Estd

www.nurseryvengyma.blogspot.com

1.2.98

THUPUI: Khawtlangnun siamthat. THUVAWN

YMA chu tanpui ngaite tanpuitu a ni.
14 -NA. VOL-XIV NO. KUM 14 -NA. VOL-XIV. ISSUE NO . 24 JUNE NI 12. 2011

Motto: Hunawl hmanthat Zofate hmasawnna ngaihtuah Kristian nundan tha ngaihsan
NURSERY AW KARTIN NURSERY AW KARTIN CHHUAK

An Official Organ of YMA : Nursery Veng Branch

BRANCH HUANG Nimin Inrinni zingkar khan Nursery Veng Bazar bul YMA side drain siam mekah Branch pum huapa hnatlan a ni a, a chawpchilh deuh avangin member thawk chhuak an \hahnem tawk lo deuh nain thawk chhuakte erawh an thawk nasa hle. He hunah hian cubic lung chhu nawiin side drainah phah a ni a, leivung \hahnem tak paih fai a ni bawk. Nursery Veng Branch mai ni lo section hrang hrangte leh YMA chhang thlengin YMA Day hmang turin an inpuah chah mek. Joint YMA Day kan vengah kan thlen dawn avangin vengchhung nu leh pate \hahnem ngai taka min \awiawm turin kan ngen che u a. He hun kan hman chhung a, mualphonna kan tawh lohna turin thianghlimna leh faina kawngah te, ruihtheihthil lakah te leh thil bo thei lakah mitin fimkhur turin kan in ngen a, veng mualphona thlen thei thil chi hrang hrang lakah vengtu leh humhimtu ni \heuh turin kan inngen a ni. Branch aiawh a, items hrang hranga tel tur ten \hahnem ngai tak leh tlawmngai taka kan mawhphurhna \heuhte \ha taka hlen chhuak thei turin Branch YMA chuan member te a ngen tak meuh a ni.
Nurser y Aw-ah hian englai pawhin mi \hahnem ngai leh vei zawng nei apiangten article ziah theih reng a ni a, mimal insawiselna emaw hminghmerha article ziak lo turin kan inngen thung a ni. Editorial Board

BRANCH YMA EXECUTIVE COMMITTEE MEETING NEIH A NI

Ni 10.6.2011 (Zirtawp) zan dar 7:15-ah Branch YMA Executive Committee meeting VC Hall-ah neih a ni a, thurel tlangpui hetiang a ni. 1. YMA Day Ni 15.6.2011 (Nilaini) zingkarah Branch pumhuap hnatlang neih nise tih a ni a, YMA Day chhun programme hmanna tur Middle School kawt singsak hna te, Pu Roneihthanga te In bul lei tla thenfai hna leh YMA Chhang Member ten vengchhung thenfai hna te thawh nise tih a ni. 2. YMA Kumpuan Khawtlang nun siamthat bawhzuina pakhat atana June, 2011 chhahnu lama Central YMA-in Krista Hnungzuitute Bethel Camping Centre-a camping a buatsaih turah NYMA hmingin tanpuina Rs. 5,000/- pek nise tih a ni. 3. YMA Information Centre (Pu Lalthlamuana In bul) a mi chu Information Centre atana la hmangzui chung siin Dawr atan man chawiin mimal luahtir nise tih a ni. 4. Ni 30.6.2011 (Ningani)-ah Branch YMA Executive Committee Member-te leh Nursery Veng Mistiri Association ten Kuang duanlawk hnatlang nilengin neih nise tih a ni. 5. M-Section, NYMA-in Telephone Directory an siam turah Display Advertisement dilna atana YMA Letter Head leh Seal hman an dil chu remtih a ni.

