na

(toif;awmf twGif ; uefhowf xkwf a0onf)

Evangel i cal Bapt i st Church Yangon
E
s
t
d
. 1
9
9
9
Editor : Rev. Gin Khen Mang

K
I
K
H
O
P

H
U
N
T
E
S
u
n
d
a
y




9
:
0
0


A
M
-
-
-
-
-
-
-
S
u
n
d
a
y

S
c
h
o
o
l
S
u
n
d
a
y


1
0
:
3
0


A
M
-
-
-
-
-
-
-
B
i
a
k

K
i
k
h
o
p

h
u
n
S
u
n
d
a
y




1
:
0
0


P
M
-
-
-
-
-
-
-
N
u
m
e
i

P
a
w
l

K
i
k
h
o
p
M
o
n
d
a
y




9
:
0
0


A
M
-
-
-
-
-
-
-
T
h
u
n
g
e
t

K
i
k
h
o
p
W
e
d
n
e
s
d
a
y




6
:
3
0


P
M
-
-
-
-
-
-
-
B
i
b
l
e

S
t
u
d
y
S
a
t
u
r
d
a
y


1
2
:
0
0


P
M
-
-
-
-
-
-
-
K
h
a
n
g
n
o

K
i
k
h
o
p
S
a
t
u
r
d
a
y




1
:
0
0


P
M
-
-
-
-
-
-
-
L
a
s
i
n
n
a

h
u
n
E
v
a
n
g
e
l
i
c
a
l

B
a
p
t
i
s
t

C
h
u
r
c
h
N
o
.
1
8
,

2
6
t
h

s
t

(
f
i
r
s
t

f
l
o
o
r
)
P
a
b
e
d
a
n

T
o
w
n
s
h
i
p
,

Y
a
n
g
o
n
.
T
e
l
:

0
1
-
3
8
4
1
2
8
U
p
n
a

L
a
i
g
i
l
G
.
P
.
O
B
o
x

1
2
2
8
Y
a
n
g
o
n
.
T
o
.
P
r
i
n
t
e
d

a
t

:






















P
r
i
n
t
i
n
g

P
r
e
s
s
,

Y
a
n
g
o
n
.


P
h
:

0
1
.
3
7
3
5
9
5
(A zom laimai na ah)
Volume 12, No.5

Sep - Oct , 2010

JESU AADING TECI PANNA
( Sawltak 1:8 )
Editor
Topa Jesu in sihna pan a thawhkik khit ciangin
vantungah a kahtoh ma deuhin, a nungzuite kiangah kammal
nunung pen a vaikhak kimu thei hi. Tua kammal in, leitung
mun khem peuh ah pai khia in, TECI NA PANG UN cih a hihi.
Tua mah bangin Topa Jesu nungzuite zong mun tuamtuam
ah paikhia in, lungdamna thu vagen kawikawi uh hi.

Tua a hih manin, Jesu a ding teci pang dingin, na
nuntakna sungah, Jesu Honpa le Topa in sangin a piangthak
taktak na hih masak ding kisam hi. Mi khat pianthakna
pen, apua lam aa ih muh theihna tawh ki gen thei bek aa,
piangthak lo pi piangthak a kineih zong a om mah bangin, a
piangthak pipi teci a pang theilo zong pawl khat om ding hi.
Tua mah bangin thu-um mi pawl khatte in, thu-um
mite bangin nuntak ding le teci pan ding pen ngaihsun khalo
thei uh hi. Ih ngaihsut khak man in, Pasian teci ki hi pah
khollo hi, ngaihsun kha ta kei leng, Pasian aa dingin teci

Upna Laigil Vol .12, No.5
Sep - Oct , 2010
Yangon E8C 2
THU ZAKSAKNA
Upna Laigil Sep - Oct , 2010 (Vol.12. No.5) hawm khia
kik thei ih hih manin Topa tungah lungdamna ih ko hi. Tu kha
ih hawmna sungah hih thute ki suak sak hi.
1.JesuAdingTeciPanna ---------------------------------- 1
2.CidamnaKhawk ---------------------------------- 8
3.BiaknaLateTangthu ----------------------------------11
4.EiSiaNenNenPawl ----------------------------------15
5.ThuTuamtuam ----------------------------------23

Upna Laigil hawm khiatna tawh kisai in, ngeina bangin

Khamtung lam, Kawlpi le Tamu lam teng pen Kawlpi pan in
Sya Tha Mang in hong hawm ding hi. Yangon khua sung le
mun tuamtuam aa teng a vek in Post Offce pan hong kikhak
ding hi. Tua ahih manin a deihte in na address uh hong pia le
uh cin kong khak ding uh hi.


Rev. Gin Khen Mang
Editor. Upna Laigil
P.O. Box 1228.
Yangon. Myanmar.
Upna Laigil Vol .12, No.5
Yangon E8C
J
Sep - Oct , 2010
( Laimai na pan azom)
ih hi veve hi. Bang hang hiam cih le lungdam na thubu
( Matt. 28:19-20 ) le ( Sawl 1:8 ) na sungah Pasian in eite
tavuan khat hong piaksa a hihi. Hih hong piak tavuan bangin
teci pang ding ih cihte kua te a hi hiam? ( John 1:12-13 ) na
sungah Tua Tapa a um mite khempeuh Pasian tate suah
theihna ding thu a pia hi, tua tate in si le sa tawh a suak
kei uh hi, mihingte deih bangin a suak kei uh hi, Pasian
deih bangin a suak hi. ci-in nungzui John in hong hilh hi.
Hih Pasian ta ih cih pen, a sungah Jesu Khris nei aa,
piangthakte a hihi. Ih gensa bang in kiim le paam hangaa
kingah hilo, mi khat peuh deihsakna hangaa ki ngah hi lo,
Jesu Khris Gumpa le Topa aa sanman in Pasian tate kisuak
hi. Pasian tate a suak khin mite in, ih pa thu ih genkhiat
ding ih tavuan lian pen a hi hi.
Gentehna in; Zomi pawl khat te, nasepna hang tawh
Kawlgam sung mun tuamtuam ah va om kawikawi uh aa, a
tate un, Zopau le Zongeina te, sanggam u le nau cih te thei
khollo uh hi. Zopau thei lo in a sawtsawt ciang Zomi ki cih
ding zum pian mawk uh hi. Bang hang hiam cih le a nu le pa
ten hilh ngeilo uh a hih manun, a thei lo hi mawk hi. Tua
hi in Zopau na theih manin, Zomi na hi tuan kei aa, Zopau
na theih loh man in Zomi na hih na bei tuan lo hi. Bang
zah tak in Kawlpau siamin, Kawl ngeina dan thei in, nang
mahmah zong Kawlte peuh kisa in na om khak zenzen hang
in, Kawlte in nang pen Hih Zomi pa hong ci veve hi. Tedim
khua ah a beisa hun sungin, Sialtaang tuilaak na ding nasem
Mangkangte khat hong om aa, mipil a hih man in Zopau hong
sin aa thei pah lel hi. Tua Mangkangpa Zomi hong suak
tuanlo hi. Zopau thei khempeuh Zomi hong suak pah cih hi
lo in, Zopau thei lo teng Zomi hi nawn lo cih zong hi lo hi. Tua

