黄浦江

1928年上海外滩外，就是黄浦江

黄浦江汇入长江个图

黃浦江（也叫做黄浦、浦江），老早叫做黄歇浦（简称歇浦）、春申江（简称申江），是上海市境内顶顶大个河流。因为战国辰光楚国个春申君黄歇，所以叫迭个名字。搿条江历史浪是吴凇江个支流，乃朝反过来比吴凇江更大，拿上海割成仔浦西搭仔浦东，邪气有名个上海外滩搭陆家嘴，侪立在黄浦江两岸。

概况

黄浦江拢总长大约码子114公里，阔300-700米，正常全年冻弗起来，是上海个重要水道。它从上海市青浦区朱家角镇个淀山湖开始，一直到吴淞口汇入长江，是长江入海前个阿末一条支流。黄浦江也是太湖向东海排水个重要通道，现在大约码子78%个太湖入海个水是走黄浦江个，主要有淀山湖、太浦河、红旗塘、上海塘箇四個大个水系。

主要个支流包括吴淞江、蕰藻浜、川杨河、淀浦河、大治河、斜塘、园泄泾、大泖港。浦东、浦南地区临海，通过川杨河、大治河、金汇塘、紫竹塘等河浜用上黄浦江个水来灌溉当地。

黄浦江市区段水深10米左右，顶顶深个地方有17米左右，曾经是上海航运业个核心水道，十六铺码头就拉伊边浪。乃朝，只有巨潮港（奉贤西北部）到吴淞口段航道深度还有8.2米以上，松浦大桥到吴淞口一直好开3000吨级个海轮，5000吨级个海轮好直接到闵行，2万吨级个海轮好直接开到吴泾，5万吨级个海轮好到徐浦大桥。

历史

有说法认为是因为上海曾经是楚国春申君黄歇个封地。

黄浦江两岸个综合开发

黄浦江两岸个综合开发规划，范围从吴淞口至徐浦大桥，两面岸线长大约码子85公里，规划控制面积大约码子有74平方公里。规划控制范围里向有核心区搭仔协调区，其中核心区分为中心段、南延伸段搭北延伸段，跟浦东新区、宝山区、杨浦区、虹口区、黄浦区搭徐汇区6个行政区有关系。

2017年年底，黃浦江东岸个滨江公共空间贯通开放，勒拉东岸，从杨浦大桥到徐浦大桥个滨江岸线上，每隔1公里就有1座好让市民休息、娱乐个望江驿。

2018年1月1号，黄浦江两面从杨浦大桥到徐浦大桥个45公里岸线公共空间全部打通，并开放畀全体市民。

越江设施

黄浦江上个桥

勒拉1930年代，就曾经有过造桥个动议，但一直呒没实施。1970年代为仔配合上海石化工程，造出来黄浦江浪头一座大桥——松浦大桥。但勒拉造桥个辰光，伊拉呒没想未来个航道会得向黄浦江个上游跑，所以桥下头个净通航高度只有10米。

1980年代开始，南浦大桥开工。箇后头，黄浦江上个桥开始冒出来。

杨浦大桥 斜拉桥 南浦大桥 斜拉桥 卢浦大桥 拱桥 徐浦大桥 斜拉桥 闵浦大桥 双层斜拉桥，上层S32公路，下层普通公路 奉浦大桥连续梁桥 闵浦二桥（独塔双索斜拉桥，上层公路，下层轨道交通5号线南延伸） 闵浦三桥 松浦大桥（钢桁架双层公铁桥，上层G320公路，下层沪杭铁路金山支线） 松浦二桥 连续梁桥，G15（原A5）公路桥 松浦三桥 连续梁桥 G1503（原A30）公路桥 沪杭铁路桥 G60（原A8）公路桥 朱枫公路桥 G50（原A9）公路桥 沪青平公路桥

穿越黄浦江个隧道

郊环隧道 外环隧道 长江路隧道 殷行路隧道（规划） 嫩江路隧道（规划） 翔殷路隧道 周家嘴路隧道 军工路隧道 江浦路隧道 大连路隧道 公平路隧道（规划） 新建路隧道 外滩观光隧道 延安东路隧道 人民路隧道

复兴东路隧道 陆家浜路隧道（规划） 西藏南路隧道 打浦路隧道 枫林路隧道（规划） 宛平南路隧道（规划） 龙耀路隧道 龙水南路隧道（在建） 上中路隧道 罗秀路隧道（规划） 银都路隧道 （在建） 虹梅南路隧道

穿越黄浦江个地铁

上海轨道交通2号线 上海轨道交通4号线（两次过江） 上海轨道交通5号线（过江段也就是闵浦二桥） 上海轨道交通7号线 上海轨道交通8号线 上海轨道交通9号线 上海轨道交通10号线 上海轨道交通11号线 上海轨道交通12号线

上海轨道交通13号线 上海轨道交通14号线 上海轨道交通15号线（二期，拉造） 上海轨道交通17号线（二期，拉造） 上海轨道交通18号线 上海轨道交通19号线（拉造） 上海轨道交通20号线（二期，拉造）

参见

• 吴淞江
• 长江
• 吴淞口

维基共享资源里向寻得着搭该篇文章搭界个多媒体资源：

黄浦江