BRANCH YMA NGENNA LEH HRIATTIRNA

Ni 10.6.2011 (Zirtawp) zana Branch YMA Executive Committee meeting chuan Krista Hnungzuitute Bethel Camping Centre-a awm mekte tanpuina tur vengchhungah vehbur khawn nise a ti a. Hemi atan hian hetiangin ruahmanna siam a ni : (1) Mahni remchan dan angin tanpuina thilpek (Pawisa fai/ mutbu/Puitling thawmhnaw) thawhkhawm nise. (2) Thilpek pek khawmna atan VC Hall leh YMA Hall ruahman a ni a, mahni remchanna lam apiangah dah mai tur a ni. (3) Thilpek pe tur ten Ni 18.6.2011 (Inrinni) leh Ni 25.6.2011 (Inrinni) nilengin thilpek hi thawhkhawm nise, Thilpek lo dawngsawng tur hian Branch YMA hruaitute nilengin duty nise. A chung a hun leh hmun tarlanah khian vengchhung mi ten kan remchan dan anga thahnemngai taka thilpek pe turin Nursery Veng Branch YMA chuan vengchhung mitinte a ngen tak meuh a ni.

CHANGTHLAN

Nursery Aw Editorial Board chuan YMA member zawng zawngte YMA Day hlim taka hmang \heuh turin duhsakna kan hlan a che u.

Dik taka awmte lakah chuan thil \ha reng reng a ui lovang

NURSERY AW EDITORIAL BOARD

Editor: C.Lalnunzira Jt. Editor: Vanlalvena Solomon L.Sailo 9436159489(M)

HALL COMMITTEE THU

Ni 7.6.2011 (Thawhleh) zanah Nursery Veng Hall Committee chuan VC Hall-ah meeting an nei a, Hall sakna atana Sawrkar-in M/S ram hman a phal tak avangin lawmawm an ti hle a. Hemi atana inremna (M.O.U) sign dan turte sawi ho a niin Education Department aiawha M.O.U sign tute leh M/S-a thawktute pualin zanriah buatsaih sak nise tih a ni. {NOTE : Ni 9.6.2011 (Zirtawp) tlaiah M.O.U hi sign tum a ni a, Mahse, khawchhiat avanga Education Director zin a lo haw theih loh avangin hun remchang dang atan sawn rih a ni.} Heng bakah hian Hall sak bul tan dan tur leh Hall Committee hminga UCO Bank-a Account hawn chung chang te rel a ni bawk.

9612061872(M) 9856341395(M)

News Editors: Lalramchullova 9862454685(M) Laltlanthianghlima 9856569628(M) Lalhruaitluanga 9862802076(M) O/B Incharge: Zokunga.Secy,NYMA 9436353044(M)

Editorial
YMA Day kanlo thleng leh dawn ta a,.kan Branch pawhin kum 14 lai kan hmanna a ni veta, he kum 14 chhung hian hmasawnna tam tak kan nei a, kan hmsawnna leh changkanna techu kan sawi seng lovang.Kan hmuh theih thil tam takah nasa taka hma kan sawn lai hian, kan hmasawn theih miah lohna tamtak a awm bawk ang chung zinga langsar zual thenkhat chauh han sawi ila. 1.Ui leh Ar khuahkhirh. Hman atang khan ala ngai reng VC ten han manve thin bawk mahse khawlaiah hmuhtur anla awm reng tho. 2. Mi kawtkaia thut khawm. Heipawh hi hmana ta tawh khap a ni, kanla sim thei chuang lo mi bathlar a Pehteh lo pet ta mawlh mawlh hmuhtur an awm leh thin Nula tan phei chuan kal pelh ngamloh khawp a mi bathlara lo thu a Mobile lo play chuah chuah hmuhtur anla awmreng tho. 3. Faina chung chang ah paw hian. Branch YMA in hma ala a, veng faiber kanni thei tih hriain nasa takin tan kanla anih kha, a hunlai chuan kan titha khawp mai, mahse hei kum 14 kan nih tawh hnu hian enge kan an le ? Khawtlang rorelna kan zah thiam a kan ngaih pawimawh thiam hma chuan eng tik ah mah veng hmasawn kanni thei ngai lovang.Tuna kan dinhmun diktak ah chuan dan leh dun zamtu tehi kan haw letling a....an ni pawh enge an nih bik tih tanin kan tang a, dan zawm mai ai chuan fiamthu thawh nan kanla hmang leh zel zawng a nih hi..Khawtlang dan kan zah a, kan zawm thiam hunah chauh khawtlang nuam kanni thei chauh ang. Dan leh thupek zawm thiam apiang an changkang thin tihhi i hre thar leh ang u.