Upna Laigil Vol .12, No.5
Sep - Oct , 2010
Yangon E8C 4
mah bangin, piangthak khin mite in, Jesu Khris aa dingin
teci panding a hih lam thei ta le thei ta kei le Pasian in eite
tavuan hong piak sa a hihi.
Tua a hih manin, Pasian tate a suak khin mite
in, ih pa a ding teci panna pen koici sepding le bang hun
ciangin sem ding ih cih ciangin, a tawntung aa teci pang
ding in Pasian in hong deih a hihi. Mi pawl khatte in nipi ni
aa biakinn kikhop ciangin, mihoih mahmah le teci pan na
hoihpha mahmah nei vantung mite bangin om thei uh hi. A
hi zongin biakinn pan a ciah uh ciangin, khua sung le a inn
sunguh ah vantungmi hihna suah khia in, dawino peuh suak
thei zel uh hi. Tua teci panna pen kam tawh genkhiatna le
nuntakna tawh lahna te in a ton khawm ding a hi hi.
Tu hun in mitampi te in Pasian thu zaza keei uh aa, a
hih hangin sang thei hetlo uh hi. Bang hang hiam cih le ama
meltheih sanggamte sungah piangthak min pua pawl khatte
in, sanggam u le nau sung aa om ziate, veeng le paam tawh
kizop zia te, vanlei vanzuak na ah kizop ziate hong et uh
ciangin, hong sang thei peuh mah lo uh hi. Tua hi aa, Topa
Jesu in a nungzuite a vaikhak na (Sawl 1:8) ah, Jerusalem
khua, Judah gam le Samaria gam a kipan leimong dongah ...
na-ci hi. Piangthak khinsa mi khat in, a teci panna ding
mun masa pen, a innkuanpih te tung hi ding hi. Na innkuan
sungah Pasian aa dingin teci pan na hoih na neih masak kul
ding hi.
Matt. 25:14-30 na sungah, Talen thu gentehna kimu
thei hi. Pasian in mimal khat ciat ih sep ding hong pia aa,
tua hong kipia ih tavuan ih zawh ciat ding kisam hi. Hih
talen hawmna sung aa, talen 5 a sangpa tungah, a topa
Upna Laigil Vol .12, No.5
Yangon E8C
5
Sep - Oct , 2010
in a dang a met talen 5 mah na lamen hi. Tuamah bangin
talen 2 a sangpa tung panin, a met talen 2 mah na lamen
aa, talen 1 kipia pa tung panin zong talen khat bek mah
a met ngah ding na lamen hi. Amaute kipia talen zah tawh
kituak aa, a meet bawl ding uh a hihi. Hih thu ih ngaihsut
ciangin, Pasian in ei mimal khat ciat teci pan na ding aa,
hong sehsak thute ah cihtakna tawh ih sep ciat ding Pasian
hong deih a hi hi.
Tu hun ciangin, Pasian thu a thei le thu gen aa vaak
kawikawi zong mi tampi om ta hi. Gupna thu a za ngei nailo
mi a om hangin, mi a tamzaw kiza khin ta hi. Mite in thu
kigen a zak uh hangin, thupi sa nawnlo in, nuntakna tawh
lahkhiatna pen a lawhcing zaw le a muibun zaw hong suak
ding hi. Taanglai a thu-um mite in hih bang kammal na zang
uh hi. Thu zui mite aw nakpipi in hong gen un, na gamtatna
te uh in na kampau na te uh meng gawp aa, kiza thei lo hi na
ci uh hi.
Hih thu in teltheih na ding in Lai Siangtho lui Kumpite
nihna 5. sung aa thu piang tawh etkak ding hi hang. Syria
gam sungah Galkap Mangpa Naaman ki-ci mi khat om hi.
Tua Galkap Mangpa Naaman pen Kumpipa in a it mahmah
khat le ama hangin Syria Kumpite in gal zo tawntung in a
gam uh zai mahmah hi. Tua Galkap Mangpa in phaak natna
vei hi.
Syria Galkap Mangpa in a galkuan na panin, Isreal
numei no khat galmat in hong ciahpih aa, Naaman zi na
semin om hi. Hih numei no in ama omna mun ah, a kipia
nasep teng hoihtak in sem aa, a pu le a pi te maipha ngah
hi. Inn sungah Naaman phaak natna hangin, lungkhamna

