保守主义
保守主義（英语：conservatism）是一種目的是促進搭保護傳統个社會制度同實踐个文化、社會、政治哲學搭意識形態。[1][2]佢个核心因之存在个社會个具體現狀會得有弗同。通常性，保守主義反對激進个進步搭徹徹底底个顛覆，而是鍾意保證社會秩序穩定性，同時辰光進行有得歷史延續性个演變然樣子个製度搭實踐[2]。弗同个保守派群體扗弗同个時期，可能去維護弗同个傳統價值觀，譬如基督教、伊斯蘭教、儒家價值觀咾啥个[3]。在瑲朞个西方文化當中，保守派一般作得擁護一系列个制度，可能包括家庭、宗教、軍隊、民族國家、法治、財產權、貴族搭君主制。
埃德蒙·伯克是18世紀个英裔愛爾蘭政治家，佢反對法國大革命，但支持美國革命，畀认为是保守主義个始祖之一[4]。1818年，在扗盤算推翻法國大革命成果个波旁復辟時期，弗朗索瓦-勒內·德·夏多布里昂頭一趟在政治意義丄擔箇術語用起。
主題
[编辑]人性
[编辑]有許保守派對人性抱有懷疑个態度。打比方講，埃德蒙·伯克認為，大多數人生落來便是墮落个，深陷在原罪裡頭，是嘸辦法用自家微弱个理性改善自家个。佢講，依靠由歷史積累形成个偏見个“潛藏智慧”（latent wisdom），要比“讓一個人用自家个人个理性走生活搭交易”要好。箇許偏見，便包括對國教搭有土地个貴族个偏喜——佢認為，只要佢侇用及時改革个精神調整来讓統治保持來憲法个框架裡頭，後者个成員就是“偉大个橡樹”搭“適當个酋長”。[5]
傳統
[编辑]保守派通常主張保留一許傳統个文化、制度、習俗等。迈克尔·奥克肖特（Michael Joseph Oakeshott）便講：「保守……便是歡喜熟悉个物事卻弗是弗知个物事，歡喜試過爻个物事卻弗是嘸試着過个物事，歡喜事實卻弗是神秘，歡喜實際性卻弗是可能性，歡喜有限性卻不是無限性，歡喜近个弗完美卻弗是遠个富足、完美个便利搭烏托邦式樣个幸福笑聲。」乘瑲势里，保守派對傳統个強調，也有可能是因为對自家文化个高度認同感。[6]
等級制度
[编辑]保守派通常認為，一許社會秩序搭等級制度是弗可避免个、自然个、合情合理个，佢侇一般基於自然法、經濟學或傳統个立場。打比方講，部分儒家个認同者，有可能主張維持君臣、父子、兄弟、夫妻之間个秩序。[7][8]
現實主義
[编辑]蘇利文（Noël O'Sullivan）定义保守主義是「人類弗完美个哲學」，反映出爻保守派對人性个負面望法搭對通過烏托邦方法改善人性个悲觀態度。[9]另外，大卫·休谟个經驗主義哲學裡頭經常強調感知搭實際經驗來知識形成中个重要性，認為哲學應當解決現實生活當中个問題。
權威
[编辑]保守派傾向於相信傳統个權威，經常性包括宗教、君主、貴族、家庭咾啥个。根據马克斯·韦伯个講法，箇种形式个權威是「基於對古代傳統个神聖性搭來箇傳統下頭行使權力个人个合法性个既定信念」。[10]
分类
[编辑]保守主義有多種類型，包括下头幾種：
傳統保守主義
[编辑]也謳作古典保守主義。佢強調對自然法則、道德秩序、傳統、等級制、有機主義、農耕主義、古典主義、高雅文化搭忠誠个需求。一部分傳統保守主義者主動接受爻「反革命」搭「反動」个标签，无视啟蒙運動以來个“污名化”。
文化保守主義
[编辑]文化保守主義者支持保護傳統个文化遺產搭文化價值觀。
社會保守主義
[编辑]社會保守主義者認為，社會造在脆弱个關係網上頭，要通過責任、傳統價值搭既定機構來維持；政府應該來鼓勵箇許價值方面發揮主動作用。佢侇可能有箇許立場：支持生命文化、支持生物保守主義、支持傳統家庭價值觀、支持一男一女个傳統婚姻定義、通過禁止毒品、賣淫搭審查色情製品來支持公共道德、支持有組織个宗教搭反對無神論搭世俗主義。
宗教保守主義
[编辑]社會保守主義通常主張畀特定宗教个教義用到政治上頭去，可以是宣揚教義个價值、以教義影響法律制定等。打比方講，伊斯蘭傳統主義認為，全部个法律應該基於《古蘭經》搭哈迪斯（穆罕默德个言行錄），还要強調法學學派个權威。
威權保守主義
[编辑]威權保守主義通常追求秩序、傳統搭等級制度，同時支持對激進搭革命个敵人，比方講共產主義、納粹主義搭無政府主義者進行武力鎮壓。[11]德國政治理論家卡爾‧施米特（ Carl Schmitt）被認為主張威權保守主義，佢圍繞主權等概念發展爻一種政治神學，認為“主權者是決定例外个人”，因之，獨裁个總統權力，好來「例外狀況（ state of exception）」下头超越法治。
自由保守主義
[编辑]自由保守主義反對經濟干預，認為個人應該來自由參與市場搭嘸政府干預个情況下頭創造財富。卻情，來生活个各許領域，依賴个人採取負責任个行動是弗現實个，國家要確保法律搭秩序，社會機構也要培養人个道德。[12]
民族保守主義
[编辑]民族保守主義專注維護民族認同、文化認同、家庭主任搭仔宗教个公共角色。佢个支持者表現出對民族主義搭單一文化主義个支持，反对多元文化主义。[13]
進步保守主義
[编辑]進步保守主義試圖結合保守搭進步政策，雖則支持資本主義經濟，但是也強調政府干預對改善人類生活搭環境个重要性。[14]
经济保守主义
[编辑]區域變體
[编辑]美國
[编辑]美國保守主義是一隻廣泛个體系，特徵包括尊重美國傳統，支持猶太-基督教價值觀、經濟自由主義、反共主義搭保衛西方文化个思想。
日本
[编辑]日本保守主義搭日本歷史有密切關係，通常強調神道教、武士道榮譽法則、傳統價值觀咾啥个。
愛爾蘭
[编辑]愛爾蘭个保守主義以天主教、愛爾蘭共和主義搭自由市場經濟為基礎。
中國
[编辑]清末改革中間，認為應該保存清朝皇室統治地位个政治勢力有時候被認為是保守主義个，其中一部分思想家認為西方國家个政治，搭傳統儒家思想裡頭个理想个三代上古之治有相像个地方，認為應該學習佢侇个制度。
辛亥革命以後，袁世凱施行帝制搭張勳个復辟也被蠻多人認為是保守主義个。