VENGCHHUNG NEWS
Tunlai hian Nursery Veng Local Council hmalaknain vengchhung In tinah M/S Building sakna tur pualin thawhlawm khawn a ni a, phaltak a thawhlawm pe tawhtute hnenah LC chuan lawmthu a sawi mawlh mawlh a, a la pe ve lo te pawhin a khawntute an rawn kal huna phal taka lo pe zel turin vengchhung mite ngen leh beisei kan ni. He thawhlawm khawn hi vengchhungin infiamna kawtzawl zau zawk kan neih theihnana vantlang inkhawm thurel bawhzui a hmalakna a ni. (NOTE : LC leh NGO hrang hrang hruaitute joint meeting-in thawhlawm thawh tur zat a bithliah a, mi thahnemngai thenkhatin joint meeting-in a tuk ai a tam leh a let thawk lo pe te pawh an awm nual a, hetianga mi thahnemngaite hi midang pawhin entawn nachang hriat a pawimawh hle a ni.)

BRANCH YMA NEWS

(1) Bialtu MLA Pu R.Selthuama chuan Branch YMA hnenah Chess Board (1 No.) leh Draught Board (1 No.) a pe a, YMA Member ten tangkai taka hman theih ngei kan beiseiin Pu R.Selthuama hnenah lawmthu kan sawi mawlh mawlh a ni. (2) Pi Lalzamliani, A-Section a mite chhung chuan a tul ang apianga YMA hmalakna a hman turin Branch YMA hnenah Rs. 1,000/- an pe a, NYMA-in Pi Lalzamliani te chhungkaw chungah lawmthu kan sawi mawlh mawlh a ni. (3) Branch YMA Secretary Pu Zokunga Office duty-a Silchar zin chu tluangtakin Ninganiah a lo thleng a, Asst. Secretary Tv. Lalrinzuala Chawngthu an hna tul avanga khawthlang khaw hrang hrang tlawha zinkual pawh Zirtawpni khan tluang takin a rawn thleng leh ta. Fin. Secretary Pu R.C.Vanlalsawma pawh hnathawka hunrei taka a thang bo hnuin a khua leh tuite zinga Pathianni hmang turin nimin khan a lo hawng bawk.

COMPUTER HRIATZAUNA
Veilam hmang thiam zawk tan Mouse thlak dan IT leh a kaihhnawih thil hi a hria a ten kan hre thawkhat ve hle a. La hre lo tam tak kan la awm takin ...hei hi ka rawn ziak ve e. Mi \henkhatte chu-an (kut) vei lam hi an hmang thiam em em a. Chutiang vei lam hmang \hinte tana Computer Mouse thlak dan ka rawn ziak e. (NB:Personal Com-putera hman atan) Windows 7: 1. Start a\angin Control Panel-ah 2. Control Pannel a\angin Ease of Access 3. Ease of Access a\angin Change your mouse work-ah kalin a hnuai lama Mouse settings tih kha click tur a ni. 4. Chuta \ang chuan Buttons-ah, tichuan Switch primary a\angin secondary buttons tih bula killi nei (square) hmunruak ah khan click la. 5. Tichuan Apply la, chuan OK ...Apply leh OK hi Right Click hmanga click tur a ni.

SECTION SECTION HUANG HUANG

Ni 4.6.2011 (Inrinni) nileng khan Dilmawi Picnic Spot-ah intihhlimna leh hnatlang an nei a, member 50 laian kal a, member hnatlangte chungah lawmthu an sawi a ni. An section Fin. Secretary Y chuan Scooty thar a nei a, section tana \angkai taka a hman ngei an beisei. YMA Day lo awm turah Y section member a tam thei ang ber kal turin an ngen a. Item chi hrang hrang a tel te an mawhphurhna \ha taka ti \heuh turin an inngen tak meuh meuh a ni.