Upna Laigil Vol .12, No.5
Sep - Oct , 2010
Yangon E8C 6
nakpi tak in piang hi cih thu numeino in thei hi. Bang hang
hiam cih le tua hun lai-in phaak natna a veite khua pua
lamah kituam koih se hi.
Tua nung ciangin numei no in, ka pu Naaman pen
Israel gam aa, Pasian kamsangpa tawh kimu thei le a phaak
natna dam ding hi cih thu gen hi. Hih numei no thu genna
kumpipa in a zak sawn ciangin, Israel kumpipa kiangah
laikhak in, Galkap Mangpa Naaman phaak natna, na dam
sakna ding ... cih za sak hi. Isreal kumpipa in, Syria kumpipa
laikhak a muh ciangin lau-in, Syria kumpipa in gal bawl
nuam a hih manin, hih bangin lai hong khak hi. Mi khat
damsak ding le sisak ding in kei Pasian ka hi kei hi ci-in, a
puan balkek in dahna limlak hi.
Kumpipa a dahna thu hangin a puan a balkeek na thu,
Pasian kamsangpa Elisha in a zak ciangin, kumpipa kiangah
mi khat sawlin, Bang hangin na puante balkek na hi hiam?
Israel sungah kamsang khat a omna thu amah in a theihna
dingin, amah kei kiangah tu-in hong pai sak in. ci sak hi.
Thu piang teng tomgen leng, Naaman in kamsangpa
Elisha kiang hong tun ciangin, Elisha in ciah kik-in la, Jordan
gun ah sagih vei kisil in na ci hi. Naaman lamet na ah zatui
tuamtuam khawng tawh bawl ding le a lutung ah khut nga in
phaak natna dam sakna dingin thungetna khawng neih sak
le ut kha ding hi. Pasian kamsangpa cihna bangin, Naaman
in mang aa, Jordan gunah sagih vei a kisil ciangin a phaak
natna teng dam siang pah lian hi. A tawp na ah Naaman in
Pasian dang peuh mah bia nawn lo in, Israel Pasian ka bia
ding hi ci-in ciah khia hi. Hih Naaman in phaak natna panin
damna a ngah manin, a nungta Pasian biak ding lungsim nei
Upna Laigil Vol .12, No.5
Yangon E8C
7
Sep - Oct , 2010
pah hi. Naaman in Pasian a biak manin ama nungzui mi
bang zah tung ah Pasian thu kigen aa, mi tampi in Jehovah
Pasian in a nungta taktak a hihna thu kigen sawn ding hi
cih ih thei hi. Hong kipat khiatna ih et ciangin, Naamante
innsung nasem numei no khat in, ama nuntakna sungah
hun hoih khat ngah aa teci pang in, Israelte Pasian in phaak
natna a dam sak thei hi cih thu a genna hang a hi hi.
Lai Siangtho lui sung aa, Daniel en kik leng, a
tangvalno lai-in ama pianna Israel gam pan, lawki kumpi
Babylon gam ah sila dingin a ki paikhiat pih te lak a khat a
hi hi. Ama nuntakna sungah a biak Pasian thu tawh nungta
den hi. Daniel 1:8 na sungah, Leitung gualnopna, neek le
dawnte tawh ka pumpi ninsak kei ding hi... ci-in, lungsim
khensatna nei hi. Tua mah bangin Pasian in Daniel thupha
pia hi. Tua banah, Daniel 6. na sungah Daniel in nisim
in Pasian tungah, ni khat thumvei thungen den hi cih kimu
hi. Kumpipa maipha mu nuam pawl khatte in Daniel hong
leh-heek uh hi. Tua ciangin mite hanthotna tawh kumpipa
in, kuamah in ni sawmthum sung Pasian dang khat peuh
tungah thungen theilo ding cih thu piakna laihawm khia hi.
A hih hangin ( 6:10 ) sungah, Daniel in thu piakna om khin
cih a theih hangin a hih ngei bangin... thungen ve ve hi.
Tua nung ciangin Daniel pen Humpi neelkai kua ah,
ki-khia hi. Tua Humpi neelkaite anneek dingin, nisim in
ganpi nih ta bang a piak uh hi aa, Daniel humpi neelkai kua
sungah a khiat uh ciangin, humpi an ding bang ki pia nawn
lo hi. Daniel pen humpite kituh in, saneek mang ding aa, a
lamet uh a hihi. Pasian in Daniel keem hi. Daniel bawl sia
nuam mi tampi a om hangin Daniel in, a nungta Pasian aa
dingin teci na pang a hih manin, Pasian in amah tawh om
khawm den hi.

Upna Laigil Vol .12, No.5
Sep - Oct , 2010
Yangon E8C 8
Hih a tung aa, ih gen Naaman in damna ngahin, a dam
sak pa Pasian biak ding a khen satna thu in, naseem numei
no teci panna hang a hihi.
Daniel in zong khangno khat a hih hangin, Pasian deih
lohte deih keng ci in, Pasian deihna zui in, thungetna nei
tawntung a hih na hangin a gam buppi in Jehovah Pasian
biak taak hi cih thei u h hi.
Tua a hih manin thu um mite in A NUNGTA PASIAN
TECI bang ci hih thei ding ih hi hiam, Pasian aa dingin teci
pan theihna dingin, theology bu bang zah sim phot kul hiam?
Lai Siangtho buppi vial bang zah sim phot kul hiam? Sumpi
bang zah piak phot kul hiam? Hih ih gente a thupi veve a
hih hangin, ih omna munmun ah teci bang ih hih theihna
dingin tuate kisam masa lo hi. Pasian tate in ih Pa Pasian
a hihna gen ding le lah khiat ding bek a hihi. A tawpna ah
sanggam aw, nang Jesu Khris aa dingin NA TECI PANNA bang
ci ciang hiam cih na kisittel ding kong deih sak hi.

<C<C<C<C
Ci damna KhawK
By,Dr.SianZaKham M.B.,B.S.,D.A.,M.A.(Theo)
Mit CidaM NaNg
Thupatna:
Nuntakna nei mihing le ganhing khempeuh aa ding in
Mittang pen athupi mahmah khat hi cih ih thei tek hi. Lai
Siangtho sungah na mit un note pumpi aa ding in meivak
tawh kibang hi. Na mit uh ciim leh na pumpi khempeuh un
hoih tak in thuthei aa namit uh mang leh na pumpi uh aa ding
Upna Laigil Vol .12, No.5
Yangon E8C
9
Sep - Oct , 2010
in khuamial ahi hi. (Luke 11:34)
Tutung in mit dop dan ding leh mit aa ding aa hoih
mehteh mehgah te anek huai dan anuai aa bang in kikup ding
in kong tel khia hi.
1. Nisa lakah ih pai ciangin lukhu peekgol zat ding hoih
pen hi. Banghanghiam cih leh nitang sung aa om ultraviolet
light kici dat ih mit tawh kisu kha leh sia sak hi. Tua ahih
manin niliim ngah nading in lukhu gol kisam hi.
2. Mai phiat khit teh mai nul nading in kuamah tawh ki-
tanglo mainul sinagtho sinsen zat ding hoih pen hi. Midang
tawh ih ki tang leh mitnatna namkhat CONJUNCTIVITIS kici
kingahbaih pen hi.
3. Tuipek tuibual ciang leh lettama nasep na khatpeuh-
peuh ih neih teh mitdal goggle khat peuh zat ding hoih pen hi.
4. Air condition kizat na mun te ah huih mut na lam ah
om lo zaw in kidop ding ki sam hi. Cih nop na ah ihmit huih in
hong tam mut leh keu ding aa, mit khuamuh na kiam ding hi.
Tua tham lo in, Abrasion kici mitnatna nam khat zong kingah
baih thei hi.
5. Lai sim ciang leh na akizom aa sep ciang in nailang
(30 minutes) ki hal in setkan sawmthum (30 seconds) sung
apualam en khia ding, tua in mit gim luat ding phatuam sak
hi. Singtehhing aengdildial khawngzong en le hang mit aa
dingin tawldamna ngah hi.
6. Nipi kal khat in livei, nawhpai zekzek in lam siau ding.
Adang in gen leng nikhat hal in lamsiau in paikhia leng mit-

