Lom (8), Hawm ( 7)

ka pukna ding pan hong kem in la, kei tungah siatna gual zo sak kei in (Late 119:133).

September, 2013

beisa hunte-ah nungheikikin lungngaikik lehang a lunglenhuai, a khuangaihhuai video khat a enkik i bang ding hi. Minam khat le minam khat, phung khat le phung khat, beh khat le beh khat kido-in, phu kila-in, salin kimanin i om nate.. I paallai hunte i khua i tui ading, i gam i lei adingin zang kha lo-in minamdangte khut nuai, mun dang gam dang tuipi galkhat pekah it le ngaih tampite tawh khitui naptui nul kawmsa in kikhenin i om lai hunte Tai tul tampi kigamlatna pan innlam phawkin lungzuan luankhite tawh i om lai hunte. Khangnote tangthu, ngaihsun kha lehang bangtan sawt lai ding cih a kithei lo tangthu vui khat Tangthute i et kik ciang, mihingten hun khat khit hun khat liangko kikhelin vaipuak kinei to ciat hi. Hih vaipuak lianpite-ah mihingten a khangno hunlai mahun na sem uh cih i muthei hi. Tu khang hun ciangin mi a tamzawte lunggulh pen in Kikhelna change ahihi. Hun khat khit hun khat, khang khat khit khang khat ah hih Kikhelna a piangsakte i et leuleu ciangin zong Khangnote mah na hi uhi. Hih Kikhelna hong pian theih nadingin Khangnote lampi awn a lampi i honsak ding kisam hi. Tuma kum 73 lai-in [dkifvD a kici tembaw tungah a tuangsim (a sim tuan) Aung San(Feb.13,1915 in Natmauk suak, July 19,1947 in Yangon ah si) kici khangno khat, hih Kikhelna tawh Kawlgam hong tungkik dingin khensatna nei-a a zinkhia ahihi. Ama lungtang sungah Ni atum lo kumpigam langdo dingin hansanna tawh kidimin om hi. Tua hun laitakin ama kum, 25 hi-a khangno mahmah lai hi. Michael Collins (Oct.16,1890 in Woodfield, Sams Cross, County Cork, Ire ah suak, Aug.22,1922 in Beal-namBlath,Cork ah si) in kum 26 aphakin Mangkang kumpite thauvui thautang tawh alang do Irish (olykef)hong suak hi. Mangkang kumpite tawh thukikum dingin London khuapi ah apailai-in kum 30 phapan hi. A kum kik ciangin hih Irish galhangpa kisuam lum hi. A symphony masa penpen a phuahin music siam Mozart (Johann Georg Leopold Mozart, Nov.14,1719 in Augsburg, Germany ah suak, May 28, 1787 in Salzburg, Archbishopric of Salzburg,Austria ah si) kum guk pha pan hi. Relativity theory, amasa penpen laidal tungah a geel laitakin Albert Einstein (March 14,1879 in Ulm, Wuttemberg, Germany ah suak, April 18,1955 in Princeton, N.J.,U.S. ah si) kum 16 pha pan hi. Mihingte tangthu ah en kik lehang Kikhelna lianpite Khangnote tawh na kinahvawh hamtang hi cih pen kilangh mahmah hi. Khangnote a kithusim lohna, Khangnote mun akipiak lohna hun leh munte a Kikhelna te ah lametna zong om lo lel hi. Tua ahih manin Khangnote thapia-in i panpih ding kisam ding hi. Khangnotelo-in bang mah kikalsuan thei lo ding hi. I gam i lei-ah, i khua i tui ah, pawlpi sungah, i innkuan sungah Khangnote mah ma adin ding uh thupi hi. Thomas kum giat aphakin cidam khollo naupang no khat hi. A khuazakna zong hat khollo hi. A sangkahna ah a lawmte tawh tehkak lehang lai theihna ah zong aziakai den khat hi. A lawmte le a siaten zong nawngkai samai uh a ama tungah lungduai zo nawnlo uhi. Ni khat, Thomas sangpan hong ciah ciangin a khut ah laikhak khat hong ciahpih hi. Tua lai pen sang siapipa kiang pan laikhak ahihi. Lai theihhak man le lai azuih zawh loh mana sang pana hawlkhiatna lai ahihi. Tua bangin sang siapipa le siate in a hilh zawh nawnloh uh laitakin a lungkia lo anu na om a, anu in inn ah atapa theih theih ding laihilh dante ngaihsunin lai hilh hi. Atheih khak ngei loh lai hilh dante tawh lungsim nuamtakin Thomas in lai sinin lai hong sim hi. Ni khat ni ciangin Thomas hong si-a, America gambup in minute khat sung mei mit sakin zahtakna pia uhi. Hih pa pen mei-bulb(rD:oD:) a bawl pa, Thomas Alva Edison(Feb.11,1847 in Milan, Ohio, U.S. ah suak, Oct.18,1931 in West Orange,N.J. ah si) ahihi. Leitungmi billion sagih val lakah kum 10 pan 24 kikal khangno 1.8 billion bang ki-om hi 1.8 billion lakah 90% te akhangto san gamte pan hi. Tua khangnote sehnih suah sehkhatten nikhat in US- 2$ sang atamzaw lo bek tawh nisim nuntakna zangh uhi. Pilna sin hun ding angah zolo khangno awn 100 val om hi. Kum simin Numeino awn 16 ten tanei in nu dinmunah ding uhi. Second 3 sim in numei no khat ta in zawhthawh thutawh pasal nei uhi. Hih bang khangnote i huai ding, i kep ding nasep tampi i nei hi.- Editors

