Estd

1.2.1998

An Official Organ of YMA : Nursery Veng Branch

KUMPUAN : Ram leh Hnam humhalh THUVAWN: YMA chu anpui ngaite anpuitu a ni
VOL - XV . I SSUE N O 24

nurseryaw@gmail.com

MOTTO: Hunawl Hmanhat Zofate hmasawnna ngaihtuah Kristian nundan ha ngaihsan

N URSERY AW : K ARTIN C HHUAK

PATHIANNI 10.06.2012

Editor: Lalsawmliana Renthlei (9436150110) Joint Editors: B Lalmalsawma (8974773066) Lalsangmawia Colney (9436350683) Laltlanthianghlima (9856569628) Romalsawma (8575180980)

BRANCH YMA EXECUTIVE COMMITTEE MEETING VAWI 7-NA

Ni 8.6.2012 (Zirtawp) zanah Branch YMA Executive Committee Meeting vawi 7-na, VC Hall-ah neih a ni a, thurel tlangpui hetiang a ni :1. Ni 15.6.2012 (Zirtawpni) a YMA Day lawmna programme zing, chhun, zan OB ten an lo duan chu thlir ho niin pawm a ni a, OB ten programme an lo duan bakah a remchan dan angin Branch YMA hmingin veng chhung tanpui ngaite puala tanpuina pek nise tih a ni a hun remchang hmaaah YMA Day denchhenin thisen pek nise tih a ni bawk. 2. YMA Library hman tur Steel Almirah lei dan tur sawi ho a ni a, a tul angin lei nise tih a ni a. Pu Shyam Singh-a, ASection a miin Steel Book Case leina atan Rs.4500/Branch YMA a pek chu a lawmawm kan ti hle a. Hei bakah hian Pi Lalramengi w/o Pu Lalremmawia Sailo (L) leh Pu K.Zoliana, Branch YMA Adviser ten Steel Book Case pakhat ve ve YMA Library a hman tura an pek chu a lawmawm kan ti hle bawk a ni. 3. YMA Information Centre atan a theih angin Stall Pass dil nise tih a ni. 4. YMA Information Centre thleng kawng kual ulh lai chu a theih angin laih zawh nise tih a ni. 5. Ni 21.6.2012 (Ningani) nilengin Branch YMA Executive Committee member ten kuang duanlawk hnatlanga neih nise tih a ni. (May ni 27,2012 issue ah rawn tarlan tawh a ni nain a aia kimchang zawka rawn tarlan leh a ni..) ZING KAR: YMA chhang pualin vengchhung thenfai hnatlang neih a ni ang a. YMA chhang member zawng zawng kim taka tel vek tura beisei ka ni. Section tina YMA Chhang Convener-te bakah NYMA Member a thei apiangin YMA Chhang hnatlang hi tawiawm turin kan inbeisei bawk a ni.

Chhuna awm angin mawi takin i awm ang u, zu in buai leh zu ruia awm lovin, hur leh inngaih hmanga awm lovin, insual leh initsika awm lovin. Rom 13:13
Nursery Aw Dawng lo: Nursery Aw lak man pe si, dawng ve lo te chuan a rang lama mahni awmna Section hruaitute hnenah inhriattir tur a ni. Bawlhhlawh paih mai mai: Bawlhhlawhte a bawma paihna tur kan hmu mai lo a nih chuan ipte-a ah theih chi a nih chuan ak ha mai ila. Kalkawnga paih mai mai hi chu i ching tawh lo hram teh ang u..tiin kan inngen thar leh a ni e. YMA Day Chawimawina:
Kar hmasa lama kan rawn tarlan tawh angin YMA Day hian Pawl - 10 leh Pawl - 12 1st Div chin chunglama passed te leh Degree nei tharte lawmman pek an ni dawn a. Hming hmaihpalh a awm theih avangin section hruaitute hnenah inhriattir theih nise a lawmawm hle ang.

