Spot

Pol discramiaedje des årtikes avou l' mot « Spot », loukîz cial.

Po des linwincieusès racsegnes sol mot "spot", alez s' vey sol Wiccionaire

On spot^[1], c' est ene coûte fråze ki dene ene luçon u ki fwait tuzer.

Egzimpes di spots

C' est todi les ptits k' on spotche

L' ome roye et l' Bon Diu disroye

Après les grands ramasseus, les grands ståreus

C' est todi l' ci å pî d' l' eglijhe k' arive e rtård a messe

Li ci ki n' a nén des mehins è ratind

On n' candje nén si tchvå po ene bourike

Il stî foirdjî pa ene djin k' on n' kinoxhe pus. Les spots si spårdèt tot seus dins les vicants lingaedjes.

On mete eto avou les spots les ratourneures, ki n' sont nén pår des spots.

bate al gregne et vaner a l' ouxh.

Il a stî spani avou on soret.

Dji l' a sol betchete del linwe.

Ene des sôres di spots, c' est les sapinstés.

Li spot est diferin del pinsêye k' est eto ene pitite fråze po fé tuzer, mins k' a stî scrîte d' ene kinoxhowe djin.

Gn a eto les rmetaedjes (avou l' divancete "come").

I s' è fote come di l' an cwarante.

Il esteut tcherdjî come on bådet.

Il est biesse come ses pates.

Gn a yeu sacwantès ramexhnêyes di spots e walon, li pus rlomêye, c' est l' cene da Dejardin.

"Li ptit corti aux proverbes wallons" (Alexandre, diviè 1875).
Rimetaedjes Joseph Defrecheux ("Recueil de comparaisons populaire wallonnes"), BSLLW, tome IX, 2inme rîlêye, 1886.
""Dictionnaire des spots et proverbes wallons" (Joseph Dejardin, 1891).
La parémiologie namuroise (étude critique de la partie namuroise du dictionnaire des spots : corrections et additions), Maurice Flament, Memwere Ulg, 1968.
La parémiologie malmédienne, Marcel Piette, Memwere Ulg, 1969.
"Recueil de proverbes et d'expressions utilisées à Ciney" (Reynolds Hostin, diviè 1980).
"Spots da Lurquin" eplaidîs pa bokets dins li gazete "Chroniques" di l' SLLW dins les anêyes 1980.
"Les spots då Singlé" : tos spots et ratourneures ramexhnés pa Gaston Lucy et eplaidîs pa bokets dins des ptitès gazetes, inte 1970 et 1980.
"Les expressions en wallon liégeois", Jean Defrecheux, 1990)
"Guide des expressions en wallon liégeois" (Marcel Slangen, 1995).
"Le wallon de poche" (Guy Fontaine, 1999)
"Rvazîs (Adages, dictons, proverbes populaires)" (Joseph Coppens, eplaidîs e 2001, après l' après l' moirt do scrijheu)
Live di ratourneures Denis

Dins les romans u ptits romans e walon, gn a sovint bråmint des spots, k' on dit ki ça ndè fwait l' valeur literaire.