruhan ku kondisi ekonomi makro atawa situasi bisnis sacara umum
  6. Emerging Growth Stocks, saham nu dikaluarkan ku emiten nu relatif leutik sarta stabil masingkeun dina kondisi ekonomi nu kurang ngadukung
  7. Defensive Stocks, saham nu tetep stabil ti iji periode kawa kondisi nu teu nangtu sarta resesi.

Mekanisme padagangan saham di Indonesia

[édit | édit sumber]

Hal utama nu perlu dilakukeun nyaéta investor kudu jadi nasabah dina perusahaan éfék baheula.[9] Investor ngabuka rekening kalayan mayar deposit sajumlah Rp 25 juta, tapi nu séjénna ngawajibkeun sajumlah Rp 15.000.000 jst.[9] Jumlah nu disetorkeun rupa-rupa.[9] Dina dasarna, batasan minimal atawa euweuh jumlah nominal meuli saham tapi di Bursa Efek Indonesia minimal meuli 100 lembar atawa 1 lot, misalna harga saham perusahaan XYZ saharga 100.000, dana minimal nu dibutukeun pikeun meuli sa lot sarua jeung Rp 10.000,00 (100 lembar dikali Rp 100,00).[9] Transaksi penjualan atawa pembelian nu bisa dilakukeun di Hari bursa.[9]

Tempat padagangan

[édit | édit sumber]

Tempat lain pikeun meuli saham salian IDX /Indonesia Stock Exchange (Indonésia), nyaéta Nasdaq/Nasdaq Stock Market (Amerika Serikat), NYSE/New York Stock Exchange (New York), SEAQ/Stock Exchange Automated Quotations ( London), Euronext (merger pasar saham antara nagara Paris, Amsterdam, sarta Brussels), TSE/Tokyo Stock Exchange ( [Tokyo]]), SGX/Singapore Exchange (Singapura) Tempat dagang lianna aya dikurang leuwi 69 tempat perdagangan/bursa saham diseluruh dunia.[10][11]

Rujukan

[édit | édit sumber]
  1. ↑ Darmadji, Tjiptono; Hendy, M, Fakhruddin. Pasar Modal di Indonesia. 2001. Indonesia. Salemba Empat. hal 8.
  2. ↑ a b (en) Dalton, M John. How The Stock Market Works. 3rd edition. 2001. United States of America. NYIF. Hal 1.
  3. ↑ (en)Brealey, A Richard; Stewart, C Myers; dan Alan, J Marcus. Fundamentals of Corporate Finance. 5th ed. 2007. McGraw-Hill. Hal 144
  4. ↑ a b c d (en)Eugene, F Brigham; Louis, C Gapenski. Intermediate Financial Management. 5th ed. 1996. United States of America. Dryden Press. hal 483
  5. ↑ (en) Keown, J Arthur; et all. Financial Management. 10th edition. 2005. United States of America. Pearson Internation Education. hal 256-267
  6. ↑ a b (en) Keown, J Arthur; et all. Financial Management. 10th edition. 2005. United States of America. Pearson Internation Education. hal 256-267
  7. ↑ (en)Eugene, F Brigham; Louis, C Gapenski. Intermediate Financial Management. 5th ed. 1996. United States of America. Dryden Press. hal 495-496.
  8. ↑ Darmadji, Tjiptono; Hendy, M, Fakhruddin. Pasar Modal di Indonesia. 2001. Indonesia. Salemba Empat. hal 8.
  9. ↑ a b c d e Situs IDX: Mekanisme Perdagangan.diakses pada tanggal 28 Mei 2010
  10. ↑ (en)Bodies Zvi. Alex Kane.and Alan J. Marcus.Investments.7th ed.2008.Singapore: McGraw Hill.hal 74-76
  11. ↑ Situs Dmoz: Stocks and Bonds Exchanges Archived 2010-04-03 di Wayback Machine.diakses pada tanggal 28 Mei 2010
Dicomot ti "https://su.wikipedia.org/w/index.php?title=Saham&oldid=651873"