YMA DAY PROGRAMME

CHHUN PROGRAMME: Nilengin thing phun hnatlang neih a ni ang a, Nursery Veng (Tlawng Road) leh Thlanmual thar inkar kawngsir Karizmaaa: hmun remchang laiah thing hi phun tura ruahman a ni. Joint Editor, Tv. B. Lalmalsawma Hnatlanga thawkchhuakten Chawfun pai vek tur a ni a, tlai chuan Karizma bike thar a nei a, lam hun remchangah Thlanmual tharah chawfak tur a ni a, khalh zirtirin Editorial board an chawhmeh tuihnai tak heng fatu tana ruatte hian an siam buai thei vut vut hle. dawn a ni.
www.nurseryvengyma.blogspot.in

Ruang chhuak: Pu C. Thangzova, kum 82, Pi Lalsawmliani w/o Pu C. Lalhluna, A-Section unaupa chu June ni 5, 2012 (Thawlehni) zan dar 7:45pm khan Durtlang Hospitalah a boral a. Hemi zan hian Mamit khuaah phurh thlak nghal a ni.

10.06.2012

Nursery Aw : Nikir Thla

Phk 2-na

NURSERY VENG BRANCH YMA OFFICE BEARERS 2012

President Vice President Secretary Asst. Secretary Treasurer Fin. Secretary : Pu R Lalhmangaiha : Pu Roneihthanga : Pu Zokunga : Pu C. Lalchhanhima : Pu Lalchhuanawma : Pu RC Vanlalsawma

i) iii) v) vii)

Pu Lalengliana Pu Aldrin Lalrindika Nl. Lalzahawmi Chenkual Nl. V. Vanlalruati

ii) Pu H. Zothanpuia iv) Tv. R. Lalhmingmawia vi) Nl. K. Lalthakimi viii) Nl. Janet Vanlalmuani

Editorial
Hmanlai hunah khan Zawlbuk tih loh kha chu inzirna hmun dang vak a awmlo an ti thin a, tunah chuan khang aia hmun tha leh changkang kan ngah tawh em em a, khang Zawlbuk Institution hnuaia inzirtirna tha leh duhawm tak tak thenkhat te khan mual an liam zel mai si a! aia upa zahna pawh hian mual min liamsan tep tawh a ni ber mai. Thangthar te hian kan vawn nun reng a pawimawh hle mai. Zirlaiten Bus chuan naah lah aia upate kenna chang an hre tawh lova, naupang te lah pawisa hlawh lo chuan tirh pawh kan tir kal thei tawh lo anih mek lai hian kan zo khuaah te chuan Mizo nun mawi leh duhawm tak hmuh tur ala awm tho anti ma thlawn lo, khawpui-ah hian a bikin nu leh pate hian kan fate zirtirnaah chuan tan kan lak thar chu a ngai hle ani. Chhung tinin kan fate enkawl thu-ah chuan theihtawp chu kan chhuah vek mai thei, mahse, an nun chhung rilah thuawihna tak tak nei turin kan enkawl danin a zir tawh tlat lo, an sikul zirtirtute thu tak ngial pawh an awih tawh loh chinah nu leh pa tam tak te chuan an fellohna kan hre ve chauh emaw anih phei chuan nu leh pate kan inenfiah leh zual a hun hle tihna a ni ang. Chhungkua atanga kan inzirtirna a awmloh vang em ni, aia upa zahna kan neih tlem tak hle mai? He zawhna hi mitin ten a chhanna i ngaihtuah tlang teh ang u. Thangthar lo awm zel turah kan zo nun mawi leh hlu tak, aia upate zah thiamna tun dina a awm zel theih nan thalai, YMA member zawng zawng te hian theihtawpin tan ila teh ang u.

ZAN PROGRAMME: A hun A hmun Thupui Chairman Tanna Hla Hunserh Report Duet

: 15.06.2012 (Zirtawp), zan dar 7:30 : VC Hall : Khawtlang Nun Siamthat

: Pu Lalchhuanawma, Tre, NYMA : Ro min rel sak ang che : Pu Malsawmdawngliana : Secretary : Tv. Lalnunfima leh Tv. Lalrinngheta, Y-Sec, NYMA Thusawi (10 mins) : Pu R. Selthuama, Bialtu MLA Solo : Tv. Thanchungnunga, M-Sec, NYMA Certificate Sem : Pu C.T Zakhuma, Chairman, AMC Solo : Tv. Lalthazuala, A-Sec, NYMA Thusawi (10 mins) : Pu Roneihthanga, Vice Pre, NYMA Solo : Pu Gnat Lalrinchhana (Programme kar lakah a remchan dan ang a zaiho a ni ang) ZAN PROGRAMME-A CHANVO DANGTE: 1. 2. 3. 4. 5. Seat Arrangement : Y-Sec, NYMA Light & Sound : Information Sub-Committee, NYMA Refreshment : M-Sec, NYMA Banner : Pu Lalchhuanawma, Tre, NYMA Zai hruaitu : i) Pu R. Lalneihkima. ii) Pu Hmingthangsanga iii) Pu R.C Lalzarzova