DIAMOND

un khat lai-in Africa gam a teng, lokhopa khat a ma tumtakin nuamsa-in lungkim takin nungta hi. Amah aneih bangbang tawh lungkim ahih manin nuamsa hi. Nuamsa ahih manin zong kungkim thei hi. Nikhat ni ciangin pilna nei khat a ma kiangah hong tungin diamond(pdef ) hoihna leh ahih theihna(akizattheihna) thute hong gen pih hi. Nang, diamond khutpi cia khat anei hi lecin khuapi khat bang ngaihzo ding hi ve cin; khuttum cia a pha khat bang nei lecin gam khat bang lei zo kha ding hi ve cin, ci-in genpih in paikhia vingveng hi. Tua ni zan mahin lokhopa hong ihmu thei lo pah hi. Nuam zong hong sa nawn lo-in a lung zong hong kim thei nawn lo hi. Nuamsa lel a alungkim theihna teng hong bei ta hi. Azing ciang a kipan a lo ciing zuak ding, a innkuanpihte hoihtaka a don theih nadingin diamond zon ding hong geel topah hi. Africa gamsung tengah kileh kawikawi-in azon hangin diamond neukhat beek mu lo hi. Europe gam sung teng zong azon hangin mu tuan lo hi. Spain gam hong tun ciangin a lungsim a pumpi hong gim mahmah ta banah a sum neih

