Estd.

2007

ROHLU
MAY 2009

The Wesleyan Methodist Church of East India, Mizoram

(Thla tin chhuak) A Man : Thla khat Rs. 5/- ; Kum khat lak man Rs. 60/Kum 3-na May 2009

ROHLU

DISTRICT HEADQUATER ATANGIN: Kum 2009 January thla atangin April thla chanve thlengin kan kohhran hruaitute chu hna chi hrang hrang thawkin an buai char char a. January thlaa Kohhran kan inthlan fel hnuah District conference hahthlak tak, hlimawm tak hman zawh anih hnuah February 21- 22. February 2009 khan Ngur Local Biak in hawn ani a. An Biak In chu a lian vak lova, mahse, hmanraw thar hlira sak anih avangin a mawi a, a thianghlim bawk a. Chhamphai Local atangin Thalai zaipawl leh hruaitute thahnem tak kalin hlim taka hun hman ani. Ngur local Biak In hawn zawh chuan Regional Conference rorelna a tel turin March ni 2 - 10 thleng an thang bo leh a. Tluang taka rorelna an neih zawh hnuin dam takin an lo haw leh ta hlawm a. Regional conference rorel zawh rei lo teah, March ni 20, 21 khan Sazep Local Biak In mawi tak mai chu Pathian hnena hlanna leh hawnna ropui taka hman a ni leh ta a. Local hrang hrang atanga kal pawh kan tam a, Champhai Local hruaitute leh Thalai Zaipawl an kal tha a, Zokhawthar local atangin anlo kal tha a, Bungzung atang pawhin ( Chhimtu) sawm lai an lo tel bawk a ni. Rev. Dr. Rohmingliana leh athiante pahnih ( Camp speaker tur) an lo tel bawk a kan phuisui hle. Pathian remruatna hi ava tha thin teh lul em! Pathian chu fakin awm rawh se. Ngur Biak In hawn dawn February ni 21 ( Inrinni) chawhma khan District Admin Board Meeting Champhai ah neih a ni a. Chutah chuan heng mite hi rawngbawl tura lak an ni: 1. Pu Vanlalzuia, Sazep local mi chu sazep local enkawl turin Home Missionary atan lak a ni a. He hna hi kumkhat chhung tan ani phawt ang ( March 2009 -2010 february) 2. Tv. Lalromawia, s/o Vanlalruata chanmari, Aizawl chu District office-a thawk turin lak ani bawk a. Ani pawh hi kum khat chhung chu enthlak hun ( Probationary period) ani ve ang. April ni 5 chu Tumkau Pathianni a ni a. Ropui tak leh uluk takin mahni local theuhvah kan hmang a ni. April ni 10, Good Friday ni pawh Pathian thlarau thianghlim puihnain kan hmang thain kan hmang ropui a ni lawm ni! April ni 12, Easter Sunday hlei hlei kha a ropuiin ringtu mitin kan hlim a ni. Heng hi hlim taka min hmantirtu chu Tholeh Krista Isua ngei chu keimahniah Nunga a inlar vang a ni e.

Editorial Board Editor Joint Editor : Rev. Dr. Chalhnuna : Rev. C. Zalianthanga. Rev. Lallawmthanga. Pu Lalringliana. Pu Rochharliana. : Tv. Lalromawia. Office Address :

Cir. Manager

Wesleyan Methodist Church, Sub Post Office : Chanmari. Aizawl . Pin Code : 796007. Telephone No. 2305845 / 9436351889 / 9862316121. # Thu chhuah tur chu editor hnenah thawn tur a ni. # Thu chhuah tur ziak turin kan sawm a che. Regd. No. J. 22020 /1 /2006-DC ( A) 93: Dated Aizawl, the 27th March 2007.

