Hassan Rouhani (哈桑·羅哈尼)

Mntucing hngkawas 1992 idas 8 jiyax 1 ka Hassan Rouhani ga, empklaw ka hiya.

Bukung klwaan Iran ta sayang o kiya ka Hassan Rouhani, pnaah hngkawas 2013 idas 8 jiyax 4 pnrajing kmlawa klwaan.

Hassan Rouhani (哈桑·羅哈尼)

Hassan Rouhani (kari Persia: حسن روحانی‎‎, kngkawas 1948 idas 11 diyax 12－), Iran seyji cya, waycyaw cya, mnngalan Iran sosi tanpan dayhyo. Pusu kari srngaw dha ka kari Persia. Mniq kngkawas 2013 idas 6 diyax 14 na kngkawas 2013 kcka seyngkyo Soto cida mbiyax mangal Soto Iran, idas 8 diyax 3 ka psdhuwan phiyu Soto. Kngkawas 2017 idas 5 diyax 20 wada mndungus lmutuc mangal Soto dungan.

Kndusan (生平)

Kngkawas 1948 idas 11 cida Hassan Rouhani u mntuting Semnan Sng Sorkheh Su, mnniq Semnan Singgakuying mi Qum Singgakuying muyas smluhay waya Islam, kiya ka brah tunux bukung Khomeni na mdhu bay mpsnul niya, msmpusal wada sqraq sapah kung. Kngkawas 1980 dhuq kngkawas 2000 ngalan gying Islam Gikay.

Tubrah niya seyji (早期政治)

Kngkawas 1989 dhuq kngkawas 2005, Hassan Rouhani u ngalan Knbaraw Balay Qnlhangan Anjeyng Yingkay Misu, kngkawas 2000 prading ngalan Iran Seymung Kaygi cngweyn. Kngkawas 2003 dhuq kngkawas 2005 mniq Khatami ngalan Soto iyax cida, Hassan Rouhani ka ngalan Iran sosi tanpan dayhyo, tuhuy Ingkoku, France mi Doicu snquri psangay Yo Nongswo wada smhdu kari.

Soto (總統)

Kngkawas 2013 idas 4 diyax 11 cida, Hassan Rouhani pa pkla kari tumal seyngkyo Soto. Brah ini uuda seyngkyo knbeyhing han pa Knpriyux Pay taxa bay hosweynjn Afurey u wada kasi alix mpseyngkyo, Hassan Rouhani u wada mspriyux meytaq Knpriyux Paya, hiya u wada mangal dnkuhan Hatami mi Rahusangcyani. Mniq kcka 6 Soto hosweynjn u niqan 5 hiyi ka mkray pawso pay, Hassan Rouhani Dmudul mndungus seyji mi keyjay cngce, tuhuy txtaxa u ppwaluk knmalu pnluban kana. Wada rmngaw ka hiya psli phiyu kingal ‘Htngayan Knkla mi Sntangan’ na seyhu, tuhuy qnlangan syakay phiyu mdhu bay pnluban, so ini dayi pcahu mi mlih ka ka ndanan pcahu.

Kngkawas 2013 idas 6 diyax 15, Iran Neycngpu pjla ndanan seyngkyo, knkana hyo seyngkyo u 36,704,156, wada mbiyax mangal 18,613,329 hyo ka Hassan Rouhani, wada dmka dnkuhan mi mndungus mangal burah sndhuwan Soto, ana ini uda mntu2 seyngkyo, kiya mi pusu balay pnsung hiya ka Mohammad Bagher Ghalibaf pa wana balay 6,077,292 hyo ka mnangal niya. Idas 8 diyax 3 cida, Iran tubaraw bukung Khamenei mdhu bay pkla kari hniwan niya Soto ka Hassan Rouhani, Hassan Rouhani u mniq idas 8 diyax 4 mniq Gikay psdhuwan phiyu, balay bay mdhu phyuwan tu11 Soto Iran. Idas 9 diyax 27, Hassan Rouhani u tuhuy Amirika Soto Barac Obama muda mn1 pprngaw qnawal, niyi ka Soto Amirika mi Iran snpeyyah pstuq pnluban mntxan balay mpprngaw, pprngawan dha kari u rnrnu quri uuda ho uri.

