Discusion Wikipedia:Prinsipio

Quà se discùte de ła pajina prinsipałe de vec.wiki

Ghèto domànde, dubi o richièste? Cuèsto probàbilmènte no xè el logo adato:
lèxi sta pajina de ajuto par catàr el pòsto xùsto par avèr rispòste
Par domànde sol funxìonàmènto de Wikipedia rivolxìti ało Sporteło informasion
Vuto parlar cò altri Wikipediani? Varda pure el posto de łe Ciàcołe.
Par lasiar i to comènti so Wikipedia servìti inveçe de Pareri so Wikipedia
Par ajiornar ła pajina de discusion struca qui, e te purghi ła pajina.
Par vedare l'archivio de łe vecie discuxion struca qua.

Rinovamento pajina prinsipałe

Par mi i pi belini i me par quelo lavanda-cełeste, e magari quelo verde aqua de Frigotoni (ma bisognarìa vedarlo nel contesto de la pagina intera). El cremisi e i azuri/verdi qua in fondo i xe massa carghi, i disturba i oci. Prové magari qualche tonalità simile ma pi tènara. Tra i loghi me piase de pi el clàssico "globo" che el libro Candalua 14:50, 15 feb 2011 (CET)[respondi]

So d'acordo, el cołor de sfondo nó 'l ga da far tirar i oci. Tien conto che i cołori che go proà inte ła sandbox i xe mesi a caxo tanto pa' proar... El globo e 'l libro i xe ciapai da altre wiki foreste, vołendo se podaria anca crear un sfondo orixinałe nostro... D'ogni modo tra i do xe mejo, anca secondo mi, el globo.--GatoSelvadego 15:40, 15 feb 2011 (CET)[respondi]

Oltre al mio, anca a mi me piaxe cuèło version lavanda-cełeste! Xè anca vero che forse cuèło mio xè on fià massa intenso... Me par infin che 'l globo vada ben a tuti.--frigotoni^{(dime tuto queo che te vui)} 15:47, 15 feb 2011 (CET)[respondi]

Cuà vegnarà publicae łe varie proposte de pajina prinsipałe. Pa' ła discusion continuemo cuà soto.--GatoSelvadego 16:03, 15 feb 2011 (CET)[respondi]

Intanto go meso un primo aboso: go soło che canbià 'l header e uniformà i cołori de łe cartełe...--GatoSelvadego 16:26, 15 feb 2011 (CET)[respondi]

A mi ła pajina prinsipałe me piaxe tuta intera overo sensa cołone, a voaltri ve piaxe de pì intera o co' do cołone?--frigotoni^{(dime tuto queo che te vui)} 15:47, 16 feb 2011 (CET)[respondi]

Mi sensa dubio ła vuria co do cołone, comunque spetemo anca altri pareri. --Vajotwo (posta) 15:58, 16 feb 2011 (CET)[respondi]

Ma, devo dir che anca tuta intiera ła ga el so fasino... Ti comunque te ghe da portar vanti ła to proposta de pajina come che te preferisi, tanto dopo xe probabiłe che faremo un smisioto ciapando łe robe mejo da łe varie proposte :-) Mi intanto go in cantier un fià de canbiaminti da far so' me aboso: voria doparar el modèl alternate pa' łe wiki in altre lengue e voria crear na sesion ligà a vec.wikisource (ma prima go da sentir Candalua)...--GatoSelvadego 16:11, 16 feb 2011 (CET)[respondi]

Gò fato qualche prova par el riquadro de Wikisource, lo vedì su Pajina_prinsipałe/Rinovamento/Gato con l'imagine e su Pajina_prinsipałe/Rinovamento/Toni sensa imagine. A la fine credo che la colona de destra sia el posto mejo, visto che i testi i sarà in zenere pi alti che larghi. Però su l'aboso de Gato me par massa streta la colona... su quelo de Toni ghe la vedo zà mejo. Dopo a seconda de quanto vien longa la colona sentrale, se pol védar de usare o no l'imagine.

Qualche osservassion:

visto che zà ghemo tante robe da farghe star, credo che no convegna sprecar massa posto par "altre lengue" e "altri projeti", quindi +1 par l'idea de Gato de riunirli a fondo pagina ognuno co la so lengueta.
le Avertense se podarìa, za che ghe semo, riscrìvarle in modo pi sintetico.
par el resto, l'aboso de Toni ispirà da it.wiki el me piase come layout, la me par più "pulita" de quela de Gato, su cui provarìa magari a cavar l'azuro del titolo e le onbregiature, e lassarla più essenziale e più coerente come colori, tegnendo la conbinassion rosso-zalo che xe i colori de Venexia.

P.S. ma na bela bandiera veneta nel canton in alto a destra... mi quasi quasi ghe la metarìa... ;-) Candalua 22:52, 7 mar 2011 (CET)[respondi]