Local News : Aizawl local - Easter Sunday chawhma inkhawmah Lalpa Zanriah Sakramen kilna neih a ni a, mi 200 laiin he sakramen hi an kil a. Inkhawm banah thingpui leh chhang eia in hona neih a ni a, chawhnuah Pastor Sapthangi pem tur thlahna ropui tak hman a ni . Sawhchiar tui tak ei ho a ni bawk. Tichaun, April 17 ( Zirtawpni) zing dar 8 velah Pastor Sapthangi chu hlim takin Kolasib panin chhuak ta a. Aizawl atangin thalai ten an thlah thla a ni. Zan dar 7 velah Rev. Zalianthanga te chhugkua pawh District Superintendent hna thawk turin dam takin Aizawl H.Q anlo lut ve ta bawk. Aizawl local hian an Biak In saklai Eden Thara mi chu an sa chhun zawm zel bawk. Sazep leh Ngur Biak Inte hawn an nih hnuin Camping te an nei zui a, Pathian thuah leh rawng-

Gosen local pawhin an Biak in hmun dil ni lo, hmun tha zawk an nei ( Lei ) thut mai thei a, an tan i tawngtaisak zel ang u. May n 17 ( Pathianni ) khian Kan D/S Rev, C. Zalianthanga chuan Lawngtlai Local a tlawh dawn a, hlim taka rawng an inbawlsak tawn kan beisei. Hmun hrang hranga kan Kohhran -ten Good friday leh Easter Sunday tluang tak leh hlim takin kan hmang theuh tih kan hria a, hetianga min hruaitu kan Pathian hming fakin awm rawh se.

Bible Zirna : THAWHLEHNA ( Resurection ) Pathian thu kan tih hi athang zela, a fiah telh telh zel a, a kim telh telh bawk a. Sawi nawn leh ila: Theology kan tih hi Pathian chanchin ani ber a. Pathian chanchin kan hriat theih nan Amah pathian ainhriattir a, a inpuan chhuah chauhvin mihringin a hre thei a. Pathian inpuanchhuahna chu zawi zawiin a fiah telh telh a. Heng changte hi chhiar la: Pathian, hmasanga thlahtute hnena bung tam tak leh kawng tinrenga Zawlneitea thu lo sawi tu khan, heng ni tawpah hian keimahni hnenah a Fapaah chuan thu a sawi ta( Heb. 1:1). Isua Krista chu pathian inpuanna fiah ber a ni. Pathian inpuanna chu zawi zawiin a fiah telh telh kan tih hian pathian hmanhmawh loh vang emaw, pathian a muan vang ani lova, pathian inpuan dan te, mihring nena an inkungkaih dan te chhui thiam a, hre thiam turin mihring lam khan finna leh hriat thiamna lam ah hma a sawn zel angai a ni. Dik taka sawi chuan Kristiante pathian Thu chu mihring leh pathian inlaichinna a nih avangin pathian leh mihring chanchin zir kawp zel a ngai. Thawhlehna thu pawh hi Kristian thirin zingah a naupang lam ani a.Isua krista thihna hmanga tihfamkim a ni. Lal Isuan Kei ka nun avangin nagni pawh in nung ve ang a ti a. Chu mai ni lovin, Kei hi thawhlehna leh nunna chu ka ni a ti a. Thawhlehna, thlan atanga thawhlehna leh thlarau thawhlehna emaw, taksa thawhlehna thu hi Isua avanga lo awm a ni. Hei hi Thuthlung Thar zirtirna liau liau tih theih a ni. Thuthlung Hlui hi a chhah hle a, mahse, thawhlehna thu sawina atlem hle. Pathianin Abrahama leh a thlahte hnam thianghlim ni turin a thlang a. Nasa takin Aigupta ramah a zirtir a, hruai chhuahna kawng ah pawh experience ( Tawn hriat) a neihtir nasa hle a, mahse, an tluak suksak an la ngai a, babulon ramah Grik mi fingho bulah a zairtir leh a, heta tang hian thawhlehna thu an lo hre thiam pha ta a, Babulon sal tan hnua ziakah chiang takin kan hmu thei ta: Mihringin thlarau a neih hi chu an rinna a rei tawh. Vanram, chatuan nunna, thawhlehna tih te hi an la hre pha lo. Babulon sal tan hnu atang kha chuan Isua thawhlehna an hrait thiam theih nan Pathian Thlarauvin hriatthiamna a pe a, Pathian Thu hriat nan an thinlung a tivar ta zel a. Tichuan, Isua

Kristian Nun Zir nan:

kuah a.

