Volžskii

Volžskii
Волжский

Lidnanznam	Flag
Valdkund	Venäma
Eläjiden lugu (2022)	321,427 ristitud
Pind	229,12 km²
Pämez'	Igor' Voronin (2000−2009, sügüz'ku 2013—)
Telefonkod	+7−8443-xxx-xxx
Avtokod	34, 134
Aigvö	UTC+3 (MSK+0)

Volžskii (ven.: Во́лжский) om Venäman lidn da lidnümbrik Volgogradan agjan suves. Se om agjan kahtenz' surtte lidn, om konurbacijas Volgogradanke, mülüb Volgogradan lidnaglomeracijha (1,4 mln rist.).

Istorii

Nügüd'aigaižen eländpunktan aluz om pandud vl 1951 Bezrodnoje-külän sijas kuti žilo sauvomha Volgan GES:ad (sil aigal Stalingradan GES, sauvomine jätksihe vozil 1950−1961). Vl 1954 žilo sai lidnan statusad.

Volžskijan ižandusen päsarakod oma gidro- da lämuzenergetik, himine tegimišt, transportmašinoidensauvomine, sömtegimišt, mugažo pörutügidentegim i teraztor'viden tegim oma olmas.

Geografijan andmused

Lidn sijadase Ahtub-jogen hural randal (ven.: Ахтуба, Volgan hijam), Volgogradad vaste, 20 m ü.m.t. keskmäižel korktusel. Röunatab Volgogradanke päivlaskmas. Matkad Volgogradan keskushesai om 20 km suvipäivlaskmha.

Volžskii om lidnümbrikon üks'jäine eländpunkt, jagase 38 lidnanlaptaks, 45 fartalaks da ühesaks žiloks.

Eläjad

Vn 2010 Venäman rahvahanlugemižen mödhe eläjiden lugu oli 314 255 ristitud. Kaikiš suremb ristitišt oli 327 356 ristitud vl 2013, žiloiden ühtenzoitusen lidnanke jäl'ghe. Vl 2017 kaik 326 055 ristitud eliba lidnas.

Rahvahad (enamba 0,4% vn 2010): venälaižed — 90,8%, ukrainalaižed — 1,4%, kazahlaižed — 0,8%, armenijalaižed — 0,8%, totarlaižed — 0,8%, uzbekalaižed — 0,5%, azerbaidžanlaižed — 0,5%, toižed rahvahad — 2,4%, rahvahuden ozutandata — 2,0%.

Ortodoksižen hristanuskondan phh. Sergii i German Valaamalaižiden mez'jumalankodi i üks'toštkümne pühäpertid oma olmas lidnas: ühesa jumalanpertid, časoun' i valatusiden pühäpert'. Severz'-se protestantizman pühäpertid ratas. Islaman uz' pühäpert' (pämečet') om avaitud Vihand sar'-lidnanlaptas vspäi 2020.

Transport

Ühtennimine raudtestancii om «Volgograd — Alabaskunčak»-jonol. Järed jogiport radab lidnas. Raudte- da avtotesild ühtenzoitab jogen randoid, se mäneb Volgan GES:an padoseinän ülähädme.

Avtobusad da tramvaid oma kundaližeks transportaks. Elektrojonused ühtenzoittas lidnad Volgogradanke.

Galerei

• 
  Lidnümbrikon Administracijan sauvuz (2021)
• 
  Leninan prospekt om kaikiš pidemb ird lidnas
• 
  Ph. Serafim Sarovalaižen pühäpert', vn 2011 nägu (ortodoksine hristanuskond)
• 
  Baptizman pühäpert', vn 2021 nägu
• 
  Volgan GES vl 2005
• 
  Volžskan tor'vtegimen pätulend vl 2011
• 
  «Volgabas-Volžskii»-avtobustegim vl 2021
• 
  Gidrosauvojiden kul'turkeskuz puištonke (2020)
• 
  Klinine läžundkodi nomer 1 (2021)
• 
  Volžskii-päraudtestancijan sauvuz da torg senno vl 2022

Irdkosketused

• Volžskii-lidnan Duman oficialine sait (dumavlz.ru). (ven.)
• Volžskii-lidnan Administracijan oficialine sait (admvol.ru). (ven.)