Btraw
Betun/ Btraw/ Btraw (毛果柃木)
[smmalu patas | ida npatas sspgan ka smmalu patas]Alaw mkray mi malu srbiyan ka pusu qhuni btraw, kiya kuxul ngalan durang sediq musa lmiqu, paqan dha ka pusu niya han, kiya daan dha smawas ka cida na da, sqriyan dha mhungun hari ka icil na, kiya kmali bling mi saan dha pttu hiya ka uruc na, kiya smalu snbalay wasil ka dhiya, kmali bling mi saan dha mku cka bling ka qtinuh, kiya bbilan dha ka bhniq bnkiyan dha wasil, psaan dha baraw qtinuh hiya, babaw na u bungun dha wasaw da, muda hiya ka ccamac da u muda tdiyan hiya da, sdurang dha pada mi boyak mi rqnux...dnii.
Skicu dha daan kmatay mi dmurus ccamac ka durang kiya, ini dhok kingal sngayan da u kiya saan dha mita ka durang dha da, mhdu smalu durang ka sediq da u, spuhan dha sa“ana su nanaq kndadax hraan hidaw mi ana su nanaq kndadax uqiyang hidaw, qulung bey uda qmqah hini.”so nii mrabu lmawa Utux ka dhiya, iyux pcmiyah muda tdiyan durang dha hiya ka ccamac.