Baciq/ Masaq/ Baciq(無患子)

Uka ba llixan strima ka baciq nii cbeyo. Hndure saya nii de, knmalu ba ngalan pgdheriq strima daha ka spahu. Ini pkuuman pqnaqah hei seediq ma, splhelih nanaq ka hei na duri. Ini pknarux seediq, ini psrutiq nniqul kndkilan duri. 　

　Mknedux ka hei na, mgsama mpriyux mdheriq mgqhuni ka rako na da mhada; mgkerung rehaq na meniq ptbaciq peni. Ali ngungalan lmuwan ciida, lixan ka buuc ma ngalan ka hei. Rtretan pgtumun malu sskuwan. Strima de gmaxan tikuh qsiya rnteruc de, meyah ka buwa na ka baciq. Ni ka strima hei ma, snuunux, ma spahu lukus kini. Mgqalux mnhada ka buuc hei na nii, kuxul ba rngayan lqlaqi duri. Ma slmeyan plpingan pcequr ssrigan nduyung duri peni.

　　Qhuni baciq, qtaan mntena hari daha ka qhuni na doriq huling. Ani si uka hari ppyahan hbangan, ma mllamu ba ka knbgrahan ssino, strima ka huduri di duri. Kii ini hari qtai hnreyan na ka alang ma knbgurah qnpahan duri di. Ma kana laqi mbarah hndure duri, ini kela mesa so kenu ka strima qhuni baciq ma ppyahan na nii duri di peni.　