新文化運動中間，有保守派學者反對白話文學搭維護儒家傳統價值觀，主持以“保存國粹”為宗旨个《國故月刊》，被主張進步个知識分子強烈批評為「選學妖孽，桐城謬種。」
抗日战争个辰光，中華民國政府推出過「新生活運動」，提倡紀律、品德、秩序、整潔等，被認為是深受傳統儒家搭基督教思想影響。
改革開放以後，中國个互聯網上頭出現被稱「皇漢」个新型漢民族主義者，其中一部分派別主張漢民族个文化保守主義，佢个主張包括復興漢服在內个漢文化、反對針對漢族个計劃生育政策等，其中也有人推崇君主制度。
滿洲國
[编辑]來滿洲國个宣傳中間，經常提及「王道政治」。箇是一種儒家思想裡頭个概念，滿洲國政府用箇个講法來強調佢是施行仁政、君王以身作則个治理國家。康德皇帝（溥儀）被塑造為一個有道德自律搭關懷百姓个君主。
吳越地區
[编辑]以吳越文化為基礎个文化保守主義，經常主張保護搭復興包括語言、藝術、習俗在內个傳統，有時也會搭佛教、民間信仰等結合。近來互聯網丄个吳語社群里向有所出現。
心理學研究
[编辑]對不確定性个恐懼
[编辑]英國个心理學家格倫·威爾孫（Glenn Wilson）認為，保守主義信念个一隻普遍因素是「對弗確定性个恐懼」。
責任感
[编辑]人格心理學研究表明，保守主義搭責任感呈正相關，與對新體驗个開放性呈負相關。2021 年个一隻研究發現，保守派个服務人員比社會自由派服務人員有還要高个評級、評價搭小費。
厭惡敏感度
[编辑]心理研究表明，人个厭惡敏感度越高，做出保守道德判斷个傾向便越大。
威權主義
[编辑]右翼獨裁人格（RWA）是一種人格類型，講个是高度服從權威人物、以權威名義行事、思想搭行為墨守成規个人。根據心理學家鮑伯·阿特米耶爾）个講法，政治保守个人來 RWA 中分數一般要高眼。
幸福感
[编辑]研究表明，保守派通常比社會自由派要快樂，因為佢侇傾向證明現狀个合理性，也有說是因為保守派要比自由派有個人能動性（像是個人控制、責任）、積極个望法（像是樂觀、自我價值）搭超越个道德信仰（像是虔誠个宗教信仰、堅定个道德信念）。阿瑟·布魯克斯發現，保守派个幸福感是社會自由派个兩倍光景。
参考
[编辑]- ↑ Conservatism (2019).
- ↑ 2.0 2.1 Conservatism (en).
- ↑ McLean, Iain; McMillan, Alistair (2009). "Conservatism". Concise Oxford Dictionary of Politics (3rd ed.). Oxford University Press. "Sometimes [conservatism] has been outright opposition, based on an existing model of society that is considered right for all time. It can take a 'reactionary' form, harking back to, and attempting to reconstruct, forms of society which existed in an earlier period". Template:ISBN.
- ↑ Frank O'Gorman（2003）．Edmund Burke: His Political Philosophy．Routledge．ISBN 978-0-415-32684-1．
- ↑ Quintin Hogg Baron Hailsham of St. Marylebone（1959）．The Conservative Case．Penguin Books．
- ↑ Oakeshott, Michael（1962）．Rationalism in Politics and Other Essays．London：Methuen，168–196．
- ↑ Rooksby, Ed (2012-07-15). "What does conservatism stand for?". The Guardian. ISSN 0261-3077.
- ↑ Henning Finseraas, "What if Robin Hood is a social conservative? How the political response to increasing inequality depends on party polarization." Socio-Economic Review 8.2 (2010): 283-306.
- ↑ “Chapter XIII.: Of the Natural Condition of Mankind As Concerning Their Felicity, and Misery.”，Leviathan．
- ↑ （1977）Max Weber: An Intellectual Portrait．University of California Press．ISBN 978-0-520-03194-4．
- ↑ Heywood, Andrew（2013）．Politics．Palgrave Macmillan．ISBN 978-1-137-27244-7．
- ↑ Grigsby, Ellen（2008）．Analyzing Politics．Cengage Learning，108–109, 112, 347．ISBN 978-0-495-50112-1．
- ↑ Parties and Elections in Europe. 访问日脚2009-06-17.
- ↑ （1995）Bischof, Günter 编：Eisenhower: A Centenary Assessment．LSU Press．ISBN 9780807119426．