NGUR LEH SAZEP BIAK IN Ngur leh sazep Biak Inte chu pathian hnenah hlanna leh hawnna neih a lo ni ta a. Inkhawmna neih phawt a tul avangin hawn a ni a. Heng Biak In pahnihte hi zawh fel an la ni chiah lo va, thuthleng te, maicham te, thu puanna dawhkan ( Reading desk) te, Pulpit te siam an la ngai dawn a. Electric thlun zawm nan sum tam tak a la ngai bawk ang. Chu mai pawh la ni lovin Lalpa Zanriah sakramen leh Baptisma channa hmanrua tam tak an la mamawh zel dawn a ni. Heng hmanruate hi an neih theih nan anmahni local- in nasa taka hma an lak a ngai ang a. An theih bak ti turin mimal hnenah te, local dangah te, Circuit- ah te leh district thleng pawhin sum zawn an thiam tur a ni a. sum dil chungchang hi fimkhur a ngai a, Local committee tirh mi pahnihin, kohhran lehkha kengin, sum ziak na ( Reciept Bu ) kengin fel taka tih zel tur ani. Thufing pakhat la chhuak ta ila, chu chu hei hi a ni: Mahni impuite Pathianin a pui ( God helps those who help themselve). mahni tualchhungah Budget siam ila, kohhran hmeichhia leh thalai pawl hnenah te an theih tawka sum zawng turin Budget siamsak ila pathianin a pui anga Biak In chu a phuisui thuai dawn a ni. Kohhranho thlarauva an chak leh chak loh chu an biak In chhungah alang fo. Sakramen no te, thleng te, baptisma channa te, a khuhna puan var thianghlim te neih tur a ni. Ngur leh Sazep Biak In

Sazep Biak in ropui taka hawn a ni :

Pu Lalringliana, Dist. Journalist.

Pathian khawngaihna leh hruainain Kohhranho te kan kal zela , Sazep khuaah Local te min din saka hun eng ngemaw tichhung chu an zuihral leh mai dawn emaw kan tihmek laiin Lalpan min tundin sak leha. Tichuan Biak in te hial mindin sak leh tamai hi mimang pawh a nag rum rum a ni. Mindin saktu Pathian hming fakin awm rawh se. A bik takin he biak in sak chung changah an mahni local chu thuhran nise, Champhai Circuit an han em em a, an tha leh neih sum te tam tak an seng a, an fakawm hle a ni. An thawhrim na zawng zawngah Lalpan a let tam takin malsawm rawh se. Date 27. 3. 09 zirtawp ni zing dar 11 velah Champhai a tangin kan chhuaka 407 truck- pakhat leh Pu Moore-a motor, Pu Kaprothanga motor leh pu Kailiana Sumo on mi sawmsarih vel kan pheia, zan dar 7 velah kanthleng kim theia . Chaw kan ei kham hnuin Pathian biak in khawm kan neia, Pu Vanlalruata Dist. Treasurer- in min kaihruaia , Rev. Dr. Rohminglianan Pathian thuchah ropui takin a sawia kan hlim tlang hle. A bik takin Rev. Dr. Rohmingliana hman lo chung chunga kohhran te ngenna min rawn tih