Upna Laigil Vol .12, No.5
Sep - Oct , 2010
Yangon E8C 10
natna namkhat Glaucoma kici apian ding dal hi.
7. Mitkhaumuh na ahoih nading in kawlkai (Sweet pota-
toes) nek ding hoih hi ci in kiciam teh hi. Kawlkai sung ah Vi-
tamin A om aa tua in mit khuamuh na hoih sak aa, adiakdiak
in zankhuamial sung ah mit khuamuh na khang sak hi cih ki
mu khia hi. Nidang ihpu/pa te hun lai in Vitamin cih bang
kiza kha vet lo. Ka neu lai in zatui a ki gen teh Quinine lo ngal
om lo hi. Tua hi aa, Leitung gal pi Nihna sung in galtai buk aa
cinatna khem peuh ah Ku-nai ci in khavelval kidawn hi.
Kawlkai hioh na tawm gen nuam ing. Tuhun ciang in
buhsih lo ngal an in kingaih sun nawm lo hi. Ahi zong in kei
neu lai ciang ciang in vaimin leh gatam, kawlkai, baal , behul
hakai, sii-mai cih bang te anpi in ki ne ngai hi. Kawlkai- tong
ki ci amin laam a kihuan, tamta tawh tumtan tiltel in nisa ah
kipho keu aa, akeu sinsen in bem sungah kikoih in gathuk
tawh kitui huai aa, tua pen an pi in kine hi. Ih khanglui mite
amit uh atek dong in aciim kilkel na pen kawlkai anek manuh
hi in teh cileng ki khial lo hi.
8. Red onions (Lothangsan) sungah Quercetin kici anti
oxident dat nam khat om aa, tua in mitnatna Cataracts ( Kawl-
pau in teng- wdrf) apian ding kham hi ci in ki mu hi. Tua ahih
manin meh huan ciang hih red onion zat ding ciapteh huai
hi.
9. Zing sang tung aa an nek(Breakfast) ciang in Bilberry
kici singgah min ne leng hoih hi. Hih sung ah Anthocyano-
sides dat om aa, tua in Macular Degeneration ki ci mitnatna
apian ding dal hi. Hih Bilberry pen zatui sai te ah zong kingah
thei hi. Thawhbat gah (Avocado), Ankam tak san (Carrot) leh
haimin (Mango) te zong hoih veve hi.
Upna Laigil Vol .12, No.5
Yangon E8C
11
Sep - Oct , 2010
10. Nipi kalkhat in ngasa nihvei ne zo leh mit aa ding ih
hoih hi. Ngasa sungah Omega 3 fatty acid om aa, tua in dry
eye syndrome kici mitnatna apian ding kham hi. Ngasa aduh
lo ten ngapi thau (fsh oil) capsule ne leh zong hoih veve hi.
11. Nipi kalkhat in Spinach ([if;Eke,f), vokan ling nei
lo mehteh te nipi khatin ninvei ne ding. Lutein kici dat
namkhat Spinach sung ah om aa, tuain Cataracts leh Macular
Degeneration apian din gkham ciin kantel na pan kimu hi.
Spinach pen nganhuam ahih kei leh garlic (Phulun) tawh hel
in sathau in kang ding.
Hih lai asim kha te tung ah Topa Pasian in thupha hong
pia ta hen .
x x x x x x x x x
Topa Tawh Maitang Kimu Ding
Face to Face With christ My savior
(I Corinthians 13:12; I John 3:2,3)
Carrie E. Breck (1855-1934) Grant C. Tullar (1869-1950)
La kiphuak ngei lakah hih la a kiphuahzia tuampian
simsim hi. Hih la-aw a phuakpa Grant Colfax Tullar pen jelly
duh mahmah khat ahi hi. Khatvei, Rutherford, New Jersey
Methodist Episcopal Church-a minister Rev. Charles L. Mead
inn ah zintungin cialpi bawlkhawm uh hi. Ni khat, Rev. Mead-
te nupa tawh pawlpi mite innah innvakna nei uh a, manlah
Biakna Late tangthu
Rev.ZamKhatKham PastorMyothitEBC
Upna Laigil Vol .12, No.5
Sep - Oct , 2010
Yangon E8C 12
uh ahih manin nitak-an gina huan man lo uh hi. Nitak-an
ding a om bangbang a nek laitakun annek sabuai tunga jelly
thawl sungah jelly tam a nawnloh lam a phawk kha kuamah
omlo uh hi. A innteeknu in bel a jelly duh lam a theihsa ahi hi.
Aman zong tua jelly a lawmte khaksawn-a, a kuamapeuh in a
jelly duh lam thei uh ahih manin sang lo uh hi. A kisan khak
ding a patauh gige lam zong thei uh hi. Tua ciangin aman,
Tua ahih leh a veka kei ading maw (So this is all for me) ci-
in ne pah hi. Tua kammal a veka kei ading (all for me) cih
kammalte in a lungsim phawng lek-a, piano omna ah pai pah-
in la dawng khat - a mal leh a aw - phuak pah hi.

