Daka Phire u Lüya Dızde
Beno nêbeno. Waxtê waxta de, jü pire bena, jü lüye bena. Jü ki bızê da pire bena. Daka pire her roc bıza xo dosena. Sıtê xo ana girênena, amên kena, kena bınê jü lêy, ebe tenê kınca pêsena têra. Daka pire rocê êna qayt kena ke sıt çino. Roca bine êna qayt kena ke sıt hawo ancia çino. Daka pire bena xêğe. Vana: No nia nêbeno. Kamo sıtê mı tıreno? Ez gereke bızani.
Rocê Daka pire sıtê xo ana, rêyna pêsena têra, kena bınê lêy. Dariya xo cêna xo dest, xo pê çêveri de dana we. Qayt kena ke çêver bi ya (ra), lüye bêveng amê kewte zerê qulınde, şiye lê kerd berz u dormê xo de qayt kerd ke kes çino, zaf kêf kerd, esqa ra nêzana ke se bıkero.