Ak-Dovurak

Ak-Dovurak
Ак-Довурак (ven. i tuv.)
Lidnanznam;	Flag;
Valdkund	Venäma
Eläjiden lugu (2021)	12,456 ristitud
Pind	48,69 km²
Pämez'	Aleftina Kuular; (reduku 2012—)
Telefonkod	+7−39 433-xx-xxx
Avtokod	17
Aigvö	UTC+7 (MSK+4)

Ak-Dovurak (tuv.: Ак-Довурак, «vauged ma» tuvan kelespäi, ven.: Ак-Довура́к) om Venäman lidn da lidnümbrik Tuvan Tazovaldkundan päivlaskmas.

Istorii

Eländpunktan aluz om pandud vl 1964 Sauvojiden (ven.: Строителей) i Kaikenaigaine- (ven.: Постоянный) žiloiden ühtištusel lidnan statusanke. Panihe žilod edel 1959. vot sauvomha azbestkombinatad pit'kkuiduižen azbestan pästandanke sijaližel torhudel (kar'jer radatoitase pohjoižhe lidnaspäi).

Ak-Dovurak šingotase azbestan i šiferan tehmižel, mugažo tazovaldkundan kahtenz' surtte lämuzelektrokeskuz (Ak-Dovurakan LEK) sijadase lidnas.

Geografijan andmused

Lidn sijadase Hemčik-jogen huran randal (tuv.: Хемчик, Jenisein hura ližajogi), 850 m ü.m.t. keskmäižel korktusel.

Matkad Kizilhasai om 270 km päivnouzmha orhal vai 305 km avtotedme. Lähembaine lidn om Čadan 70 km päivnouzmha orhal vai 82 km avtol sil-žo tel. Lähembaine raudtestancii sijadase Abaz-lidnas (Hakasii) 170 km pohjoižhe orhal vai 240 km avtotedme.

Klimat om terav kontinentaline vilunke tal'venke. Voden keskmäine lämuz om −0,7 C°, heinkun +18,9 C°, vilukun −24,0 C°. Paneb sadegid 279 mm vodes, enamba heinkus (58 mm), vähemba uhokus.

Tobmuz

Ak-Dovurak om lidnümbrikon üks'jäižeks eländpunktaks. Lidnümbrik om ümbärtud Barun-Hemčikan kožuunan territorijal.

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 13 468 ristitud, vn 2021 — 12 456 ristitud. Kaik 13 578 eläjad oli lidnas vl 2017. Kaikiš suremb lidnan ristitišt oli 15 191 eläjad vl 1989.

Rahvahad (enamba 0,4 % vn 2002 Venäman rahvahanlugemižen mödhe, ozutadud rahvahudenke): tuvalaižed — 91,8 %, venälaižed — 6,1 %, hakaslaižed — 0,5 %, kirgizlaižed — 0,4 %, komilaižed — 0,4 %, toižed rahvahad — 0,8 %.

Ortodoksižen hristanuskondan Pühän Jumalanmaman Blagoveššenjan jumalanpert' i buddizman suburgan oma saudud lidnas^[1].

Lapsiden opendusen aluzkundad oma seičeme nimitadud päivkodid, Olčei-licei, koume keskškolad (nomer 2, 3, 4), lapsiden sädamižen pert', čomamahtoiden škol, lidnan sportškol. Ak-Dovurakan kaivuztehnikum^[2] om lidnan professionaližen opendusen aluzkundaks.

Homaičendad

Irdkosketused

Lidnan tobmuden sait (akdovurak.rtyva.ru). (ven.)

Ak-Dovurak Vikiaitas

	Tuvan Tazovaldkundan lidnad
	Ak-Dovurak \| Čadan \| Kizil \| Šagonar \| Turan

[1] Ak-Dovurakan pühäpertid bogiisus.com-saital. (ven.)

[2] Ak-Dovurakan kaivuztehnikuman sait (agt.rtyva.ru). (ven.)

[1]

[2]