Jan Claudius de Cock
Jan Claudius de Cock (Brussel, 2 juni 1667 – Antwerpn, 1735) was e Vlamsche têeknoare, graveur, beeldhouwer en dichter. Je makte zowel religieuze of seculiere beeldn. J' èt e belangryke bydroage geleverd an 't ipkommn van 't neoclassicisme in de loatere Vlamsche beeldhouwkunst.
Je was de zeune van beeldhouwer Claudius de Cock en je volgde lesse by den beeldhouwer Pieter Verbrugghen in Antwerpn in 1682-1683. Je krêeg den titel van mêester in de Sint-Lucasgilde van Antwerpn in 1688 of 1689.
In de joarn 1692 toet 1697 decoreerde De Cock de binnekoer van 't kastêel van Breda vo Willem III van Oranje, stadhouder van de Nederlandn, met d' hulpe van zyn schôonbroere Melchior Serlippens en acht lêerliengn. Je makte ook busts van de Prinsn van Oranje, lik van Filips Willem en van Maurits van Oranje.
In de loate joarn 1690 kêerde De Cock were nor Antwerpn. Je makte e grôot dêel religieuze beeldhouwwerkn lik altoarn, koorbankn, biechtstoeln, prêekstoeln en grafmonumentn, moar ook seculiere beeldn en monumentn. Je schrêef ook verhandeliengn over kunst en gedichtn.
|
Ofbeeldiengn die ier by passn ku je vien in de categorie Jan Claudius de Cock van Wikimedia Commons. |