wayimer

Walon (Rifondou)

Etimolodjeye

Bodje « wayime », avou l’ cawete di codjowaedje « -er » des viebes, mot cité dins l’ FEW 14 124b.

Prononçaedje

AFE :
- diferins prononçaedjes : /wa.ji.ˈme/ /wa.ji.ˈmɛ/ /waj.ˈme/ /waj.ˈmɛ/ /wɔːj.ˈme/ /weː.ˈme/ /wɛː.ˈme/ /wiː.ˈme/ /weː.ˈmiː/ /wɛː.ˈmjiː/ (36 prononçaedjes)
- prononçaedje zero-cnoxheu : /wa.ji.ˈme/
Ricepeures : wa·yi·mer

Viebe

Djin et tins	Codjowa
Cåzant Ind. pr. (dji, dj’)	wayime
Atôtchî(s) Ind. pr. (vos, vs)	wayimez
Cåzants Ind. pr. (nos, ns)	wayimans
Rwaitants Ind. pr., nam. (i/il, ele/elle)	wayimnut
Cåzant Ind. fut. (dji, dj’)	wayimrè
Cåzant D.I.E. (dji, dj’)	wayiméve
Cåzant Suddj. pr. (ki dji, dj’)	wayime
pårt. erirece (dj’ a, vos av)	wayimé
Ôtes codjowaedjes	sipepieus tåvlea

wayimer

(v. sins coplemint) (mot des cinsîs) candjî di ploumaedje, po des poyes (al difén d' l' esté) u des ôtes oujheas (divant k' i n' è rcrexhe des ôtes).
- Les poyes vont wayimer; les poyes wayimèt — Motî Haust (fråze rifondowe).
- Nosse canari wayime — Motî Pirsoul (fråze rifondowe).
- Al Sint-Rmey, les poyes pierdèt leus viyès plomes : ele wayimèt — Joseph Samray, Le vocabulaire de l'élevage à Brisy (Cherain) (fråze rifondowe).
- Mes orondes wayimnut — Andrée Bacq (fråze rifondowe).
- Ç' n' est pus k' on vî moxhon ki wayime e tot tins — Reynolds Hostin (fråze rifondowe).
- Gn aveut ddja ene boune hapêye ki les poyes ni wayimént pus — Lucien Namèche (fråze rifondowe).
(v. sins coplemint) (noûmot pa stindaedje do sinse) candjî d' poyaedje, po des biesses ås tetes (sovint après l' ivier).
- E moes d' måss et avri, c' est ddja sovint trop tård po-z epayî les rnåds, pask' il a cmincî a wayimer — Lucyin Mahin (fråze rarindjeye).
(v. sins coplemint) (mot d’ zolodjeye) candjî d' pea, po les sierpints, et les sfwaitès biesses.
(v. sins coplemint) passer di l' estance di halene al cene di påpåd-lôlô, po on påwion; d' ene halene a ene pus grosse, po des insekes u des viers.
- Les oûs vont ddja disclôre dins les boyeas, et divni des molon (k' on lome di prumî stade), ki s' vont dispåde dins les waides avou les petales;a, l i vont esse magnîs pås caracoles, et wayimer po divni, so 12 a 14 djoû d' tins, on meur molon (k' on dit di troejhinme eståde), bon a rascråwer ene berbis — Lucyin Mahin.
(v. sins coplemint) (mot d’ fiziolodjeye) candjî d' vwès, al laide ådje, po les rafoircis gaméns.
- On roed hierdî ki cmince a wayimer — Motî Toussaint (fråze rifondowe).
(Modele:vsnd candjî a ene ôte sôre di biesse (pus metchante), a èn ôte sikepion (lau-warou, spér, rivnant) passer a èn ôte eståde del veye, candjî d' mestî.
- Al nute, i wayiméve a leu-waerou.
- Vosse pitit tchén wayime a laide biesse — Motî Gilliard (fråze rifondowe).
- Çou k' on wayime rade a facteur — EW&ET (fråze rifondowe).
- — Pauve sot potince, i forcrèhe po l’ amou qu’on lî dit qui s’ feume èst-agalèye !… Bâbô!… dishombe-tu dè wayemer l’ djalos’rèye, si ti n’ vous nin toûrner a bordon d’ canada— Joseph Vrindts, Tot tûsant (1924), I tint s’ Feume à l'’oûy!.

Parintaedje

Sinonimeye

(poyes): mouwer, si disploumer

Ortografeyes

Divant 1900 :

Après 1900, foû rfondou (Feller, Feller ricandjî, nén Feller) :

E rfondou walon :

wayimer : R10 ^(lére)

Li mot n’ est nén dins : C8, O102

Ratournaedjes

candjî ses plomes

Inglès : to moult ^(en)
Francès : muer ^(fr); se déplumer ^(fr)
Neyerlandès : ruien ^(nl)

piede ses pwels (tchén…)

Francès : muer ^(fr)

candjî d' pea (sierpint…)

Arabe marokin : نسل ^(ary) = نْسل =‎ nsel
Inglès : to slough ^(en)
Francès : muer ^(fr)

candjî d' vwès (djin)

Inglès : to break ^(en)
Francès : muer ^(fr)

candjî d' cogne (djin)

Arabe marokin : ولّى ^(ary) =‎ wella
Francès : se changer ^(fr) (en), se transformer ^(fr) (en)