All for me the Savior suffered,
All for me He bled and died.
Tullar in tua la jelly la ci-in minphuah-a, tua nitak
cialpi hunah sa pah hi. Mipite tungah tua la a phuahzia zong
gen hi. Tua la a phuah lai-in kinawh phuah heethaat lua
pian ahih manin a mal pawlkhat laihkik ding ngaihsun hi.
Ahi zongin a zingciang zingsangin laikhak pawlkhat ngah a,
tuate lakah Mrs. Breck in a khak poem pawlkhat zong kihel
hi. Tua peom-te a sim kawmin a zan nitaka a laphuah aw tawh
kituak ding la a om kha hiam ci-in ngaihsun kawm hi. Tua
poem-te lakah jelly la aw tawh kituak ding poem khat na
om takpi a, a thulu Face to Face (Topa Tawh Maitang Kimu
Ding) ahi hi. A kiphuahzia meter mal phazah kituak linlian
ahih manin tua huna kipan tuni dong tua malal leh tua jelly
la aw kigawmkhawm-a la ngaih mahmah dawng khat hong
suak hi.
Hih lamalte a phuaknu Carrie E. Breck bel America
gam Walden, Vermont ah January 22, 1855 ni-a suak ahi
Upna Laigil Vol .12, No.5
Yangon E8C
1J
Sep - Oct , 2010
hi. A nuntak sung khempeuh a pasal leh a tanute nga tawh
Portland, Oregon ah teng den uh hi. Mrs. Breck pen a nuntak
sung tawntung Pasian tunga a ki-ap zo mahmah nupi khat
leh Presbyterian pawlpi-a a kip mahmah ngiungeu khat ahi
hi. Poem dawng 2,000 val phuaka, tuate lakah pawlkhat a aw
kibulh-in hymn lamal suak hi. When Love Shines In leh Help
Somebody Today cihte tua banga hymn lamal a suak Mrs.
Breck phuah poem-te ahi hi. A manlah mahmah kawmkal-
a a phuah vive hizaw a, pawlkhat bang a inn phiat kawm,
pawlkhat bang a kuang sawp kawm-a a phuah ahi hi. La-aw
bel phuak thei het lo a, ahi zongin rhythm bel thei-in music uk
mahmah, kici hi.
Hih la aw a phuakpa Grant Colfax Tullar bel August
5, 1869 ni-in America gam Bolton, Connecticut ah suak hi.
Kum nih a phakin a nu in sihsan hi. A neu lai-in a nuntakna
haksa mahmah hi. Kum 19 a phak laitakin zu khama a omna
panin Methodist camp khat-ah piangthak hi. A sawt lo-in
lasak a vak lam kiphawka, organ tumin lasa-a, la-aw zong
tampi phuak hi. Methodist pawlpi ah ordination kipia a, cialpi
bawlna lamah a kipiak ma-in pawlpi khat-ah pastor sem ngei
hi. Evangelist Sam Jones, Major George A. Hilton leh evangelist
minthang dang tampi tawh kithuah hi. Isaac H. Meredith tawh
kikopkhawmin Tullar-Meredith Publishing Company phuan
uh a, tua lai-ah kum 30 val president sem hi. Pasian phatna
labu tampi khenkhia-in hawmkhia uh hi.

Tua labute sungah ama phuah la tampi kihel-a, Nailed
to the Cross, Shall I Crucify my Savior? a cih late minthang
deuh hi. I Would Be True (Thumaan Ning - Xtian La No.
207) a kiphuahna ah a a la-aw phuakpa Joseph Yates Peek
(1843-1911) in a la-aw a phuahna ah note bawlna leh a aw-
Upna Laigil Vol .12, No.5
Sep - Oct , 2010
Yangon E8C 14
kima bawlna (notating and harmonizing) ah panpih hi. Hih
la, Topa Tawh Maitang Kimu Ding bel 1899 kuma Tullar-
Meredith Publishing Company in a khet Sermons in Song, No.
2 sungah kihel pah hi.
Hih la, Topa Tawh Maitang Kimu Ding tawh kisai-
in a zaknop thu tampi om-a, tuate lakah Sen (China) gama
thupiang khat i sut ding hi. William Hart gelh Unfamiliar
Stories of Familiar Hymns kici laibu sungah Sen gamah China
Inland Mission board-te missioanry -a pai Rev. and Mrs. R. W.
Porteous-te nupa in Sen mi gilote in a thah sawm laitak vua hih
la a sakna uh na gen hi. Mual tung khat-ah kipaipihto a, mun
khat a tun uh ciangin, Hih lai mun hi ei kici-in, a that ding
pa in a kawng panin a namsau dokkhia hi. Tua missionary-te
nupa in zong thah ding bek ngaka a om laitakun:

