Wikipedia:Gambar petingan

Gambar petingan téh minangka gambar-gambar ti Wikipédia atawa Wikimedia Commons anu dianggap hadé ku para éditor Wikipédia. Saméméh dibéréndélkeun di dieu, sakuduna éta gambar-gambar téh diulas di Wikipedia:Calon gambar petingan, naha eusina geus lengkep, nétral, tur bener, luyu jeung sarat-sarat gambar petingan.

Kétang, aturan kitu téh jaga mun Wikipédia Sunda mutuna geus hadé. Saayeunaeun, ampir sakabéh gambar anu dipilih téh asalna ti Commons, da ti Wikipédia Sunda sorangan mah can loba nu ngirim gambar. Saméméh ngaronjat ka pasaratan kawas gambar petingan di Wikipédia lianna, pikeun saheulaanan mah urang perlu milih saminggu sagambar pikeun diputer midang di Tepas saban minggu. Sugan pareng, ké diputerna leuwih kerep. Misalna gambar petinganana robah unggal poè. Anapon anu dipilih, utamana gambar anu geus asup kana kategori petingan di Commons.

Gambar petingan munggaran midang bulan April 2007, ku kituna béréndélan nu geus kaeusian di handap téh midang ti bulan April. Méméh bulan éta mah dikosongkeun kénéh.