吴语

吳語
讀法	/ŋu˨ŋei˧˩/（標準吳語）; /ɦu˨ ȵy˦/（上海閑話）; /ɦɜʊ˨˦ ȵy˧˩/（苏州閑話）; /ɦəʊ˨ ȵy˥/（衢州說話）; /ŋ˧˩ ȵy˧˦/（温州話）; /ɦu˨˩ ɦy˧˦/（常州話）; /ɦu˩ ȵy˧˩/（宁波閑話）; /ŋ˨˨ ɲy˥˧/（台州話）; /u˦˥ ȵy˧˩˧/（金華話）
母语戶蕩	吳越（中华人民共和国管轄，主要戶蕩）
使用戶蕩	江蘇南面，浙江大部分，整个上海，安徽南面搭仔福建、江西少部分場許，其他各許國家个吴语社群
幾許人講	8070萬（2015年）
語系	漢藏語系漢語族吳語; ;
文字	漢字 •傳教士羅馬字
閑話代碼
ISO 639-3	wuu
語言瞭望站	79-AAA-d

注意：搿只页面包含Unicode 新版用字：「𠲎」。有点字可能弗会得正常显示，侬好看看Unicode 擴展漢字。

箇篇文章內容忒少哉，儂要是畀佢修改搭補加內容便最好哉。

该文章包括国际音标符号。如果呒不合适个字母搭符号支持，相关字符可能显示为问号、方块或者其他个符号，而非Unicode 字符。

吴语（標準吳語：Ngū-ngèi，上海閑話：Wū-nyù；英文：Wu language）是汉藏语系汉语族里向个一种语言，^[1]主要是吴越民系在扗用。现在主要分布在乃朝中国个江苏南部、上海、浙江大部份、安徽南部份户荡、江西东北搭福建西北，^[2]^[3]还有分布在香港、美国旧金山许荡地讲吴语个移民当中；澳大利亚搭加拿大个吴语移民主要讲太湖吴语，欧洲（主要是意大利、西班牙、法国）个吴语移民一般通用东瓯片或者处州片吴语（§ 分佈）。

吴语个汉字发音搭現代汉语推板交关。用词搭语法也邪气有特色。譬如用吴语写个小说《海上花列传》，弗会得吴语个人士望弗懂渠写何物事。张爱玲女客人翻译带官话个，讲官话个人还有眼理解弗进。

历史

参见：中古汉语到吴语个语音流变‎

吳越時代

吴语历史邪气悠久，2500年前头个春秋时代，江南两个诸侯国——越国搭吴国个原住民大多便用个瑲朞還留在吳語底層个古越語，一般性認為箇閑話屬於侗台语系。上級階層也會講漢語，但單獨个方言話是弗是形成爻還有爭議。^[4]

秦漢郡縣化時期

魏晉南北朝

到著公元四世纪东晋辰光，「衣冠南渡」个北方人发现吴地方言搭中原闲话推板邪气大，全科无法相互了解。却情，北方优势政治地位个影响下底，北方古漢文明搭之南方古越文明相互交流，吴越地区之古越语逐步吸收爻大量古汉语个特征搭之词汇，搭之古代吴语推扳蛮多个现代吴语在以后慢慢然成型，海会古老个吴语特征反使保留在今朝个「閩語」里向，现代吳語个語音明顯好搭中古（隋唐）辰光个韻書（廣韻－切韻）建立對應關係，換之講，雖然吳語个歷史是南方漢語裡向頂頂長久个，形態倒弗好算頂古老个。

丁邦新、潘悟云、郑张尚芳咾啥学者对吴语搭闽语个密切关系做个详尽个分析，可以假设历史上是同源个。李如龙列出来个闽语一二级特征词，将近一半好算吴闽同源词。还有眼共有现象通常不见于别样汉语。

宋明時期

近代

近世

瑲朞

吳語在人口統計丄是乃朝中國大陸个第二大語言，弗過，佢弗搭閩南語搭粵語樣，有「統戰」必要，也有相對成熟个現代運用搭母語環境。佢在媒體電視丄出鏡頻率邪低，弗再論學術、文學、音樂許正式場地个使用。吳語亟缺現代化个建構搭社會系統性个支持，瑲有淪落作市井言話个危險。

乃朝因为中华人民共和国强制性推广普通话，同时大量来自中原地区搭华北个人口涌入，让吴越人个本身文化遭到邪气大个冲击。交关年轻人已经弗会得话吴语，外加丧失著蛮多本地习俗，对传统意义丄个吴越文化带来著传承风险。近年来，吴语区各地通过公共交通报站、中小学生吴语活动、民间自发形式个科普咾啥个方式推广吴语。