PIPUTE THUFING LEH SERH LEH SANG

By - K. Zawla. 1. 2. 3. 4. 5. Lal ngai lo lal a na, an lal a kha. Lungpui pawh lungtein a kamki loh chuan a awm thei lo. Mahni infak leh sakhi ngalah engmah a bet lo. Mi chhe sawi chu koh aiin an hnai. Sial rangin sial rang a hring, sakawlin sakawl a hring, Sunhlu kungah thei dang a rah ngai lo. 6. Mihring hmelma ber mahni a ni. 7. Mi fingin an fin man an ei seng lo, mi a-in an at man an chawi seng lo. 8. I tuma lum chu bei fan fan rawh. Ui pawh a vah a vah chuan ek thing a tawng nge nge. 9. A tha lam kawng a chho, a chhe lam kawng a phei. 10. Piansual leh hmel chhiat a sim theih loh; nungchang erawh a sim theih. 11. Piangsual nuihsan suh, piansual leh pharin tlai luat a nei lo. 12. Lampui changkhatah mi an be chhe ngai lo. 13. Kawng laka chau tanpui zel tur. 14. Thlawhhma lakin, hniak tamna lam apiang bawh tur. 15. Leiruangtuam, sih, thinglubul, fangfar, thingzungkai, zawngluro, hruiawk leh thingsaihrua lovah neih tel loh tur.

Mi sualte awt suh la, an zinga tel chak hek suh

10.06.2012

Nursery Aw : Nikir Thla

Phk 3-na

SECTION REPORT
Y Section
Tunlaiin ruah a sur nasa hle a, chhungtinten kan tuipaih danah fimkhur leh zual ila, leimin tur ven lamah tan i la thar zual ang u. Section chhunga CYMA chanchinbu man pe si, dawng lo an awm chuan hruaitute hnenah inhriattir ila, la thar duhte pawn a lak thar zel theih e. A man Rs. 70/year. Tunlaiin side drain leh turning te siamthat mek a ni a. Turning point dala motor dah lo tur leh side drain thar te dimdawi turin an inngen. M Section An section Fin.Secy, Pu Joseph Lalbiaktluanga chuan an fa hmasaber atan June ni 7, 2012 (Ningani) zing dar 7:30am vel khan Kulikawn Hospital-ah fapa duhawm tak an nei a, an lawmpui hle. Section huamchhungah bawlhhlawh paih motor a rawn kal ta a, chhungtinten luikawrah paih tawh lovin bawlhhlawh paih motor-ah chauh paih hram turin an inhriattirin an inngen nawn leh e. Remchang hmasaberah Section hnatlang neih an tum.

A Section
YMA Day ah member zawng zawngte kal vek turin an inngen a, hlim taka hun hmang ho turin an inpuahchah nasa hle a ni. Fur lai a ni a, office kal hun lai velin kawngpui dungah motor dah lo hram hram turin an inngen nawn leh a; tin, motor mai ni lo, mimal bungruate pawh midang tana a hnawksak lo zawnga dah fel hram hram thin turin an inngen bawk. A lang a paua ruihtheih thil ti thinte inthiarfihlim turin an inngenin an inhriattir a, JAC te hmalakna kal zel an thlawp.

YMA LIBRARY
June ni 2, 2012 (Inrinni) khan Nursery Veng YMA Library chuan tlawhtu kan nei tan a. Hemi ni hian tlawhtu member 15 lai an awm nghal a. Library member zinga lehkhabu hawhchhuak hmasaber leh Register a inziaklut hmasaber chu Lalhmingsanga (Sangsanga) s/o Pu Hmingthansanga, Nursery Veng Y-Section a mi a ni. Lehkhabu hawh hmasakber hming hi Thlahtu bul leh Zawlneite tih a ni. YMA Library, mipui a duh apiang tan tlawh theih a ni ta. Kartin, Inrinni chawhnu dar 1-4pm thleng hawn thin a ni ang. Library Steel Book Case leina atan Pu Shyam Singh-a chuan Rs. 4500/- a rawn thawh a, a chungah kan va lawm em! Tunkar chhunga lehkhabu min pe tute 1. Pu Laldinliana. 2. Pu Thankhuma 5. Sarah Sailo 3. Pu B. Chawngthuama 4. Pu C. Lianmawia

Naupang pual lehkhabu Kolkata atanga chah mek a nih bakah Synod Bookroom atangin Rs. 1000/chuang man lei thar a ni bawk. Karthum chhungin Library lehkhabute ziahfel leh remthat hnatlang vawi 10 chuang zet neih a ni tawh a. Member-te an phurin an inpezo hle a, an thawk tha thin hle a ni.

