Jaime Sin

Hi Jaime Lachica Sin PLH, OS, OL (Tsinino: 辛海梅, 辛海棉; Pe̍h-ōe-jī: Sin Hái-mûi, Sin Hái-mî; Agosto 31, 1928 – Hunyo 21, 2005), kaorugan ngan pormal nga tinataawag nga Jaime Kardinal Sin, an ika-30 nga Katoliko Romano nga Arsobispo han Manila ngan ika-tuló nga kardinal tíkang ha Pilipinas. Usá hiyá an nagdará han waray-patayay ngan makasaysayan nga 1986 nga People Power nga Rebolusyon, nga nagpaiwas tikang ha poder han diktadura ngan naghunong han balaod militar ha ilarom ni Ferdinand Marcos ngan nagbutáng kan Corazon Aquino nga sumunod ha iya ha pagkamangulo han Ika-Lima nga Republika han Pilipinas. Usá gihapon hiyá nga nanguna dida han EDSA nga Rebolusyon han 2001 nga nagpaiwas tikang ha poder kan Joseph Estrada ngan ginsaliwanan ni Gloria Macapagal Arroyo.