Islamikong Estado

Islamikong Estado الدولة الإسلامية (Arabe) ad-Dawlah al-ʾIslāmiyyah
Watawat
'Salawikain: 'باقية وتتمدد "Bāqiyah wa-Tatamaddad" (transliterasyon) "Nananatili at Lumalaki"
Teritoryong hawak ng Islamikong Estado batay noong 20 Disyembre 2014   Areas controlled by the Islamic State   Areas claimed by the Islamic State   Rest of Iraq and Syria Note: map includes uninhabited areas.
Kabisera	Raqqah, Sirya (2013-17) Mayadin, Sirya (Hunyo-Oktubre 2017) Al-Qa'im, Iraq (Oktubre–Nobyembre 2017) Hajin, Sirya (Nobyembre 2017-kasalukuyan)
Pamahalaan	Islamikong kalipato
• Pinuno	Abu Bakr al-Baghdadi, Kalifa Ibrahim
Itinatag
• Deklarasyon ng Islamikong Estado ng Irak at Levant	9 Abril 2013
• Pagkatatag ng kalipato	29 Hunyo 2014
Sona ng oras	UTC+3 (Arabia Standard Time)
Kodigong pantelepono	+963 (Sirya) +964 (Iraq)

Ang Islamikong Estado (Arabe: الدولة الإسلامية, ad-Dawlah al-ʾIslāmiyyah), na dating kilala bilang Islamikong Estado ng Irak at Levant (ISIL) at Islamikong Estado ng Irak at Sirya (ISIS), ay isang hindi kinikilalang estadong jihadista sa Gitnang Silangan. Ito ay itinuturing na teroristang samahan ng mga pamahalaang kanluranin gaya ng Estados Unidos, Canada, Nagkakaisang Kaharian, at marami pang iba.

Dating kasapi ng teroristang grupong al-Qaeda bilang al-Qaeda sa Irak noong 2004, tumiwalag ang ngayo'y ISIS mula sa nasabing grupo, sanhi ng pagkastigo ng una sa huli ng hindi pagkonsulta sa kanila at ng kanilang "pagkaberdugo" noong Pebrero 2014. Bago pa man nito, nasa kanlurang Irak ang kanilang teritoryong sinasakupan; noong 2013, umabot na sa Sirya ang kanilang sakop. Sanhi nito, naging Islamikong Estado ng Irak at Sirya ang pangalan ng grupo noong kaparehas na taon.

Simula noong 29 Hunyo ng kaparehas na taon, ipinahayag ng grupo ang pandaigdigang kalipato, habang si Abu Bakr al-Baghdadi naman ang nagsisilbing kalifa nila sa pangalang Kalifa Ibrahim, bagkus naging Islamikong Estado na lamang ang pangalan ng estado. Bilang kalipato, inaangkin ng grupo na pinamumunuan nila ang lahat ng mga Muslim sa daigdig.

Bilang pinakamalaking teroristang grupo sa daigdig, sa kasalukuyan mayroon silang tinatayang 200,000 terorista sa Irak at Sirya, habang may tinatayang 30,000 terorista naman ang meron sila sa Libya, Ehipto, Pakistan, Afghanistan, Algeria, at sa Timog-Silangang Asya, kabilang na ang Pilipinas.

Kilala ang grupo sa kanilang madugong propaganda, kasali ang kanilang pampupugot ng mga ulo ng kanilang mga bihag na kanila namang inilalagay sa Internet.