LAWMTHU SAWINA Kan Pu, C.Thangzova, kum 82, Mamit, ni 5.6.2012 (Thawhleh) zana boral, an khua Mamita phurh thlak a nih chungchangah, a tul ang a min buaipuitu leh tawiawmtu khawtlang nu leh pate, kohhran hruaitute leh YMA member zawng zawngte chungah kan thinlung takin lawmthu kan sawi a. He kan lawmthu sawina tawite hi mimal tinte chungah lawmthu kan sawinaah min lo pawmsak dawn a nia.

ADVERTISEMENT
Cement, Balu, Bricks lei tur kan nei reng e. Hmundang nen Rate inang rengin kan zuar a, Pickup Trip khat chin a hmunah kan dahsak thei e. GMC Enterprise Nursery Veng P.Lalthangzauva Building Prop : C.Lalzarmawia Contact : 0389-2333018, 9436375020, 9774590543 (3-3)

C. Lalhluna
A-Section

I mut hlanin i rethei hman ang a, tlakchhamnain sipai angin a nang thut ang che

10.06.2012

Nursery Aw : Nikir Thla

Phk 4-na 4

WINDOWS 7
Windows 7 hi mi tam tak chuan fakin ha tawk hleah ngai mah ila, famkim lohna khawvelah hian ah duhthusam a nih lohna a awm nual a. Network connection lamah chuan no 1 a ni ti ila kan sawi sual tam h awm love. Amaherawhchu, kan sawisel nachhan thin langsar zual tlem lo tarlang ila:(kahriatrukte.blogspot.com)

1. Program Compatible loh a nei: Windows 7 i load thara, Win-XP i hman laia i hawn theih games/application thenkhat i hmang hlei thei tawh lo a nih chuan hetiang hian i lo tichhin dawn nia: I program/application hawn theih tak loh setup file kha right-mouse la, Properties-ah khan i lut ah dawn nia. Compatibility tab lo awm kha han click keuh la, Run this program in compatibility mode for: for:' tih hma a mi kha i click keuh anga, pull-down menu atang khan i windows hmasa zawk, chu program/application i hman theihna windows kha i select mai dawn nia a hnuaia picture ang hian..

I install zawhah installation file ah khan lutin a icon-ah khan a ngai chiaha i tihnawn leh ngai chi ah pawh a awm thin bawk. Tin, Compatibilty tab hnuai lamah khan hetiang hi a lo awm bawk ang -

Hemi hmang khian resolution pawh i thlak danglam nghal thei bawk ang. 2. DVD Drive Not Found: Windows 7 buai fona thin langsar ber pakhat a tihngam awm e. Registry edit hmang bawka siam tihngam that theih a ni a, mahse i edit hmain Registry khawih hi chu fimkhur a tha tih i hre hmasa phawt tur a ni. ni Tin, a edit-na tur hawn dan pawh no 2 ah kan sawi tawh avangin kan sawi nawn lo ang :D na Tichuan HKEY_LOCAL_MACHINE tih kha expand in a chhunga SYSTEM folder kha i expand leh anga, CurrentControlSet kha expand lehin Control i expand leh a a. Class tih kha select-in rightang -hand panel lamah khan UpperFilters leh LowerFilters tih hi registry registry-ah khan a lo awm tel chuan i delete ve ve anga PC restart nghal la a dik ngei tura ngaih a ni. :D 3. Themes thara Icon dik lo: I windows theme i thlaka, icon a lo dik lo ta nuaih em ni!? Chuvanga i lo buai ru viau a nih chuan hei hi lo tichhin ve teh le! I desktop kha RightRight-mouse click la, Personalize-ah khan lutin, Change Desktop Icons-ah khan i luh ah ah leh chuan Desktop Icon Settings window a lo pop-out ang a, Allow themes to change desktop icon tih lo icons in tick sa kha i tick lo anga, APPLY in i OK mai dawn nia.

Printed at JL Publication

Published by Nursery Veng Branch YMA

Copies - 415