Topa tawh maitang kimu ding,
Nuam sing bang a ci zen tam!
En kaii-kaii ning, velvel mai ning,
Amah kei tanga si ngam
ci-in hih la nakpi-in sa uh hi. Amau kithah nading namsau
kidok khin hi napi-in namsau-a a kibantan nadinguh thu
kipia peuhmah lo-a lamdang sa lua mahmah uh hi. A that
ding pa in namsau a liangah pua-a, Rev.& Mrs. Porteous-
te nupa kikhahkik mawk hi. Shanghai-a a headquarter vuah
nuam takin kiciahkiksak hi. A tunna peuh vuah ppna tawh la
a sakna uh leh a sih phet vua a Honpa uh tawh kimu dingin
kigingsa-a a omna uh teici pang pahpah uh hi.
A A A A A A A A A
Upna Laigil Vol .12, No.5
Yangon E8C
15
Sep - Oct , 2010
Ei Sia Nen nen Pawl
ZamKhatKham
Thupatna
A beisa bang hun hiam khat lai-a kipan sia nennen
cih kammal khat hong kizang pha mahmah-a, i zak cil-
in ngaih khollo hi. Kisimmawhna kammal tawh kibanga,
kineubawlna kammal hi pian mai hi. Mi khat in mi dang khat
tung ah hih kammal zang leh simmawhna leh neubawlna-
in kisang dinga, mi khat peuh amah leh amah Kei bel sia
nennen pawl hi lel ing e, ci-in kigen leh a kiniamkhiat lua
maw, ahih kei leh a kilehgenna maw, cih ding hi mai hi. Tua
hi a, sia nennen cih kammal pen a ngaih khollo, a zaknop
khollo kammal tawh kibang hi. A kizatna mun tawh kisai
sam ven cin, simmmawhna leh neubawlna kammal hi zaw
pian mai hi.
Ahi zongin, ka gennop thu pan nuam ka hih manin ahi
zongin cih kammal tawh hong pan leng, hih kammal pen a
ngaih mahmah kammal khat-in zong kizang thei ding hi, ci-in
ngaihsun ing. Pasian in Ama nasem ding mite samin zanga,
a sap mite lakah apil asiam zong ki-om-a, mi khempeuh kipil
kimlo, kisiam kimlo hi. A pil ngiat a siam ngiat mi khat leh
nih bek mah om a, a tamzaw pen Sia Pau Lian Mang in, ei
a laihawl pawl ci-in Tedim Sangpi Magazine-a a gelh bangin
a laihawl pawl leh sia nennen mah hi lel zaw hi hang.
Kisimmawhna leh kineusakna hi lo-in leitung pianzia leh
Pasian nasepna sung ah tua bangin om hi, cih a gen nuam
i hihi.
A sawt nai khollo khat-in, Dr. D.A Carson gelh laimai
160 a pha Memoirs of An Ordinary Pastor a kici, pastor a sem
Upna Laigil Vol .12, No.5
Sep - Oct , 2010
Yangon E8C 16
ama pa thu laibu-a a gelh khat ka simkha hi Hoih kisa mah
mah a, laibu minthang khat zong suak pah mai hi. Amah
pen mi minthang, a diakdiakin Lai Siangtho Thuciam Thak
sinna lam ah leitung bup Evangelical-te laka minthang pen
khat hi a, Cambridge University pan in PhD la-in America
gam Illonois state sunga Deerfeld (Chicago gei mahmah) a
Trinity International University (Trinity Evangelical Divinity
School) ah Research Professor of New Testament Studies sawt
simsim sem ta hi. Leitung mun tuamtuam ah lecture pia-
in zin kawikawi-a, September 20 ni-in zong kei sangkahna
Concordia Seminary ah Day of Exegetical Refection kici hun
ah amah mah thugenpi-in hong pai a, a kuama peuh in thupi
kisa-in kipaakta, kisang thei mahmah hi. Ama siam deuhna
(areas of expertise) pen Biblical Theology, the historical Jesus,
postmodernism, pluralism, Greek grammar, Johannine
theology, Pauline theology, and questions of sufferings and evil
hi, kici hi. 1996 kum-a a gelh The Gagging of God: Christianity
Confronts Pluralism (Zondervan, 1996) bang 1997 kum
ading Theology and Doctrine lam ah Evangelical Christian
Publishers Association Gold Medallion Award a ngah laibu
khat ahi hi. Lai Siangtho kigelh cilna kampaute bulphuh a Lai
Siangtho telkheh-a sin theih nading ngimna tawh a kiphuan
GRAMCORD kici computer tawh kizom-a pilna sinna (a
research and educational institution designed to develop and
promote computer-related tools for research into the Bible,
focusing especially on the original languages) a phuankhia
founding chairman zong hi laimawk hi.
Dr. D. A. Carson Gen A Pa Thu
Dr. Carson pa Pastor Tom Carson zong Canada gam,
French (Piancik pau) kizat na Quebec kuam-a pastor sem,
sia nennen khat, ordinary pastor khat ahi hi. Northern
Upna Laigil Vol .12, No.5
Yangon E8C
17
Sep - Oct , 2010
Ireland gam Carrickfergusah 1911 kum August kha 26 ni-in
a pa John Carson leh a nu Ethel-te sung pan-a piang ahi
hi. Kum nih a phakin Canada gam ah lal uh a, 1927 kumin
Ottawa Collegiate Institute (high school) zo hi. 1933 kumin
Toronto Baptist Seminary kici Lai Siangtho sang neu khat ah
kah-in T.T. Shields khut nuai ah pilna sin hi. A sangkahna
ah Elizabeth Margaret Maybury kici England gam London a
suak nungak mel hoih piangthak mahmah khat tawh kithei-in
kingai uh a, 1938 kum April kha 28 ni-in kiteng uh hi.1941
kum May 28 ni-in Baptist pawlpi sung mah ah tuiphum sia
(ordination) kipia hi.
A inn sung uh ah ki-uk kikhalna hoih mahmah a, annek
sim-in an bek kine lo-in thuhoih khat ta peuhmah kikupna-
in nei den uh hi. Thungetna tawh kikalsuan innsung hi a, a
tanu Joyce amah sangin piano a siam zawk masiah peuhmah
Pastor Tom in piano tum-in a innkuan-un kium liiliai-in la sa
khawm den uh hi. Hau ngei het lo uh a, ahi zongin Pasian in a
kisapnateng uh sik den ahih manin cimawh lua mahmah ngei
lo uh hi. Pastor Tom in Lai Siangtho mun tampi lotngah thupi
ngaihsut mahmah a, Mangkam leh Piancikkam-in mun tampi
lotngah ngiat hi. Innkuan sung ah Pasian minthan nading
ahi lo gamtat kampau khatpeuh deih ngiat lo-in tua bang a
zang kha khatpeuh a om leh a khialhna kilak pah, kithuhilh
pahlian-in kikhaktan lian hi.
Pastor Tom in a pawlpi hoihtak kem-a, zong kem zo a,
mi dang pawlkhatte bangin pawlpi danga mite ama pawlpi
ah zol-in guk sawm ngei lo hi. Sheep stealing kici tua bang
gamtat zang nuam ngei lo a, a khantawnin a pawlpi gol lo, mi
tam zuaizuai ngei lo hi. Khatvei bang a tapa Dr. Don Carson in,
Mi tampi na pianthaksak theih nadingin bang dinga gam mial
Upna Laigil Vol .12, No.5
Sep - Oct , 2010
Yangon E8C 18
nasepna ah kipia lo na hi hiam? ci-in dong ngei hi. Pasian in
hong koihna mun hih mun hi cih ka theih gige man hi ci-in
dawng hi. 1963 kum October kha sungin kum sawtpi a sepna
Drummondville pawlpi pan Pastor Tom Carson khawl hi. A
khawl loh nading kigen pihpih taleh, a lungsim a khensatsa
ahih manin khawl veve a, tua pawlpi pan a tawp hangin a
