Ինչպես թարմացնել հյուրընկալողի օրացույցը

Ամրագրումները կառավարելու և չեղարկումներից խուսափելու լավագույն միջոցը ձեր օրացույցը արդիական պահելն է։ Կարող եք գիշերները նշել որպես բաց կամ արգելափակված, որպեսզի ձեր ազատ ամսաթվերը պարզ լինեն հյուրերի համար, երբ նրանք հետաքրքրված են ձեր տարածքով։

Գիշերները որպես ազատ կամ արգելափակված նշելու համար՝

Երբ ընտրված գիշերները տարբեր կարգավիճակ ունեն (օրինակ՝ եթե որոշ գիշերներ ազատ են, մյուսները՝ արգելափակված), կտեսնեք Փոփոխել ազատ ամսաթվերը՝ Բացել գիշերները կամ Արգելափակել գիշերները տարբերակների փոխարեն։

Նաև կնկատեք, որ օրացույցում ազատ ամսաթվերը նշվում են սպիտակ գույնով, իսկ արգելափակված ամսաթվերը՝ ջնջման գծով։ Երբ բացեք անհասանելի գիշերները, կկարողանաք տեսնել, թե ինչու են դրանք արգելափակված. պատճառը ձեր կարգավորումնե՞րն են, թե՞ դա արվել է Airbnb-ի կողմից։ 

Որպես հյուրընկալող՝ կարող եք արգելաբացել ցանկացած գիշեր ձեր օրացույցում՝ բացառությամբ ձեր չեղարկած ամրագրումների կամ կապված կամ համաժամացված օրացույցների միջոցով ամրագրված գիշերների։ Ստորև լրացուցիչ տեղեկություններ կգտնեք կապված և համաժամացված օրացույցների մասին։

Ինչպես ընտրել ամսաթվեր շարժական սարքի օրացույցում

Մի քանի գիշեր ընտրելու, գներն ու ազատ ամսաթվերը փոփոխելու համար պետք է հպեք և պահեք որևէ ամսաթիվ, այնուհետև ընտրեք ձեզ անհրաժեշտ ամսաթվերը։ Եթե ուզում եք ընտրել մի քանի շաբաթ, կարող եք հպել և պահել որևէ ամսաթիվ, այնուհետև իջնել օրացույցով։ Սրա շնորհիվ՝ բոլոր գիշերները ներառված են լինում միջակայքում։

Օրացույցում ամսաթվերի արգելափակման հավանական պատճառները

Ձեր օրացույցում որոշ գիշերներ կարող են արգելափակված լինել ամրագրումների համար մի շարք պատճառներով։ Լինի ձեր կարգավորումները փոփոխելու կարիքը, թե ձեր հաստատումը թարմացնելու անհրաժեշտությունը՝ իմացեք ավելին օրացույցում ամսաթվերի արգելափակման հավանական պատճառների մասին։

Ինչ է լինում օրացույցի հետ հարցումների կամ հրավերների դեպքում

• Եթե հյուրը հարցում է ուղարկում, ձեր օրացույցը բաց է մնում։ Այս գիշերները կմնան ազատ, որպեսզի տարբեր հյուրեր կարողանան հարցումներ ուղարկել, մինչև ունենաք առկախ ուղևորության հայտ։
• Եթե դուք հյուրին հրավեր եք ուղարկում, և ակնթարթային ամրագրումը միացված է, կարող եք արգելափակել գիշերները կամ դրանք ազատ թողնել։ Դուք հնարավորություն կունենաք արգելափակելու այդ գիշերները մինչև հյուրի ամրագրելը կամ հրավերի ժամկետը 24 ժամ անց լրանալը՝ նայած, թե որն ավելի շուտ կլինի։ Դա հյուրին հնարավորություն կտա ամրագրելու։ Կարող եք ցանկացած պահի փոխել ձեր որոշումը՝ հետ կանչելով ամրագրման հրավերը։
• Եթե հյուրին հրավեր եք ուղարկում, և ակնթարթային ամրագրումը միացված չէ, գիշերները կարգելափակվեն։ Եթե ամրագրման հրավեր եք ուղարկում, և ակնթարթային ամրագրումը միացված չէ, այդ գիշերներն ավտոմատ կարգելափակվեն ձեր օրացույցում, մինչև հյուրն ամրագրի, կամ հրավերի ժամկետը 24 ժամ անց լրանա՝ նայած, թե որն ավելի շուտ կլինի։