Date 28. 3. 09 Inrinni zing dar 10 : 30 ah Biak in hawnna Rev. Dr. Chalhnunan ropui takin a hawnga inkhawm Rev. Lallawmthangan min kai hruaia, biak in sak report pu. Lalzuia home Mission-in a nei a. Biak in sakna a tan a hman Rs. 61620 hman a nih thu kan ngaithlaa kan hlim tlang hle. Rev. Dr. Rohminglianan thusawina a nei leh a, tlaiah ruai theh a ni a, mi 300 velin ruai kan kil hova kan tlai hle. Zanah inkhawm kan nei leh a, pu Zaliansanga Champhai upain minkai hruaia Rev. Dr. Rohminglianan Pathian thu chah a sawi a ngaithla kan tam hle. 29. 3. 09 Sunday zing dar 10 :30 ah inkhawm tan leh a ni a, Pu Moore Saplianan min kaihruaia Rev. Dr. Chalhnunan Lalpa zanriah Sacrament a buatsaiha kil kan thahnem hle . Chaw hnu dar 1 :30 ah inkhawm tan leh a ni a, Pu Lalringliana District Journal-in min kai hruai a, Rev. Dr. Rohminglianan thuchah a sawi a, inkhawm kan tha hnem hle. Zanah inkhawm leh a ni a, upa Lalnunzira champhai upa in min kaihruaia, Rev. Dr. Rohmingliana leh Evan. K. Lalnuntluanga ten thuchah sawina an nei a inkhawm kan thahnem hle a , zai a tui bawka kan hlim tlang hle. Inkhawm a piangin Champhai thalai zaipawlin thiam tak leh nungtakin min awia, Sazep zaipawlte pawh ngaihthlak a ni a kan hlim tlang hle. Sazep Local kohhrante Lalpa hruainai hma an sawn zel kan beiseia duhsakna sang ber kan hlan a ni. Date 30. 3. 09 zing dar 7 ah Sazep chhuahsanin mahni khaw lam panin mipui kan hawa , Evan K. Lalnuntluanga leh Runa te camping nei turin an chama boruak tha tak Lalpan a pe a an hlim tlangin sal tangte chhanchhuahin an awma Lalpa a hlawk hle.. Kan Evan te chungah kan lawma duhsakna kan hlan mawlh mawlh a Lapan an thawh rimnaah a let tam takin malsawm rawh se. THUHRILTUTE TAN A HRIATTUR PAWIMAWH. Kohhranin hma a sawn chho zela, Precher te leh tualchung thuhriltute kan lo pung cho zela, sawi mai nilovin chetzia leh nuna tihlan hi thuhrilin a ken nghal thil pawimawh tak a nih avangin, John Wesley an thuhriltute in vawnna atan dan sawm 12 a siam te hi kan hman a tan ilo zir teh ang. 12 Diciplines for the precher : 1. Taima la, a thlawnin eng hun mah hmangral lo la, i thawh pawhin thil tul tak chauh thawk ang che. A tul bikna hmunah chauh lo chuan hun hman tam bikna nei lovin thiltul a piang ngaihven rawh. 2. Thianghlimna leh takna vawng tha la, i thupui chu Lalpa tan thiang hlimna tih ni rawh se. Dawngdahna te, fiamthu tawngkam bawlhhlawh te sawi ching suh. 3. Hmeichhe thian lakah fimkhur ang che. Thusawi chhawn dan tawk an thiamlo thin a, sex kawngah innel sual a hlauh awm a, nula lakah phei chuan fimkhur leh zual ang che. 4. Pathian hnena tawngtaina neilo leh ngun taka thiante biak rawnna neilovin nupui nei mai suh ang che. 5. Tumah ring chhe lutuk suhla, hrechiangin engkimah a thatna ber tur ngaihtuahin ti thin ang che. 6. Mi au chhiatna lai sawi ching mai lovin an chanchin tha lo lam mi sawi i hriat pawhin an mahni nen in hmua thuchiang i hriat hma chuan i ngaihtuahna sawi chhuak lovin vawng tha rih ang che. 7. Mi in diklohna neia i hriat chuan hmangaih vangin fel takin hrilhla, chu tianga i tih loh chuan i rilru ati buai thei ani. 8. Chanchintha hriltu chu mi zawng zawng rawng bawltu a nih avangin mi tha leh miliantih lawm tum bik suh. 9. Sual ah chauh lo chuan engah mah zak lovin, a tul hunah chuan mahni pheikhawk nawh ( Thawmhnaw tih fai ) pawh zah tur anilo.

10. Hun hmang dikla, a hun takah engkim tila, kan dan sawi sel lovin tha takin vawng zawk thin ang che. 11. Thlarau chhandamna chauh lo chu thildang engmah tihtur i nei lova, he hnaah hian i thil neihte 12. Nangma duh dan anga thil timai lovin, i thil tih zawng zawngah chanchintha fa angin tila, i unau te nen thurualin thil tirawh. An ruatna hmunah chauh thu hril lovin, thlarau tam tak chhandam turin rim takin thawk thin ang che. Thianghlimna chu ni lova Lalpa an hmuh theih lohna mawlh chu zirtir ngun ang che. Methodist thuhriltu chu engkim, a lian a te ngaihthah bik nei lova taima taka thawk a ni. Chuvangin i theihna sangber ihmang thin tur a ni.