khantawnin Pasian thu mah gen-in hilh den hi. Mangkam leh
Piancikkam siam khawm tuaktuak ahih manin kumpi sung
ah kamphen nasep kipia a, tua nasep a sep kawmin Pasian
na zong ahih theih bangin sem hi.
Rev. Tom Carson pen a khantawn Piancikkam a zang
mite lakah nasem deuh khat hi a, RC pawlpi a thahatna mun-
a nasem ahi hi. A nupa-un lungsim kituak taka Pasian na
a sepsep laitakun 1980 khit lam, a kum uh a tam sim khit
lam ciangin a zi in Alzheimers disease kici khuak sung natna,
thuciapteh theih lohna natna hong ngah citciat hi. A zi khoi
kawm, thuhilh leh pawlpi dang khat ah piano tum thuah
kawmin om-a, 1989 kum Decembe ni- 31, ni, kum khen ni-in
a zi in sihsan hi. Amah zong a zi sih zawh kum 3 ciang, 1992
kum October kha 26 ni-in Topa in a nuntakna la-a, tua hun
sung khempeuh zong ahih theih zah-in Pasian thuhilhna leh
thugenna nei kawikawi hi.
Thu Pawlkhat
Laimai 200 zong a pha zo lo hih laibu sungah Dr. D. A.
Carson in a pa diary (nisim thuciamtehna) a gelhte leh amah
mah in a neulai thu a phawk laite bulphuh-in a pa Pastor Tom
Carson thu a nuai-a thupi pawlkhat hong gen hi.
1. Inn tampi sik ngiat-a a innvakna leh laikhak gelh-in Lai
Siangtho hawmkhia-a Roman Catholic pawlpi sunga om mite
Upna Laigil Vol .12, No.5
Yangon E8C
19
Sep - Oct , 2010
Jesu hong hotkhiatna lungdamna thu a hilhna;
2. Kum tampi sung mi a tam hetloh hangin a pawlpi nusia
hetlo-a a tuute hoihtak cinga a kepna;
3. Tamveipi tak mah zong lungkia dingin kithawi-a, amah leh
amah kisittel zel-a, a nasepna ah banghangin khanna om lo
hiam, ci-a a kidottel zelna;
4. Pastor Tom Carson nasep hun nunung lamah Pasian
in Quebec a pawlpite lakah khakhanlawhna tungsaka, a
nuntakna a hun nunung lam ciangin pastor khangno tampite
pantah-in tha a piak denna;
5. A tate mai leh a tate zakna peuhmah ah khatvei zong
kuamah gensia ngei lo a, a zi adingin pasal hoihpen, a tate
adingin pa hoihpen ahih nadinga a nuntak zia;
6. Kum 50 val nupa-a a tenpih a zi a damloh ciangin kum
tampi sung lungduai takin itna tawh a kep a khoina cih thute,
a etteh huai thu tampi kimu hi.
Kammal Pawlkhat
Dr. D. A. Carson in hih laibu sung thumapi pian-a a
gelh leh a thukhupna tungtawnin kammal pawlkhat ka gen
nuam hi.
Pastor pawlkhatte, Pasian in vangliatna pia a, pawlpi
adingin letsong lamdang mahmahte hi takpi uh hi. A mite
uh it uh a, Lai Siangtho siamin, amau tungtawnin mi tampi
piangthaka, a nasepnate un khang tampi huamin, khuahun
tawh kizui-in a nuntak theih zah khatun tuate uksa-in lah
om lo uh a, upna thu ah khauh mahmah-in a nuntakna uh
Upna Laigil Vol .12, No.5
Sep - Oct , 2010
Yangon E8C 20
kisek kikhal zo mahmah sawnsawn uh hi. Tua bang mite kuate
hiam ci-in a min a puam-in kong lawh loh hangin na theih uh
pawlkhat om-in na mitkha vuah hong suak zong pawlkhat om
pah kha ding hi, keimah bangin tuate nuntakna tungtawnin
hanthotna leh thathak ngahna na nei khin ngel ding uh hi.
Tuate lakah pawlkhatte bangin mi kim in a muh theih khol
loh veiina zong nei kha ngel ding uh hi. Tua bang lianin eite mi
thupi hi se lo-in ze-etna zong i thuak pah loh hangin, a beisa
hun-a tua bang mite hangin Pasian tung ah i lungdama, tu
laitaka Pasian zat mite adingin zong thu i ngetsak hi.
Ahi zongin, ei a tamzawte nasepna pen tua banga a
kilang vuavua munte hi khol lo hi. Pastor a tamzaw pen a tul
sawmsawm cih thadah mi a tul-a simte mai nangawn ah thu
a gen ngei khol lote i hi zaw hi. Mite sim nop ding laibu hoih
nono zong gelh thei khol lo, nasem mi tampipite pu zong
hi ngei lo, pawlpi sung mahmah ah zong khantoh zuaizuaina
zong i mu kha khol kei zaw hi. Pitek putekte peuh thunget
sak kawikawi lel, innvak dengdeng kawikawi lel, Lai Siangtho
hilhna leh thuhilhna teng peuh tawh i hun bei den zaw lel mai
hi. Pawlkhat bang a huh ding mel om lo ahih manin biakinn
nasep khawng amah ngiat peuh in a sem zong om mai a, tua
banga a khan theih khol lohna zong a nasepna mun hang
hiam, ahih kei leh amah mahmah zong a gina lo hi mai hiam,
ci-a a khentel zo lo, a ngaihsun kha zel zong ki-om tham hi. A
lawhcing keii, mi tampipi a ngah zuahzuah pastorate khawng
gal-et sim guaiguai pian-in, siapite thusinsakna mun
khawng ah va kihel zel, siapite thugente khawng va ngai
zel-in, lungdam sim sa-a thangah pianna khat leh a langkhat
ah tua mite lawhcinna khawng hazat nop giauguau kawma
ei kicin lohna khawng kiphawka ei leh ei i kihawmthawh hun
zong om tham lua hi.
Upna Laigil Vol .12, No.5
Yangon E8C
21
Sep - Oct , 2010
A taktakin ci leng i hihna bang taktakin kigen lehang
eite a tamzaw sia nennen hi zaw lel hang.
Rev. Tom Carson zong sia nennen khat hi a, tua sia
nennen pa in a nuntak sung tawntung Pasian adingin citak
taka a nuntakna, na a sepnate etteh huai, thangah huai tham
hi, ci-in ka mu hi.
Hih laibu a gelh lai-in Dr. Carson in a pa thu ciamtehna
bu tampi en-a a gelh hi-in, tua banga a kaihkhop sungin
ama nuai ah administrative assistant a sem Michael Thate in
Mangkam-a kigelh khempeuh kaihkhop pih-a, a tawpna ah,
Ni dangin Henry Martin khat (British translator leh India gam
lah Persia gam Muslimte laka missionary) ka suah nop den
hi ven, tun bel, na pa thuciamtehnate ka simsim teh tua ka
tupna sanga sangzaw tupna khat Pasian in hong pia ei: Cihtak
ngitnget ngiat ding tum ta ing. Ei mihingte leivui hi hanga,
ahi zongin hih diary-te sunga kiciamteh mipa leivui veve ahih
hangin eng mahmah ing hong ci hi, ci ngiat hi.
Pastor Tom Carson a sih ciangin a han tung ah Mangkam
leh Piancikkam-in, With Christ/Avec Christ ci-in gelhsak uh
a, tua in na khempeuh a khitna ahi hi. Pastor Tom Carson
pen a nuntak sungin a pawlpi vuah panmun sang pawlin zong
kikoih ngei lo hi; ahi zongin a nasepna mun Outaouais leh
tua kiim khempeuh-a mite in siapa in amaute bangzah-in it
takpi, cih teci pang den uh hi. A khan sungin laibu khat beek
gelh ngei lo hi, ahi zong tua Laibu (Lai Siangtho) it ngiat-in
Mangkam leh Piancikkam-in mun tampi lotngah ngiat hi. Hau
ngeilo, lian ngeilo hi, ahi zongin Pasian hehpihna sungah
nisim-in khangto-in picing semsem-a, Pasian tung pan zan-a
a san hehpihna tuni adingin kicingsa lo-in nisim-in hehpihna