吳語个內部狀況也是各式各樣，金華、衢州一眼場許个當地居民存在弗再用吴语个现象，蘇南交關地方也因爲外來人口增多帶來著弗用吴语个大趨勢。也有許城市个母語環境稍微好些。^{[來源請求]}

吳語地區个教育相對發達。必过幼儿园辰光就開始推廣普通話活動搭之學堂裏向用語个單一普化，導致爻新生代普遍雙語甚而至於發生爻母語替代，外加已經基本喪失脫吳語閱讀搭之寫作能力哉，在年紀輕个本地人當中出現行情衹會得聽弗會講、甚至全科弗會得聽貤弗會得講个人。因之有學者覺着，隨牢老一代人个凋零，吳語个世代傳承已經碰著爻老大个危險，連橫變成功瀕危語言。^[5]

分佈

本土搭中國各宕地

主文章：吳語分區

按照現在一般个學術丄个分區，吳語分佈在江蘇南部2000萬人、浙江大部分5000萬人，上海市全部2000萬人，安徽南部搭之1000萬人福建、江西个少部分場許，大約摸作，通行吳語个縣市有110個橫裡，人口大約一億零八百萬（2011年）。

吳語分佈个四隻極：

頂北：江蘇如東東南部个幾隻鄉（使用啟海話）
頂東：浙江舟山群島
頂南：福建浦城縣（城關及以北，講屬於南部吳語个浦城閒話）
頂西：安徽石台縣（使用宣州片吳語，寔個最西點比較模糊而且在弗斷東移，因爲宣州吳語正在消亡當中），比較穩定个西端是江蘇省高淳縣。

海外

吳語在海外也有弗少移民个社區在用，比方講，溫州話个使用者遍佈美國法拉盛、紐約市个華人區，^[6]^[7]外加歐洲意大利、法國搭西班牙^[8]，扗意大利普拉托工業區便基本通行。^[9]

语音

顶重要个特征就是是中古全浊声母情原保留浊声，譬方“冻”“痛”“洞”声母分别是[t]、[tʰ]、[d]。

核心吴语个浊塞音从初起浊声时间（VOT）来看，位于后字个辰光的的刮刮是浊声。位于前字个辰光通常不是严格意义上个浊声，少数学者因此描写个辰光索介拿全浊声母搭全清声母归併。但是两者听感差异还是蛮大个，严格来讲，核心吴语[d]是弛声，[t]是张声，搭北语[t]侪不一样。结合声学搭感知两方面看，吴语塞音鼎立还是存在个。^[10]必過，南吳交關戶蕩个濁音音值也扗變低。^[11]

中古音类	前字		后字
中古音类	初浊	基频	初浊	持阻
全清“冻”	全清浊<次清	全浊<全次清	全浊<全清<次清	全浊<全清
次清“痛”	全清浊<次清	全浊<全次清	全浊<全清<次清	－
全浊“洞”	全清浊<次清	全浊<全次清	全浊<全清<次清	全浊<全清

詞彙

吳語有一批保持古音、古義个常用詞語。如「許」（指示代詞）、「汏」搭「滰」（洗）、「囥」（藏）、「隑」（斜靠）、「廿」（二十）、「鑊」（鍋）、「弗」搭「勿」（不）。
第二、第三人稱代詞个詞根大多源自「汝/爾」、「渠（佢）/佗」。
單數人稱標記多由古江東方言个「儂」（人）演變過來。
複數人稱標記多樣化，多數可上溯到端系个同源形式[taʔ] 或[ti]（比較：粵語「哋」）。
表示定語搭領屬个結構助詞、常用个量詞搭陳述句語氣助詞同形，可上溯至見系个同源形式。
吸收外来词汇：洋泾浜英语

语法特点

吳語普遍具有普通話無个存在體，比如上海：佢（俗作「伊」）在門口頭立脫歇。（他在門口站了一會儿。）
交關地方有兼表完成體跟持續體个助詞，形如[lʱ- h-]或其簡略體（約相當於普通話个「著」）。
有結果體，用「脫」、「落」、「掉」等表示，如蘇州：隻檯子壞脫哉。
話題句傍普通話佔優勢，如紹興：个隻電影我看過哉。
謂語動詞个修飾語常後置，如溫州：你走先，我就來。

語氣助詞

吳語語氣助詞在語句意味个表達丄有邪氣重要个語法作用，語氣助詞豐富，用法複雜，各式各樣。語氣助詞在表達語氣搭情貌丄有得舉足輕重个作用，交關辰光是弗可或缺个。以上海言話爲例，主要个語氣助詞有：