teng zong hong bei phial ta hi. Alung hong nakkiat mahmah ahih manin Barcelona gun sungah tui tuak a sih ding hong ngaihsun ta hi. Inn hong tunkik ciangin a lo a leipan a lo lai-a luang lui gei-ah a kala-oh te tui na buak hi. Ni zang in tua lui kap khain lui sunga suang tung khat adet khak ciangin tua suang tung pan sakhi tuihuup meel bangin hong tang khia hi. Tua lo lei pan zong tua suang hoihsa-in ciahpih a, a leengla khan ah hong koih hi. Tua ni mahin pilna neipa hong tung kik a, tua suang hong mukha hi. Aman lo nei masa pa thu donga lo leipan atheikhak loh lam genin bang hanga hong dong na hiam ci hi. Pilna nei pan a genna ah, Hih suang diamond hi. Ken ka muh phetin diamond ahih le ahih loh thei ing, ci hi. Lo lei pa in, Hih takpi ding ai maw, hih suang luisung a katop hi lel. Hong zui ve. Hong lak ning, hih bangdan suang tampi tak om, ci hi. Amau gel lui-ah hong pai-in suangte hong la uh a, diamond ahih leh ahih loh hong en uhi. Tua suangte diamond takpi na hi hi.Tua lo ciingpi dimin diamond bekbek acre tampi a om ahih lam hong mukhia uhi. Eite ngaihsutna amaan ciangin eite diamond bekbek acre tampi tunga a om ihih lam hong musak hi. Hamphat na dinga hunhoih hunpha(opportunity) icihte atamzaw eite khenuai-ah a om gige ahihi. Mundang ah paikul selo hi. Eite kisap bulpi pen hamphat nadinga hunhoih hunphate ih muh theih ding bek ahihi. Hamphat nading hunhoih hunphate telkha lo-in i theih khak loh ciangin mihingten tua hamphatnaten kong hong kiuh kiuh pen nawikai peuh sa-in beng-ap huai peuh i sa thei hi. A kibang hamphatna in nih vei kong hong kiu ngeilo ding hi. Hong kiuh kik phial leh zong tua pen a hoih zaw zong hi thei dinga, ahih kei leh a sia zaw zong hi thei ding hi. Ahi zongin amasa tawh a kibanglian hamphat nading hunhoih hunpha bel cihmah hunin hi ngei nawn lo ding hi, cih hih tangthu tom sung pan i sin ding ahihi. (The Best English No.166, April,2013 pan kila hi.-Editors) PASAL PHA TAPA KHAT HONG GUAN IN THU TUAMTUAM
Topa aw, Pasal pha Tapa khat hong guan in: A thaneem laitak hunin thakhauh ding a kisaplam leh lauthawnhuai ciangin hangsan takin nawkngam zawk ding ahihlam a phawk thei; thumaanna tawh a guallelh hangin angtang zaw-in a kuun tuanlo, a gualzawh ciangin zong kisial tuanse lo-in a dik hithiat lel hi ding. Tapa kician hong guan in: Ama deih leh lunggulhna ah a sep ding nelhsiah tuan lo-in; Nangmah hong tel theihna leh amah leh amah a kitelciatna in pilna kipatna bulpi ahih lam athei hi ding. Hong ngen ing Topa aw: A baihlam leh a nuam lampi bek tawnsak ken la, haksatna leh a phamawh vaite in toto-in a nawknawk den zaw hi hen. Haksatna huihpi in a nawk ciangin ding tentan zo-in, a puukte zong lunghimawh theisak in. A lungsim siangtho-in, a tupna sang hi hen la; midangte a ukzawh sawm ma-in amah leh amah a ki-uk zo masa zaw tapa hisak in. Mi lungnuam sakin nuihsiam hen la, kah kulna-ah zong mangngilh tuan kei hen; mailam thu saupi khual kholin, abeisa hunte zong mangngilh tuan kei ta hen. Hih bangteng a neihkhit ciangin, kong ngetnop lai ah: Miten a thupisan tawntung theih nadingun gensiam hen la, amah lah thupilua kisa ngei kei hen. Kiniamkhiatna tawh mi maingapna in thupitna leh liatna tatak hi-in, mite ngaihsutna sansiamna in ciimna tatak ahih lam leh a hat tatakte migi zaw uh hi cih theisak in. Tua bangin hileh, Kei, apa in, Ka nuntakna mawksuak hetkei ei ci-in ka kihuau siausiau sim ding hi.
(Galkap-mang General Douglas Mac Arthur in a tapa Arthur ading a lunggulh thungetna ahi A soldiers Prayer for His Son cih lai-a gelh pen Khangnote adingin ei Zokam in a kilawm a kituakin Ngalliam in a letkhiat ahi hi. Ed.) Zolus Journal No.15 Laimai 184 pan kila hi.

