Denise Delbart

Denise Delbart, ki sinéve puvite Denise Mathot-Delbart, c' esteut ene sicrijheuse e walon del soce des WASAB.

Elle aveut skepyî li 10 di djanvî 1920 a Maredret.

Onk di ses arimés

I ravike

Come on feu ki djômeye

Padzo les blankès cindes

On feu k' d' on côp d' graweye

Ene brokete pout fé rprinde,

Li cåzaedje des parints

Endaléve tot doûçmint.

Fåt dire k' on n' fijheut rén

Po wårder nosse lingaedje:

E scole, on nel vleut nén;

C' esteut cåzu ene taetche

Di dire on mot d' walon...

Ça valeut l' banc do fond

Adon, l' vint a tourné:

Des Walons ont compris

K' i lzeu faleut schaper

Çou k' les vîs ont leyî.

Sol feu, c' est zels tertos

K' ont rmetou on fagot

Asteure, on rcåze walon

Dispu Lidje disca Mont…

Li flame aveut baxhî

Ç' côp ci, ele si rewoeye

Ele monte, ele riglatit

Dins tote li Waloneye.

Alére

Si otoprezintaedje dins nWASAB l° 5 (1983), p. 2