M Section-in Vengchhung Telephone Directory siam chu bawhzui zel a ni a, Section dang A Section leh Y Section atanga Phone Number phal tak a pe tute chungah lawmthu kan sawi mawlh mawlh a ni. M Section huam chhung bikah Name plate siam thar tum a ni a, chhung tinten tlawmngaia lo khul theuh turin kan inngen a ni. M Joint YMA Day hmanna kal mekah Branch ai awh tu te zawng

zawng chungah lawmthu kan sawi a, Ni.15.6.2011-ah phei chuan member a tam thei ang ber kal tur in kan in sawm a ni. M Fur ruahtui a tam ta hle mai kan inchung tui paih dan ah Vantlang tan a harsatna siam lovin mahni ram chhungah paih thei ila ava lawm awm dawn em,kawng dungah paihlo hram hram ang u tiin kanin ngen a ni. M Local council te hmalakna in BPL tan kawnglaih beihpui an thlak leh tawh a,kan kawtkai an laihloh a vang ringawta en liam mai mai lovin veng tan tiin tha leh tui thawh hram hram ang u, a van nuam dawn em aw!!! Pik-up tlantir vat ang u. M Mahni i inhmangaih angin i vengte pawh i hmangaih tur a ni, tih a ni si a.
HRISELNA HUANG High Blood Pressure & Low Blood Pressure

Blood pressure hi thisen lung a\anga a in pek nat zawng a

(HBP, HTN, Hypertension & Hypotension, LBP)

ni mai a, lungphu hian i taksa bung hrang hrangah thisen a thawn darh \hin a ni. I thisen a in pek nat leh nat loh hi i lungphu in a hril ber a, i lungphu a muan chuan diastolic pressure a awm thei a ni. Thisen sang leh sang lo hriatna leh an teh na tlangpui chu hengte hi an ni: 120/80 emaw a hniam lam chu normal an ni a, 140/ 90 emaw a sang lam chu thisen sang kan tih hi a ni. Thisen sang hi enkawl dam theih a ni mai lo va, lungphuchawl te, kal \halo te, thawk tibuai te leh lung \halo te a thlen thei a. Thisen sang hi mahni in thunun thei tan chuan a zia awm theiin damdawi hmangin a a enkawl theih a ni. Thisen hniam hi asang lam ai chuan a zia awm hle a, 90/60 emaw a hniam lam a nih chuan kan thisen a hniam a ni tih hriat a \ha. Mi \henkhat erawh chu thisen hniam rengin an awm a, an ni tan chuan normal a ni mai. Mi tam tak thisen hniam chhan erawh chu damdawi ei leh hman vangte a ni a, luhaia tluk te kan nei lem lo a nih chuan a hlauhawm lem lo a ni.

Bung II
PAWL INDIN DAN
11. YMA Bulpui (Central YMA):YMA bulpui chu Central YMA a ni a, a hmunpui chu Mizoram khawpui Aizawl a ni. 12. Sub-Headquarters YMA: Central YMA-in Group YMA engemawzat huamin, an thawhhona leh tanlakna tichak zawk tur leh an sawt tlanna turin a tul a tihna hmunah Sub-Headquarters YMA a din thei ang. 13. Group YMA: 1) Central Executive Committee-in Branch YMA engemawzat huamin Group YMA a siam thei ang. 2) Group YMA chu hmun hlawm khat, inkalpawhna awlsam leh a mi chengte khawsak dan inmil deuh thlirin a din ang. 3) Group YMA din thar tur emaw, siamthat ngai emaw a awm chuan, Central Executive Committee chu thutawp siamtu a ni ang. 4) Sub-Headquarters YMA huamchhunga Group YMA din thar tur leh siamthat ngai a awm chuan, Sub-Headquarters Executive Commitee-in Central Executive

Committee-ah a thlen ang. 5) Group YMA din thar a nih dawnin Central Executive Comm-ittee-in Convener a ruat ang a, Convener chuan Group YMA Conference kovin hruaitu a thlanpui ang. 14. Branch YMA: 1) Mizote chenna khawtinah YMA din theih a ni a, Branch YMA din thar duh chaun anmahni huamtu Group YMA-ah an dil ang a, Group Executive Committee-in emaw, Group YMA Conference-in emaw awm a tihpui chuan Branch YMA chu din a ni ang. 2) Group YMA awm lohna hmun emaw, Mizoram pawna Mizote emaw chuan Branch YMA an din duh chuan, YMA Dan hnuaiah, Central YMA remtihna an la hmasa ang. 3) Branch YMA awmsa atanga indang/inthen/hmingthlak duh chuan an awmna Branch Executive Committee-ah an dil/ ngaihtuah tur a ni ang a, Group YMA awmnaah chuan Group Executive Committee-in emaw, Group YMA Conference-in emaw rem a tih chuan Central YMA-ah hriattir hmasain indantir thin tur a ni. Sub-Headquarters Executive