「嘚」（老派）、「唻」、「嘚唻」
疑問語氣助詞，如：「𠲎」、「啦」、「啊」、「勿啦」、「呢」、「呢啥」（老派）、「嚜」、「啘」、「咾」、「吤」（“个啊”連音，句尾助詞「个」濁化）、「阿」（用於句首或句中，入聲）
命令語氣助詞，如：「嚡」、「好唻」（老派：「末哉」）
感歎語氣助詞，如：「嚡」、「嘢」、「个嘢」、「哩」、「哇」、「嗗」
別个句末語氣助詞，如：「啊」、「嚜」、「喉」、「噢」、「个啦」、「啦哩」（老派）、「唩」

上海言話个語氣助詞在發展過程中越來越簡化，交關語氣助詞，比方「呢啥」、「啦哩」、「末哉」在中新派群體裏勢已經弗用，但是在上海郊縣地區搭之臨近城市（如蘇州、嘉興、湖州等地）仍舊有弗同程度个保留。

書寫體系

主文章：吳語書寫體系

箇篇文章个部分內容或者段落需要扩充，欢迎幫襯扩充来改善箇篇条目或者段落。
更多个讯息可能会得勒拉讨论页或者扩充请求里向寻着。
扩充条目完成后請拿脱隻模板。

漢字

吳語拉丁化方案搭拼音

主文章：吴语拼音

分區

根據吳語語言特點搭通話情況，好搭渠分成是六片：

運用

吳語文學

主文章：吳語文學

吳語音樂

吳語戲

文献

↑ 639 Identifier Documentation: wuu.
↑ 陈至立（2020）．吴语. 辞海，7版，上海辞书出版社．
↑ 李小凡，项梦冰（2020）．汉语方言学基础教程．北京大学．ISBN 978-7-301-30974-2．
↑ 游汝杰（2018）．吴语方言学．上海：上海教育出版社，8+300-303．ISBN 978-7544486187．
↑ （中文）Cao, Zhiyun 曹志耘（2008）．漢語語言文字話論叢：方言卷．北京：北京語言大學出版社．
↑ （英语）Zhao, Xiaojian（2010）．The New Chinese America: Class, Economy, and Social Hierarchy．New Brunswick：Rutgers University Press．ISBN 978-0-8135-4691-9．
↑ WenZhounese in New York (en). WenZhounese.info.
↑ （英语）（September 2013）Tales from the Development Frontier: How China and Other Countries Harness Light Manufacturing to Create Jobs and Prosperity．Washington, DC：World Bank．DOI：10.1596/978-0-8213-9988-0．ISBN 978-0-8213-9988-0．
↑ （2009）“The Chinese Community in Prato”，Living Outside the Walls: The Chinese in Prato．Cambridge Scholars Publishing，2–24．ISBN 978-1-4438-0356-4．
↑ 王轶之《上海话塞音声母的声学和感知研究》
↑ 曹志耘（2002）．南部吴语语音研究．北京：商务印书馆．ISBN 7-100-03533-3．

另見

代表方言：上海言話
代表方言：蘇州閒話（蘇白）
代表方言：江陰話
代表方言：杭州話語
代表方言：紹興話
代表方言：寧波言話
代表方言：台州話
代表方言：溫州話
錢乃榮

外部链接

维基孵育场当中有：
测试版吴语维基词典

[1] 639 Identifier Documentation: wuu.

[2] 陈至立（2020）．吴语. 辞海，7版，上海辞书出版社．

[3] 李小凡，项梦冰（2020）．汉语方言学基础教程．北京大学．ISBN 978-7-301-30974-2．

[yrj2018-4] 游汝杰（2018）．吴语方言学．上海：上海教育出版社，8+300-303．ISBN 978-7544486187．

[5] （中文）Cao, Zhiyun 曹志耘（2008）．漢語語言文字話論叢：方言卷．北京：北京語言大學出版社．

[6] （英语）Zhao, Xiaojian（2010）．The New Chinese America: Class, Economy, and Social Hierarchy．New Brunswick：Rutgers University Press．ISBN 978-0-8135-4691-9．

[7] WenZhounese in New York (en). WenZhounese.info.

[8] （英语）（September 2013）Tales from the Development Frontier: How China and Other Countries Harness Light Manufacturing to Create Jobs and Prosperity．Washington, DC：World Bank．DOI：10.1596/978-0-8213-9988-010.1596/978-0-8213-9988-0．ISBN 978-0-8213-9988-0．

[9] （2009）“The Chinese Community in Prato”，Living Outside the Walls: The Chinese in Prato．Cambridge Scholars Publishing，2–24．ISBN 978-1-4438-0356-4．

[10] 王轶之《上海话塞音声母的声学和感知研究》

[czy2002-11] 曹志耘（2002）．南部吴语语音研究．北京：商务印书馆．ISBN 7-100-03533-3．

[1]

[2]

[3]

[4]

[5]

[6]

[7]

[8]

[9]

[10]

[11]