Righeira

Righeira

Atività
Atività	1981
Zènare	Italo disco (it) , pop e new wave (it)
Targheta discogràfega	Meccano Records/Italian Records, Emi Italiana, Bravo Records
Àlbun	4
Àlbun stùdio	4
Àlbun dal vivo	0
Àlbun compilation	1
Repertòrio
Pop - Italo disco

I Righeira xe un grupo musicałe itałian formà da Michael, a l'anagrafe Stefano Rota (Torino, 1º otobre 1961) e Johnson, Stefano Righi (Torino, 9 setenbre 1960). Al so esordio infati i se ga fato conosere come Michael & Johnson Righeira. Xe stà pròpio in prima liceo sientifego che Stefano Righi, s'a rebatezà par scherso Johnson Righeira durante łe ore de educasion fisica, passàe in inprobabiłi e stancanti partìe de bałon dal saor brasiłian. Ma xe stà soło do ani drìo, in ocasion de ła so prima bociatura, che Johnson gà conosùo Stefano Rota, che se ga trasformà su'l scominsio in Michael Bounty, poco dopo in Italo Monitor, donca inte el definitivo Michael Righeira quando i do, magonà da ła banałità del so raporto de amçisia, gà decidesto de farse ciamàr fradèłi.

Biografia

I do s'a conossùo nassendo a livèło artistego a Torin sol fenir dei ani setanta. Inte el 1980 Johnson Righeira gà incixo el primo 45 xiri, Bianca surf (Meccano Records/Italian Records), co ła produsion executiva de Giulio Tedeschi; ne l'82, i gà otegnùo un contrato soto l'egida dei Fradèłi La Bionda, razonzendo un suceso inaspetà ne l'istà del 1983 co el singoło Vamos a la playa, che oltra a conservàr par sete setimane ła çima de ła clasifega itałiana (dal 20 agosto al 1º otobre) l'è stà un gran suceso comerciałe anca a l'estaro, dove gà vendùo pì de tre miłioni de copie: ła canson xe stà stanpà in tuto el mondo, e inte i Stati Unii so eticheta A&M, che a quel tenpo jera de propietà de Herb Alpert e che in catałogo gheva artisti cofà i Police ed i Supertramp.

No tengo dinero

Inte l'autuno del 1983 i gà proponesto un altro brano in lengua spagnoła (roba pìtosto pałicària in un periodo inte el cuało l'inglexe ła faseva da paron anca ne łe produsion pop itałiane): No tengo dinero gà otegnùo un riscontro di poco inferior ne łe clasifeghe rispeto al precedente, ma tanto xe bastà par indicare el doto come una de łe rivołusion de quel'ano.

L'iriverente Hey Mama, incixa (in dopia version itałian/spagnoło) ne l'istà 1984, pur non intrando inte i primi posti in clasifica, xe stà comunque un bon suceso capità in quel'ano, come anca el so albun de exordio, tra i cui brani se segnała Luciano Serra pilota, ispirà al sełebre film co Amedeo Nazzari.

L'estate sta finendo

Inte el 1985 i gà ricatà el gran suceso, parteçipando ad Un disco par l'estate e vinçendo el Festivalbar co L'estate sta finendo, canson che a dispèto del titoło xe stà slansà quando ła staxon de łe vacanse gera apena scominsiàda.

Inazonta al so singołi, i Righeira gera apresài dal publico zovane anca par el modo strafanorio de prezentarse; par el so primo suceso in zeneral se vestiva co mustaci veri al muòdo de Charlie Chaplin. I do "fradèłi" se gà exibìo anca al Festival de Sanremo 1986 co ła canson Innamoratissimo (tu che fai battere forte il mio cuore), che se ga clasificà al quindexeximo posto ne łe votasion abinàe al Totip. Anca sto brano gaveva arangiamenti ełetronici che continuava el discorso musicałe che gera stà ciapà dai so produtori e arangiatori, quei fradèłi La Bionda che xa inte el decenio precedente gavevà segnà łe mode musicałi co ła disco music.

Ła risposta del publico xe stà invese minor par el singoło estivo Italians a go-go trato da l'albun Bambini Forever, che gaveva inazonta al brano sanremese anca Oasi in città che gavarà un bon suceso ne l'istà de l'ano drìo.

Indrìoman i gà reałizà Rimini splash down, scrito co i stesi La Bionda e ła cołaborasion de Raffaella Riva del Gruppo Italiano, deventà brano inportante e sigla del film Rimini Rimini direta da Sergio Corbucci inte el 1987. El steso gruppo italiano gà inciso na cover de L'estate sta finendo.

Fra i tanti musicisti che gà cołaborà coi Righeira figura anca Steve Piccolo dei Lounge Lizards, Luca Orioli dei Stadio e soratuto Sergio Conforti (el "Rocco Tanica" de Elio e le Storie Tese). Conforti gà sonà in sucesi cofà Innamoratissimo (de cui el xe anca autor) e L'estate sta finendo.

Inte el 1987 el soło Johnson (che se ga ribatixà par l'ocasion Johnson Righeira Foundation) gà reałixà na version house de Yes I know my way, un clasico del cantante partenopeo Pino Daniele.

Inte el 1988 ese el singoło Compañero, Inte el 1990 ese un altro singoło dance Ferragosto che riciapa i brani dei exordi, co un sound inerente a ła muxica del periodo. Inte el 1992 el do se riunise par la reałixasion de l'albun Uno, Zero, Centomila slansà dal brano Vivo al 139 da łe sonorità house. Drìo sta esperiensa el do se desfanta.