Gambup mission nasepna gah ahi Phai EBC pan mi 5 te July 28,2013 ni-in Rev. Lian Do Nang in tuiphumna va nei hi. September 2-9,2013 sung Sawbuayeshin ah gambup missionte in camp nei ding uhi cih thu kiza hi. September 12,2013 ni-in Tedim EBC biakinn ah mission nesepnasate le mailam kalsuanzia ding kikupna nei ding uhi. GS le mission secretaryte Sept.7-8,2013 sung Tamu EBC pawlpite van dingin zin ding uhi. August 25, 2013 ni-in Gambup zum pan Rev. Gin Sian Thang AGS, Sia Pau Sawm Thang EBCYD leh Sia Kai Mung Pastor-Saizang EBC te kithuahin Laaitui EBC ah pawlpite van in va pai uhi. Tedim EBC Senior Pastor Rev. Nang Lyan Kap leh sianu Sept. 6 - Dec.6,2013 sung US ah deputation pai uhi. Bo Pau Khan Lal (Vice President- EBC Gambup, TreasurerTedim EBC) pumpi damlohna hangin Zangkong ah zato zuanin om ahih manin thungetna ah phawk ciat ni. LbEBC pawlpite in Kawlte lakah Pasian nasem nuam mikhat tawh kithuahin Pasiann nasep ding geelna nei uh a, EBC pawlpi tawh kizom LST sangte pan sang mankhin a veina anei ten Sia Pausawm tawh na kithuza un. Rev. Nang Za Thawn makai-in sia/siama 5 in Sept.2,2013 ni-in Sophia Academy kici Christian sang khat hong uhi. Tan lang pan tan kua dong laikung laidal sikh-in Christian Zia le Tong tawh khantoh nading, English khantoh nading le kumpi sang pan sanglaite a zawh nading uh deihsakna tawh pantah uhi, cih thu kiza hi. Rev. Nang Za Thawn in mawtaw hoih mahmah nih(Toyota Hulux Surf khat le Hyundai Light Truck khat) lei hi cih thu kiza-a i lungdam pihna i pulak hi. November kha bul lamin Dr. Neng Khan Thang makaihna tawh Saizang khua ah Crusade kinei ding ahih manin thungetna ah phawkciat ni.
Tu kha laihawmna ah abei teng Upa Hang Do Dal (PresidentTedim EBC) te innkuan in hong sikh uh ahih manin lungdamna lianpi i ko hi. Laihawm tawh kizop nading
EBY Newsletter EBC biakinn, Myoma, Tedim Phone : 070 50118 Sia Nang Sian Dongh - Asst. Pastor, Berean EBC Phone : 09400464881 Email :ebynewsletter@gmail.com http//ebynewsletter.blogspot.com

THOUGHTS OF THE MONTH

By medicine life may be prolonged, yet death will seize the doctor too. Zatui zaha te tawh nuntakna akisau saktheih hangin sihna in siavuante nangawn manin samthei hi. The fool thinks he is wise but the wise knows him self to be a fool. Mihai khat in amah leh amah pilna nei kisa thei hi. Mipil pan ahih leh amah le amah mihai khat hing cih thei hi. Wealth is like sea-water, the more we drink, the thirstier we become, and the same is true of fame. Neih le lamh i cih in tuipi tui tawh kibang hi. Dawn lehang i dangtak tektekin dangtak pha thei lo hi. Minthan nopna zong tua mah tawh kibang hi. Where there is no property there is no injustice. Neih le lam bang mah a om lohna munah thuman lo cih bang om lo hi.

Editors
Sia Nang Sian Dongh, Kim Go Lian & EBY Literature Committee

Copies 600
Art & Literature committee Evangelical Baptist Youth, Tedim pan kihawm khia hi.

(Limited Circulation)