Anweye

bassén ås anweyes dins ene rwene rominne

Ene anweye, c' est on longou pexhon, come on sierpint, ki skepeye e l' Atlantike pu rmonter les rivires di l' Urope Coûtchantrece tot crexhant; ele divént adule dins les rixheas, et ridischinde eviè li Mer des Sargasses po froyî. Les cis ki pasnut dins les corantès aiwes polèt aveur céncwante cintimetes.

On ndè trove eto el Mîtrinne Mer, mins nén dins les aiwes do Danube.

Ene djonne anweye si lome ene awiale.

Sincieus no d' l' indje : : Anguilla anguilla. L' anweye d' Amerike si lome Anguilla rostrata.

Po des linwincieusès racsegnes sol mot "anweye", alez s' vey sol Wiccionaire

Les anweyes el Walonreye

L' anweye rimonte Mouze et les awjhales k' on-z î pexhe sont coujhnêyes so l' aloumåcion d' anweye di Mouze.

Les anweyes k' on trove dins les pus ptitès aiwes (Bok, Seure sont ddja pus grandes, disk' a 50 cm.

Eurêyes ås anweyes

Divant d' les cure, elzî fåt saetchî les båbes.

Li mot anweye dins les nos d' plaeces

Li mot "anweye" si rtrove kécfeye el toponimeye do walon, come "ås Anweyes" (avårla, on prononce: les anwîyes, vî scrijha: Anwilles) a Djimbe.

No dins des ôtes lingaedjes

arabe : noun (çou k' est eto li no del lete ki dene li son N)

Commons

I gn a so les cmons Wikipedia des imådjes ou fitchîs son a vey avou les anweyes .