AW THAWHLEHNA NIROPUI, THIHNA HNEHTU ! Rev. Dr. Chalhnuna. Engati nge mithhi zinga mi nung in zawn? Hetah a awm tawh lo ve, a tho leh ta, tia hmeichhiate hrilhtu chu Pathian mi tirh, van lam mite an ni a. Dawt an sawi hauh lo ang. Pathian lehkha thu pawhin Mi pahnih thu hriat chu a dik a ni. a ti thin. Chu mai ni lovin Emau kawnga kal zirtir pahnihte pawhin tholeh Isua Krista chu an hmu a, Zirtir zawng zawng hnenah pawh a inlar a, Tirhkoh Paula hnenah pawh a inlar bawk a. Amah Isua ngei pawhin Ka lo thi a, nimahsela ngai teh, kumkhua atan ka nung leh ta a ni tiin chiang takin a sawi a. Tichuan, Isua krista chu a thi ngei a, a tho leh ngei bawk a ni. Lal Isua hi Pilatan thiam loh a chantir vanga khenbeh ( tihhlum) a ni ber lo va, Pathian remruat leh thiltih a ni zawk. Mihringte sualna leh thihna thihpui turin Pathian ruat a ni. Thihnain thihna chu min hnehsak ta a ni. Lalpa chu fakin awm rawh se! Thihna leh thlan chu Thawhlehnain a hneh a, Keiin khawvel ka ngam ta! tih chu a thleng famkim ta. Halleluiah! Mizo hla phuah thiam zinga lar tak pu Patea chuan Isua an khenbeh ni rapthlakzia te, mi fel chunga sakhaw hruaitute rilru putdan leh an thil ruahman dan te, Rom sipai leh roreltute ngilneih lohzia te a ngaihtuah chhuak a. Chutiang huna van lam thil tih ropui Ni tihthim te, nasa taka lir lo nghing te chu Hla-in heti hian a phuah a: Nai teh Kalvari i lungngaih niah khan, Hmelma chhiarsen loh te an pung khawm e; Tunge i lungngaihna chhiar duh, Van chhumten nagmah an bawm che; Kalvari an lo hliap - tiin. A chang hnihna mawlh hi a thain a ropui a, Thawhlehna ropui leh a thiltihtheihna chuan ringtute thinlungah boruak a siam danglam ta daih mai a. Lungngaihte hnenah lawmna a thlen ta :Nai teh thihna hneh zovin a tho leh ta, Thihna suna khawpui hlim ngai lo kha; Kalvari par lawmin an leng, Tuarna sunin hnehna an lawm; Buaina a awm tawh lo. Krista thawhlehna chuan tuna kan hlimna chauh min siamsak lo va, Kei ka nun avangin nangni pawh in nung ve ang a tih kha a dik zel dawn a. He khawvel kan chhuahsan hunah pawh

Thihna lui ralah aw Salem khawpui khi, Lalna ram pangpar mawiin a bawm e; Tahchuan an phaiphuleng an rem , Hnehtu Lal lian an chawimawi e; Fakna a dai tawh lo. Heng zawng zawng hi ringtute chanvo a ni a, chuvangin he hla thunawn hi kan vaia kan sak tur leh kan thlarau dinhmun tur, thahnemngai taka kan au chhuahpui tur a ni dawn lawm ni? Mihring sual vanga mihringte thihna chu sualna nei ve lo Lal Isua chuan Ama thihnain thihna chu min hnehsak a, chu mai nilovin THIHNA chu THAWHLEHNA thiltihtheihna hmangin a hneh ta. Halleuiah! Chutia Lal Isuan thihna a hneha a thawhleh hnu chuan Ngai teh, thil engkim ka siam thar e, a ti a. Vana van mipui chhiarsen loh te chuan : Lalthutphaha thua leh Beram No hnenah chuan, Malsawmna te, chawimawina te, ropuina te, rorelna te, Chatuanin awm rawh se, Amen tiin Pathian an fak ta a. Chutianga faktute zingah Lalpan min teltir ve tak avangin kan Pathian leh chhandamtu