Committee kaltlangin Central YMA-ah thlen thin tur a ni ang. 4) Branch YMA din thar dil leh indan/inthen dil ten harsatna an tawh chuan Central Executive Committee-in thutawp a nei ang. 15. Central YMA zawmna Fee: Branch YMA ding thar reng rengin an din antanga thla hnih ral hma ngeiin Central YMA zawmna Fee Rs 200/- (Cheng Zahnih) pein Central YMA an zawm ang. Central YMA zawm lo chu Branch YMA a ni lova, YMA hming an hmang thei lo. 16.Branch YMA Annual Fee. 1) Branch YMA tinin Central YMA-ah Branch Annual Fee Rs 100/- (cheng za) kumtin April thla ral hma ngeiin an pe ang. 2) Branch YMA ding thar pawhin Central YMA an zawm kumin Annual Fee an pe ang. 3) April thla ral hmain Annual Fee hi pek ngei tur a ni. An nual Fee pe lo chuan General Conference-ah rorel palai an tir thei lo ang a, Vote pawh an thlak thei lovang. 4) Annual Fee pek rualin Member zat Mipa , Hmeichhia , Life Member , pek luh tur a ni.

14 -NA. VOL-XIV NO. KUM 14 -NA. VOL-XIV. ISSUE NO . 24

JUNE NI 12. 2011

NURSERY AW KARTIN NURSERY AW KARTIN CHHUAK

YMA CHHANG
YMA Day zingkarah YMA CHHANG member zawng zawng vengchhung thianfai tura hnatlanga chhuah vek tur a ni a, Basket Ball Court-ah zing dar 6:30-ah kim vek tur a ni ang a, M/S hnuai kawng leh a chung kawng hemi hunah hian thenfai tur a ni ang. Section hrang hrang huam chhunga YMA CHHANG member zawng zawngten bawlhhlawh chhar khawmna tur polythene bag emaw thil dah theihna tur eng bag chi pawh ken tur a ni ang a, a nei chuan tual phiahna hmunphiah ken bawk tur a ni ang. Section huam chhung hrang hrang a\anga member hnatlang tura chhuak inchhiar a nih dawn avangin Section tin huam chhunga convener-te leh member zawng zawng \hahnemngai taka inhuikhawm tur leh thawk chhuak tura ngen kan ni e.

DAN DA YMA DAY HMAN DAN TUR

A hmun : Ni 15.6.2011 (Nilaini) zing dar 10:00 A hmun : Nursery Veng Basket Ball Court Khual\ha : Pu Lal Chungnunga, President CYMA Chairman : Pu V.L Zamlova, Chairman, Celeb. Commt. Hunserh : Pu RK Rohluna, Bungkawn Vengthar Opening Song : Nursery Veng YMA Zaipawl Day hawnna : Khual\ha YMA Thil tum : Pu VL Sawma, Bungkawn VT sawirual Cheraw : Bungkawn Branch Solo : Nl. Lalhruaitluangi Hmar, Nursery Veng Br. Volley Ball Final (Mipa & Hmeichhia) Kawikah Tlng lm : Nursery Veng Branch Solo : Bungkawn VT Br. Musical Chair Chawnglaizawn : Bungkawn VT Br. Basket Ball Final Solo : Bungkawn Br. Lawmman sem : Khual\ha Chai (a nawlpuiin) Prog. Announcers : Pu Romawia Pachuau, Bungkawn Nl. Janet Remtluangpuii, Nursery Veng Nl. Lalmalsawmi, Nursery Veng

RUANG SAWNGBAWLTUTE TANA HRIATTUR TLANGPUI :

