Culiu（高山部落）

Gaga mniq Hwareyseyn Fungpinsyang ka alang Culiu.

34 sapah ka kneegu na sapah, 87 hiyi ka kana knhbragan na hiyi. Tnpusu seejiq o mangal 91% niqan 79 hiyi sp, rahuq na uxay tnpusu seejiq o mangal 9% niqan 8 hiyi koia.

Kana ka kleegan seejiq ga, Amis41%, sakizaya 1%, Kebalan2%, Bunun38%, ni rahuq na o8%.

Pusu nniqan alang(部落特色)

Coleh o nniqan bi sleexan qsiya ka Hayrwo klegan Beyke(貝殼) nii.

Nniqan alang(所在位置)

Nyusan Skanki nsgan Fengbin alang Cicyi(磯崎).

Gasuc(範圍)

Mniq hunac alang Cicyi(磯崎), hraan hidaw ayug dgiyaq Cyaruransan(加路蘭山).

Tiri lnglingay(地理環境)

Sttu.

Pgkla patas cyawtung(交通資訊)

Mniq babaw elug Tay tg11.

Klegan seejiq nealang(部落所屬族群)

Amis.

Djiyun kari(使用語言)

Kari Amis, Sakizaya, Bunun, Kavalan.

Pnaah alang(部落由來)

Kari Amis ka hangan dha nniqan nii, yasa egu bi ka nangal dha quri saw Coleh nniqan bi sleexan qsiya ka Hayrwo klegan Beyke(貝殼) nii kika klaun bi sjiqan, minkwo hngkwasan 57 siida, pnryuxan kana saw spgan kngkingal sapahka sapah kmlawa Hucngswo(戶政所) klwaan siida , kiya ni keegu bi ka sjiqan kndadax nniqan dgiyaq seejiq tnpusu o, kiya ni asi tmhangan dha Culiu(高山) ka alang dha da.

Plealay bi dhuq hini klegan sjiqan o Kavalan ni Sakizaya, yasa ini baga biyax ka mnuda tnjiyal Cyariwan(加禮宛事件) ka kwangsyu hngkwasan siida do o, kika qduriq siyaw gsilung, bukuy dha klegan seejiq tnpusu o snslian daya malu bi tmbgurah dxgal nniqan Sinse ni Cicyi.

Mniq hngkwasan Taywan kwangfu siida, niqan duma sjiqan quri gqiyan hidaw Jweyswey Fuyuan(瑞穗富源) , seejiq Bunun na alang Mayuan(馬遠), yasa kjiyax mnuda elug Hwadung-cungku, miyah dgiyaq siyaw gsilung na dgiyaq Ciyaruransan hini tmsamac, snliyan dha niqan egu bi samac ka hini ksun, dalih saw gsilung o ungac seejiq nniqan, lutuc mlawa maxal sngari tnsapah thjil hini nniqun. Mniq kana hraan hidaw siyaw gsilung o, kndadax Jweyswey Cyimey, Fengbin Culiu ni Cangbin Nanci o, endaan tnhjilan sjiqun Bunun kana.

Pgkla patas saan rmigaw(旅遊觀光資訊)

Lhngaw ruwan tasil, ksun dha Yuyeydung(月洞).

Pnyahan pnatas(參考資料)