Upna Laigil Vol .12, No.5
Sep - Oct , 2010
Yangon E8C 22
thak tawh nungta kalsuan den hi. Gamlapi a mu khol thei lua
mipil khat zong hi khol lo hi; ahi zongin vantung a mitsuan
gigen den khat ahi hi. Pawlpi sung khawng ah zong vaihawm
siam lua-in minthang khol lo hi; ahi zongin i Topa mahmah in,
Vaihawm na siam manun ka nungzuite na hih lam uh mite in
hong thei ding hi a cihna zong na om tuan samlo hi. A diary-
te i sim ciangin amah leh a mah cing zo kisa lo, siam zo kisa lo
a a khitui luanna tawh kidim-a, ahi zongin a tu a tate in amah
a nuihmai tiuteu den mi mkhat ahihna bek phawk den zaw
uh hi. A kam mahmah tawh a tate thu a hilh thei lua mahmah
pawl hi lo a, ahi zongin a nuntakna tawh lak zaw hi, ci-in a tu
a tate in mu thei uh hi. Thu thak khatpeuh a phuan sangin
kitotna piang kei leh, cih bulphuh den-a, ahi zongin tanglai-a
kipan a ki-um suksuk upna laigilte peuhmah bel khah kilkel
lo-in, nuntak gamtatna ah ahite a hi, ahi lote ahi lo, a ci den
khat ahi hi. A nasepna mun bel tangzaii khol lo a, ahi zongin
leitung bup huam-a kigelh laite sim den hi.
A sih ciangin zato inntual ah mi hon tampi om khol lo hi.
Newspaperte ah zong ama thu kigelh lo hi. TV ah zong suak lo
a, Parliament ah zong kam khat beek kikeek kha lo hi. Canada
gam in ama sih lam phawk kha lo hi. A sih laitakin a lupna
gei a inndei sung ah mi khat beek om kha lo hi.Oxygen bung
bek om-a, tua nangawn lah amah nak nawn lo ahih manin a
kisapna om nawn lo-a a phit sausau pong bek mah hi lel hi.
Ahi zongin gal khat lam ah pengkul kimut hi. Pasian
kumpi tokhom omna mun ah amah kilutpih a, tua banga a
kilutpihna zong amah mi hoih khat ahih man, mi thupi khat
ahih man hi lo-in, sisa nennen khat ahih man nangawn zong
hi lo a, a mawhna a kimaisak mi khat ahih man ahi hi. Pha
hi, a hoih a citak nasempa aw, na Topa nopna sungah tum
Upna Laigil Vol .12, No.5
Yangon E8C
2J
Sep - Oct , 2010
in ci-a a Topa kam pan a zak ding a lunggulh den a Topa aw
za takpi ta hi.
(September 27, 2010 ni a hong nusia Leilum EBC pawlpi sunga
sem Samuel Cin Khan Pau leh amah bangmah-a Pasian na
citak taka a sem khempeuh ka pahtawina hi. ZKK)
WWWWWWW
THU TUAMTUAM
LAIBU KINGAH THEITE
Hih laibute Yangon EBC Biakinn, CLC. 39
th
Street Yangon,
Tedim EBC Gambup Zum le ZCLS (Kawlpi) ah ki ngah thei
hi.
1. The Master Plan for the Church ( Dr. John MacAuthur)
2. Glimpses of Zomi Animism in Retrospect
( Dr. Thomas Sian Za Kham)
3. Pasian tawh ki thuuk kholhna (Rev.Thang Khawm Pau)
4. Pasian Hong Gupkhiatna
( Dr. Oswald J. Smith/ Dr. Go Za Kham)
5. Choir bu (Book 1)
6. Pahtawina Lathak ( Latomno bu)
7. Titus ( MacArthur )
8. I Timothy ( MacArthur )
9. II Timothy ( MacArthur )
10. Unleashing God's Word In Your Life ( MacArthur )
11. How to Study the Bible ( MacArthur )
12. Why Believe the Bible ( MacArthur )

(Editor.Upna laigil)
Yangon EBC. Yangon