1) Natna inkaichhawn theih hlauhawm zual tia kan huap tirte chu hengte hi an ni :(i) HIV/AIDS (ii) Hepatitis B (iii) Hepatitis C 2) Heng natna pathum inkaichhawn dan hi a thuhmun vek a, chungte chu : a) Damlo leh mitthi ruang atanga thisen leh taksa tuiril leh panhnai re midang taksa pern a a kaiin emaw, an mita a perin emaw a kaichhawn theih. b) Hrik pai nen inpawlin a kaichhawn theih. c) Hrik pai nen inchiuna (syringe leh needle) inhmantawm atangin. d) Hrik pai thisen dawn palh atangin a kai theih. e) Hrik pai nu atangin a naupaiah a kaichhawn thei. 3) Heng natna hrikte hi an damrei theih dan chu hetiang a ni :a) Heng natna hrikte hi virus an ni a, taksa mur nung laiah chauh an inthlah pung thei a; chuvangin taksa pawnah an inthlah pung thei lo. b) HIV hi tuilum 56o degree celsius-ah minute nga chhungin a thi thei. Tuiso 100o degree celsius-ah phei chuan minute khat lek chhungin a thi thei. c) Hepatitis B leh C te hi chu tuiso 100o degree celsius-a dahin darkar chanve chhungin a thi thei. d) Heng natna hrikte hi hmun vawtah chuan rei tak an dam thei thung a. Zero (0) degree celsius hnuai lamah phei chuan thla tam tak an dam thei. e) Thisen ro (dry blood) leh hmun lumah an thi hma a, thisen khangah leh hmun vawtah an dam rei thung a ni. 4) Vunah pern awm mahse hriat loh palh theih a ni a. Hre lova pern neih palh hlua tan tuibur, chingal, soda leh spirit-in vun han hru ila, a pem lai chu a lo thip mai thin a. Chutianga thip a awm loh chuan pem a awm lo tihna a ni. 5) Ruang atanga thisen/tuiril chhuakin vun him pangngai a perin a kaichhawn theih loh. Chuvangin, ruang atanga tui chhuakin vun him pangngai a per palhin a hluahawm lova, vun him nei tan ruang khawih a hluahawm lo. Chutiang bawkin khawih emaw, puan rova tuam tawh ruang emaw khawihin a kaichhawn theih loh a ni. 6) HIV hriak hi damlo a thih hma ang bawkin a thih hnuah a hranpain boruakah emaw, puanah emaw a chhuak darh thei lo. Ruang atanga tui chhuak awmna chin bak khawiah mah a kal thei lo a. Taksa atanga tui per chhuak palh lo awm se, a ro hun hnuah HIV hrik chu a thi zui ve mai a ni. Heng natna hrikte hi ruang atanga an chhuah theih tawh loh avangin, ruang kil tute an kai a hluahawm reng reng lo. 7) Mihring taksa atanga thisen/tuiril lo chhuak reng reng chu vun pem nei tan chuan khawih loh tawp tur a ni a, puan rova hruk hul mai tur a ni. Vun pem nei chunga loh theih lohva ruang khawih a ngai a nih chuan pem lai chu puan rova tuam ni mai se. Glove nei thei chuan bun ni mai bawk se. Glove a awm loh chuan polythene bag hi glove angin hman theih tho a ni a. Hetah pawh hian ruang atanga tui lo chhuak a nasa hle a, vun pem lai chu a per thei dawna hriat a nih loh chuan a tul lem lo thei. Fimkhur chuan a per tir loh theih tho a ni. 8) Vanduai thilah mitthi taksa tuiril leh thisen chu mitah emaw, vun pem laiah emaw lo kai palh ta se, rang taka tui leh sahbawna silfai nghal mai tur a ni. 9) A bikin AIDS avanga thite chu an taksa a cherin, a ro tawh em em thin. Chuvangin, an taksa atangin nasa taka tui chhuak tur a awm tawh lo zawk a. Taksa atanga tui chhuak tur awm lo chu a hlauhawm lova, puan hula tuam a hlauhawm lo lehzual a ni.
- MSACS, Indian Medical Association. Mizoram State Branch,Aizawl