dai

Walon (Rifondou)

Etimolodjeye

Gayel po "oyi", come li walès « do », gayelike escôswès « tha », irlandès « tá », roumin « da », vî grek « δή » rûsse « да ».

Prononçaedje

• AFE :
  • diferins prononçaedjes : /dɛː/
  • prononçaedje zero-cnoxheu : /dɛː/
• Ricepeures : nén rcepåve

Mot-usteye

dai (nén candjåve)

1. d' ene foirt claire manire.
   • I n’ estént nén contints, dai, la k’ dji mete mi bleu-bijhe ! Dj’ a si bén oyou l’ côp d’ sounete ! … Sortot Kinåve avou s’ fameus surlet ki n’ a co djamåy polou cori tot côp k’ dj’ a tapé m’ bleu… — Henri Simon, « Li bleû-bîhe » 1886, (eplaidaedje da Jean Haust e 1936), p.9 (fråze rifondowe).
   • Et so çoula, Colasse
     Tchessa foû di s' coujhene li djalot marlatcha,
     K' aveut raetchî l' pwezon ki dveut, dai, ç' moumint la
     Evilmer po lontins l' veye do vî rapace ! — Louis Lagauche, "Mayon" (1923), p. 29 (fråze rifondowe).
   • C' est çou ki lyi fåt, dai, cwand on è djåze, i glete— Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • Dj' a stou la, dai — Motî Haust (fråze rifondowe).
   • —Nos n' vis såréns emoenner a Lidje avou vosse sipiyêye djambe, Aniouchka
     —Çoula m' fwait si må, dai. — Paul-Henri Thomsin, ratournant Li diâle è cwér, ine avinteûre di Bakelandt l’èspiyon di Napolèyon à Lîdje, 2009, p. 29 (fråze rifondowe).
2. mostere li surprijhe.
   • Mins tot d’ on côp, dai, kéne sorprijhe !
     A poenne arivé viè l’ tournant,
     K’ est-ç’ k’ i voet el broumeur tote grijhe,
     Håynant s’ pus agali rivnant
     Leyant djowter, divins ses croles,
     Les flåwes ridjets d’ on tene solo. — Martin Lejeune, "L’iviêr èt l’amour" (fråze rifondowe).
3. rafoircixh li sins di sacwants adviebes metous drî.
   • Awè dai — Motî Haust (fråze rifondowe).
   • Siya dai — Motî Haust (fråze rifondowe).
   • Nonna dai — Motî Haust (fråze rifondowe).
   • Bondjoû, dai, cinsî — Joseph Lahaye (fråze rifondowe).
   • Iy dai, c' est vos k' est la ! — Motî Haust (fråze rifondowe).
4. (mocreçmint) mostere ki c' est nén veur.
   • Oho ! Come dji voe, i gn a nouk k' åye tuzé a m' wårder ene boune plaece !… Merci ! C' est foû binamé, dai !!… — Paul-Henri Thomsin, ratournant "Li vî bleu 2" da François Walthéry & Raoul Cauvin, 1980 (fråze rifondowe).
5. (dins èn arinnoe) assaetche l' asteme di l' atôtchî so ene sakî.
   1. avou on no prôpe ou on sustantif.
      • Hoûtez dê, Monseû l' prédicant
        Ni pârlez nin tant conte lès mônes;
        ca vos f'rîz dîre qui l' diâle vis mône
        come ounk di sès apartinants. — Hubert Ora (1598-1654).
      • Mins on n’ aprind nén a on vî mårticot a fé des xhenes, dai, potince ! Dji vs l’ a yeu d’ ene alinne. — Henri Simon, « Li bleû-bîhe » 1886, (eplaidaedje da Jean Haust e 1936), p.15 (fråze rifondowe).
      • Les maîsses tîhons n’ sont nin so ’ne djèye dai, fré. — Joseph Vrindts, Tot tûsant (1924), Ine sicole flaminde po nos Députés walons, p.49.
   2. avou on prono tonike.
      • Il a stî djonne ossu, dai lu ! L’ a-t-i stî !— Henri Simon, « Li bleû-bîhe » 1886, (eplaidaedje da Jean Haust e 1936), p.15 (fråze rifondowe).
      • Portant, dji n' fwai nén må pol cåze,
        I sait bén k' dji so d' ene boune påsse,
        Ca dji n' inme ki lu, dai, l' grand sot ! — Jean Bury, Joyeux rèspleus (1899), "Mi galant" (fråze rifondowe).
      • – I m’ sonléve bin, dê, mi ! rèsponda l’ blanc bribeû.
        – Pacyince… nos-î vinrans ! mamouya l’ neûr.
        – Nin oûy, todi, fré ! hah’la l’ feume tot ‘nn’ alant. — Arthur Xhignesse.
      • Dji n’ bråkele nén, dai mi ! — Camille Gaspard, ”Dju n’ brâkèle nin” (fråze rifondowe).
      • Ké loyén gn a-t i inte on cirnaivieus et on vî ome, dai, vos ?, ki vos m’ alez todroet dmander. — Lucyin Mahin.
      • Avou deus foû al fén do matche, comint vôreuss wangnî, dai, ti ?
      • Oyi, dai, vos ! Hanesse !… Veur !… Ene medaye beneye ?
        — Louis Lagauche, "Li ptit hierdî" (1926), p. 34 (fråze rifondowe).
6. (dins èn arinnoe) (å cmince d' ene fråze) si dit cwand on s' rapinse todroet d' ene sacwè ou cwand-z on vout potchî d' ene coxhe a l' ôte.
   • Dai, l' bossowe Ane si va maryî. — Motî Forir (fråze rifondowe).
7. (metou al difén d' ene fråze) (dins èn arinnoe) fwait dire a l' atôtchî ki c' est l' vraiye.
   • Dj’ a-st oyou brutiner ene sacwè ; mins, vos savoz, les efants, ça pinse k’ on n’ comprind nén, dai ? — Henri Simon, « Sètche, i bètche » 1889, (eplaidaedje da Jean Haust e 1936), p.45 (fråze rifondowe).

Mots d’ aplacaedje

• awè dai
• siya dai
• neni ddai
• nonna dai
• dai-dai
• a dai-dai

Sinonimeye

• (d' ene foû claire manire) : ciete, awè dai, come di djusse, taiss k’ åy
• (si dit cwand on s' rapinse todroet d' ene sacwè ou cwand-z on vout potchî d' ene coxhe a l' ôte) : paret

Ortografeyes

Divant 1900 :

• dai : E203 ^(lére)

Après 1900, foû rfondou (Feller, Feller ricandjî, nén Feller) :

• dê : C8, C9, E1, E21, E34

E rfondou walon :

• dai : R10 ^(lére)

Sipårdaedje do mot

w. do Levant w. do Mitan

Ratournaedjes

d' ene foû claire manire

• Francès : certes ^(fr), évidemment ^(fr), certainement ^(fr)

drî sacwants adviebes

• Francès : bien sûr que ^(fr) (non, oui etc.), tout-à-fait ^(fr)

mostere k' on-z est nén d' acoird

• Francès : c'est ça ^(fr), mon œil ^(fr), tu parles ^(fr)

assaetche l' asteme di l' arinnoe

• Francès : bien ^(fr), attentivement ^(fr), donc ^(fr)

å cmince d' ene fråze

• Francès : d'ailleurs ^(fr), à propos ^(fr), au fait ^(fr)

fwait dire a l' atôtchî ki c' est l' vraiye

• Francès : n'est-ce pas ^(fr), pas vrai ^(fr)