Kngkawas 2017 idas 4 diyax 14, Hassan Rouhani pkla kari mntxan tumal Soto seyngkyo dungan, mkmangal mntxan dungan. Idas 5 diyax 20, Iran Neycngpu ka muda pkla ndan seyngkyo, knkana hyo seyngkyo pa ya bay 40,000,000 hyo, Hassan Rouhani u wada mangal ya bay 23,000,000 hyo, wada mangal hmrinas dmka dnkuhan mi mndungus mbiyax mangal burah bnkuwan Soto dungan, ana ini mntu2 meytaq hyo.

Kngkawas 2019 idas 12 diyax 17, Hassan Rouhani u musa Malaysia tumal Kngkawas 2019 Kuala Lumpur Dudux Kay, tuhuy Malaysia Sosyang Tun Dr Mahathir bin Mohamad mniq Bangunan Perdana Putra Building mtqita dqras. Ddha dha u ya bay mnuda pprngaw kari 45 pungkang.

Kngkawas 2020 idas 7 diyax 18, Hassan Rouhani mniq sotu Tehran na neyge kaygi rmngaw, snpeyyah prru Narux Punu Brah Cyokoku Uhan (Narux COVID-19) pspuruq dhuq saya, spuwan u ya bay dhuq 2500 knbkiyan hiyi sediq Iran ka wada run narux niyi, so muda snbeyhing mita knbeyhing bay narux preuru Narux Punu Brah Cyokoku Uhan (Narux COVID-19) niyi. Hassan Rouhani u dmuwi Iran Weysngpu na burah keyngkyo, rmngaw mniq mkpiya idas niyi pa, ya bay musa 30 knbkiyan dhuq 3500 knbkiyan hiyi sediq ka muda prru Narux Punu Brah Cyokoku Uhan (Narux COVID-19) niyi, ya bay knhbrawan hiyi musa mniq byoying u ‘Nmk2 knhbrawan hiyi mnuda 150 diyax brah niya’. Seyhu Tehran uri u wada pkla burah pnwaya kmtur u muda 1 iyax sngayan diyax, kiya ka knkana hmtur pnsliyan slhayan snhiyan, hmkun ka sanan mniq sapah pyasan, sanan mihah kahuy, kcka sanan tmapaq qsiya, sanan ppulah mi sanan qmita ccamac uri.

Neyke (內閣)

Rikisi seyngkyo (選舉歷史)

Rouhani casting his vote in the 2016 elections.
Kngkawas 年分	Mpseyngkyo niya 選舉人	Mnangal hyo 得票	%	Tnbkuwan 排名	Nmalan kari 註解
1980	Gikay 議會	19,017	62.1	1st	Mbiyax 獲勝
1984	Gikay 議會	729,965	58.3	17th	Mbiyax 獲勝
1988	Gikay 議會	▼ 412,895	▼ 42.1		Mbiyax 獲勝
1992	Gikay 議會	▲ 432,767	▲ 47		Mbiyax 獲勝
1996	Gikay 議會	▲ 465,440	▼ 32.5		Mbiyax 獲勝
2000	Gikay 議會	▲ 498,916	▼ 17.02	40th	Ini baka 落敗
2000	Seymung Gikay seyngkyo 專家議會選舉 Mnkcka seyngkyo 中途選舉	120,819	47.56	1st	Mbiyax 獲勝
2006	Seymung Gikay seyngkyo 專家議會選舉	844,190		7th	Mbiyax 獲勝
2013	Soto 總統	18,613,329	50.88	1st	Mbiyax 獲勝
2016	Seymung Gikay seyngkyo 專家議會選舉	▲ 2,238,166	▲ 49.72	3rd	Mbiyax 獲勝
2017	Soto 總統	▲ 23,636,652	▲ 57.14	1st	Mbiyax 獲勝

Kndusan niya (私人生活)

Hassan Rouhani pa tama niya u Asatora Rouhani, sediq snbbari mnniq Iran Semnan Su na Bazaar, kiya mi bubu niya saya u wa mniq Semnan.

Kngkawas 1969, Hassan Rouhani u tuhuy Naemeh Rouhan msturung, niqan 2 laqi dha snaw mi 2 ka laqi dha qridin. Laqi niya qbsuran snaw u wada mniq kngkawas 1992 idas 4 jisacu mhuqil, kiya mi wada sdhuwan Tehran Su Habung Beyhst Cahra.

Uxay wana kari Persia, Hassan Rouhani pa mkla balay skari Ingkoku mi kari Arabia. Wada mangal Ingkoku Pyasan Tubeyhing Glasgow Calledonnian Horicu (PhD) Swey hakasey sweywey.

Pnyahan pnatas(參考資料)

List of current heads of state and government
· Hlitan na Watan Diro