A metà dei ani novanta Michael gà dà vita, co ła supervixion de Franco Battiato e Giusto Pio, al progeto Gloria Mundi, durà el spasio de do albun, mentre Johnson gà reałixà coi Montefiori Cocktail el brano Papalla, spacàto de ła nomenàta sèna lounge itałiana.

El 19 novenbre 1993 Johnson vien incaxonà, co altre trentasete persone, par spaso de droga. El resta in còtego par sinque mexi, par poi vegnìr asòlto a ła fìn del procèso. Riunìi darecào inte el 1999, i Righeira inte el 2001 reałixa un EP co diverse version del so clasego Vamos a la playa e partesipa ad alcuni spetacołi tełevixivo in stiłe revival, da C'era una volta il Festival a La notte vola, na gara intrà personaxi de ła muxica dei ani otanta. In seguito i conpare so' na sorta de cameo in prima persona inte el brano Sole, mare dei so consitadini Statuto dove inte el testo vien rievocà l'istà del 1983, ed infati il verso recita "E 'Vamos a la playa' cantiamo noi Righeira che siamo di Torino e sulla playa ci abbronziam".

Inte el 2006 el do decide de registrar l'albun Mondovisione, antisipà el 24 gennaio 2007 dal singoło La Musica Electronica co el cuało i raxonxe un discreto suceso sensa sbandonarse a łe fasiłi luxinghe dełlla nostalgia.

Inte l'agosto del 2007 i Righeira xe stài oucpài a prexentàr inte el programa radiofonico L'estate sta finendo so R101.

Diversi artisti gà minsonà i Righeira tra i so ponti de riferimento: intrà staltri i Subsonica e The Transistors (Maurizio Mansueti e Luca Cirillo). Johnson Righeira se simenta anca in cortometragi ed esperimenti de sìnema metropołitan, tra cui Pink Forever del xenovexe Davide Scovazzo.

Inte el 2008 ese el documentario Tanzen Mit Righeira ("Balla co i Righeira" in todesco, dl titoło de un brano del so primo albun), prodoto da Endeniu e reałixà da Alessandro Castelletto, che repercore ła vicenda artistica e umana dei do "fradèłi".

In ocaxion dei 25 ani da ła vitoria al Festivalbar, ne l'istà 2010 i Righeira inçide na cover de L'estate sta finendo in conpagnìa dei Afo 4. Come capità inte el 1985, el brano vien trasmeso da łe radio oncora prima che l'istà tache.

Inte el 2011 i Righeira cołabora co i Subsonica cantando insénbre el tòco La funzione.

Discografia

Albun

• 1983 - Righeira (CGD)
• 1985 - Bambini Forever (CGD)
• 1992 - Uno, Zero, Centomila (RCA)
• 2007 - Mondovisione (Saifam)

Singołi

• 1980 - Bianca surf/Photoni (Italian Records, EXIT 706) (soło Johnson Righeira)
• 1981 - Bianca surf/Photoni (VIP, VIP 10325) (soło Johnson Righeira)
• 1983 - Vamos a la playa (Spanish version)/Vamos a la playa (Italian version) (CGD, 10457)
• 1984 - No tengo dinero/Dinero scratch (CGD, 10524)
• 1984 - Tanzen Mit Righeira (Logic remix)/Tanzen Mit Righeira (Break version) (CGD, INT 15142)
• 1984 - Hey mama (Italian version)/Hey mama (Spanish version) (CGD, INT-10573)
• 1985 - L'estate sta finendo/Prima dell'estate (CGD, 10615)
• 1986 - Innamoratissimo (tu che fai battere forte il mio cuore)/Gli parlerò di te (CGD, 10653)
• 1986 - Italians ga go-go/3-D (CGD, 10687)
• 1986 - Bambini forever/Arruinado (CGD, 10698)
• 1987 - Oasi in città/Oasi in città (remix) (CGD, INT 10753)
• 1988 - Compañero/Compañero (The other version) (CGD, 10808)
• 1989 - Garageamos/Adalas omaet (EMI Italiana, 06 2034717)
• 1990 - Ferragosto/Dimmi di no (Bravo Records, 062039677)
• 1992 - Uno Zero Centomila
• 2001 - 2001: Vamos a la playa
• 2007 - La musica electronica
• 2011 - feat. La funzione dei Subsonica

Bibliografia

• Alessandro Bolli, Dizionario dei Nomi Rock, Arcana editrice, 1998, ISBN 978-88-7966-172-0.

Voxi łigàe

• Synth pop
• Disco music
• Italo disco

Linganbi foresti

• RigheiraDiscografia nazionale della canzone italiana, Istituto centrale per i beni sonori ed audiovisivi.
• RigheiraLast.fm, CBS Interactive.
• (EN) RigheiraAllMusic, All Media Network.
• (EN) RigheiraDiscogs, Zink Media.
• (EN) RigheiraMusicBrainz, MetaBrainz Foundation.
• (EN) RigheiraWhoSampled.
• (EN) RigheiraSecondHandSongs.
• (EN) Righeiragenius.com.
• (EN) RigheiraInternet Movie Database, IMDb.com.

• Sito uficiałe Archivià il 29 de novenbre 2019 in Internet Archive.

• Video di una recente esibizione di Vamos a la playa dei Righeira in Russia Archivià il 30 de otobre 2007 in Internet Archive.

• Video so Youtube
• Pagina so facebook de Johnson Righeira