圣凯瑟琳街

圣凯瑟琳街（Rue Sainte-Catherine）是加拿大蒙特利尔市中心个主要商业街，从西到东穿过中央商务区，全长11.5公里，开始拉韦斯特蒙市（Westmount）个克莱蒙特大街（avenue Claremont）搭迈松纳夫大道（boulevard De Maisonneuve）路口，穿越玛莉亚城（Ville-Marie），结束拉圣母街（rue Notre-Dame Est）。

圣凯瑟琳街始建拉1801年，平行拉蒙特利尔地下城，街北是成片办公塔楼搭商场。沿街或拉渠个附近个教育机构包括协和大学、麦吉尔大学、魁北克大学蒙特利尔分校等。

蒙特利尔地铁绿线沿圣凯瑟琳街兴建。

圣凯瑟琳街曾经拥有蒙特利尔个交关多著名百货公司，其中包括伊顿、摩根、辛普森。1960年，哈德逊湾公司收购了摩根，入驻摩根大楼。乃朝，沿着箇条街开设有交关多知名个购物中心，如伊顿中心，搭交关多名牌零售店。拉每年7月一个周末，圣凯瑟琳街开办加拿大最大个露天人行道集市。拉珍妮-曼切街搭圣马克街之间个2公里街道暂时封闭，沿街有现场娱乐表演。据估计，超过30万人拉此活动期间前去市中心。

箇条街上有基督教会座堂，是加拿大唯一座落拉购物中心（Promenades Cathédrale）上头个教堂；另一个重要个教堂是圣雅各联合教会以搭圣公会圣雅各教堂（St. James the Apostle Anglican Church）。

拉圣凯瑟琳街东段，圣Hubert街搭帕皮诺街之间，地铁波特站附近，是蒙特利尔个同志村。