Léon Warnant

Léon Warnant a skepyî a Oreye li 13 di måss 1919 et a morou a Lidje li 30 d' avri 1996. C' esteut on scrijheu e walon et on rcwereu sol walon.

Di s' mestî, esteut professeur d' univiersité al pirlodje di linwistike francesse di l' Univ di Lidje.

Ouves e walon

A scrît e walon deus ramexhnêye di powinmes: “Blames et foumires” (1953) eyet “Les anêyes et les voyes” (1955). A scrît eto des pîces di teyåte, dizo li no d' pene di Léon Noël: “Li dictateur” (1960), “Såle 1417” (1961), “Et n' nos leyîz nén toumer el temtåcion” (nén eplaidî).

Come ricwereu sol walon, il a scrît on live, La culture en Hesbaye liégeoise, eplaidî e 1949, et rprins dins l' Djivêye des motîs do walon.

A shuvou on studia foirt sipepieus sol fonetike do walon: Études phonétiques sur le parler wallon d'Oreye.

E francès, il a scrît ene banslêye di sincieus ovraedjes dins s' mestî.

Il est eto l' oteur di lives e francès d' Walonreye: Colâs Pîrlotche, écriveur (1981), Mon Mononke Colâs Pîrlotche et compagnie (1981).

Li Wiccionaire si rsieve di sacwantès fråzes da Léon Warnant po-z enimådjî des mots k' i gn a.
Sacwants d' ses scrijhaedjes (so l' Aberteke)