Sundara kanda Nirnaya of MBTN (7th Chapter)

OM ||

rAmAya shAshvatasuvistR^itashhaD.hguNAya sarveshvarAya

sukhasAramahArNavAya (balavIryamahArNavAya) |

natvA lilaN^ghayishhurarNavamutpapAta nishhpID.hya taM girivaraM

pavanasya sUnuH || || 7-1 ||

chuxobha vAridhiranuprayayau cha shIghraM yAdogaNaiH saha

tadIyabalAbhikR^ishhTaH |

vR^ixAshcha parvatagatAH pavanena pUrvaM xipto.arNave

girirudAgamadasya hetoH || 7- 2 ||

syAlo harasya giripaxavinAshakAle xiptvA.arNave sa

marutorvaritAtmapaxaH |

haimo giriH pavanajasya tu vishramArthamudbhidya

vAridhimavarddhadanekasAnuH || 7-3 ||

naivAtra vishramaNamaichchhadavishramo.asau
niHsImapaurushhaguNasya kutaH shramo.asya |

Ashlishhya parvatavaraM sa dadarsha gachchhan.h devaistu

nAgajananIM prahitAM vareNa || 7-4 ||

jij~nAsubhirnijabalaM tava bhaxametu yadyat.h tvamichchhasi

tadityamaroditAyAH |

AsyaM pravishya sapadi praviniHsR^ito.asmAd.h

devAnanandayaduta svR^itameshhu raxan.h ||7-5||

dR^ishhT.hvA surapraNayitAM balamasya chograM devAH

pratushhTuvuramuM sumanobhivR^ishhThyA
 tairAdR^itaH punarasau viyataiva gachchhan.h chhAyAgrahaM
pratidadarsha cha siMhikAkhyam.h ||7-6||

laN^kAvanAya sakalasya cha nigrahe.asyAH sAmarthyamapratihataM

pradadau vidhAtA |

chhAyAmavAxipadasau pavanAtmajasya so.asyAH

sharIramanuvishya bibheda chA.ashu || 7- 7 ||

nissImamAtmabalamityanudarshayAno hatvaiva tAmapi

vidhAtR^ivarAbhiguptAm.h |

lambe sa lambashikhare nipapAta laN^kAprAkArarUpakagirAvatha

saJNchukocha || || 7-8 ||

bhUtvA bilALasamito nishi tAM purIM cha prApsyan.h dadarsha

nijarUpavatIM sa laN^kAm.h |

ruddho.anayA.a.ashvatha vijitya cha tAM svamushhTi pishhTAM

tayA.anumata eva vivesha laN^kAm.h || 7- 9 ||

mArgamANo bahishchAntaH so.ashokavanikAtaLe |

dadarsha shiMshapAvR^ixamUlasthitaramAkR^itim.h || || 7- 10 ||

naralokaviDambasya jAnan.h rAmasya hR^id.hgatam.h |

tasya cheshhTAnusAreNa kR^itvA cheshhTAshcha saMvidaH || || 7-

11 ||

tAdR^ik.hcheshhTAsametAyA aN^gulIyamadAt.h tataH|

sItAyA yAni chaivA.a.asannAkR^itestAni sarvashaH || || 7- 12 ||

 bhUshhaNAni dvidhA bhUtvA tAnyevA.asa.nstathaiva cha |

atha chULAmaNiM divyaM dAtuM rAmAya sA dadau || || 7- 13 ||

yadyapyetanna pashyanti nishAcharagaNAstu te |

dyulokachAriNaH sarvaM pashyantyR^ishhaya eva cha || || 7- 14 ||

teshhAM viDambanAyaiva daityAnAM vaJNchanAya cha |

pashyatAM kalimukhyAnAM viDambo.ayaM kR^ito bhavet.h || || 7- 15

||

kR^itvA kAryamidaM sarvaM vishaN^kaH pavanAtmajaH |

AtmAvishhkaraNe chittaM chakre matimatAM varaH || 7- 16 ||

atha vanamakhilaM tad.h rAvaNasyAvalupya xitiruhamimamekaM

varjayitvA.a.ashu vIraH |

rajanicharavinAshaM kAN^xamANo.ativelaM muhuratiravanAdI

toraNaM chA.a.aruroha || 7-17||

athAshR^iNod.h dashAnanaH kapIndracheshhTitaM param.h |

didesha kiN^karAn.h bahUn.h kapirnigR^ihyatAmiti || 7-18||

samastasho vimR^ityavo varAddharasya kiN^karAH |

samAsadan.h mahAbalam.h surAntarAtmano.aN^gajam.h || 7-19||

samAvR^itastathA.a.ayudhaiH sa tADitashcha tairbhR^isham.h |

chakAra tAn.h samastashastaLaprahArachUrNitAn.h || 7-21||

punashcha mantriputrakAn.h sa rAvaNaprachoditAn.h |

mamarda sapta parvataprabhAn.h varAbhiraxitAn.h || 7-22||

balAgragAminastathA sa sharvavAksugarvitAn.h |

nihatya sarvaraxasAM tR^itIyabhAgamaxiNot.h || 7-23||

anaupamaM harerbalaM nishamya rAxasAdhipaH |

kumAramaxamAtmanaH samaM sutaM nyayojayat.h || 7-24||

sa sarvalokasAxiNaH sutaM sharairvavarshha ha |

shitairvarAstramantritairna chainamabhyachAlayat.h || 7-25||

sa maNDamadhyakAsutaM samIxya rAvaNopamam.h |

tR^itIya eshha chAMshako balasya hItyachintayat.h || 7-26||

nidhArya eva rAvaNaH sa rAghavasya nAnyathA |

yadIndrajinmayA hato na chAsya shaktirIxyate || 7-27||

atastayoH samo mayA tR^itIya eshha hanyate |

vichArya chaivamAshu taM padoH pragR^ihya pupluve || 7-28||

 sa chakravad.h bhramAturaM vidhAya rAvaNAtmajam.h |

apothayad.h dharAtaLe xaNena mArutI tanuH || 7-29||

vichUrNite dharAtaLe nije sute sa rAvaNaH |

nishamya shokatApitastadagrajaM samAdishat.h || 7-30||

athendrajinmahAsharairvarAstrasamprayojitaiH |

tataxa vAnarottamaM na chAshakad.h vichAlane || 7-31||

athAstramuttamaM vidheryuyoja sarvadushhshhaham.h |

sa tena tADito harirvyachintayannirAkulaH || 7-32||

mayA varA vilaN^ghitA hyanekashaH svayambhuvaH |

sa mAnanIya eva me tato.atra mAnayAmyaham.h || 7-33||

ime cha kuryuratra kiM prahR^ishhTaraxasAM gaNAH |

itIha laxyameva me sa rAvaNashcha dR^ishyate || 7-34||

idaM samIxya baddhavat.h sthitaM kapIndramAshu te |

babandhuranyapAshakairjagAma chAstramasya tat.h || 7-35||

atha pragR^ihya taM kapiM samIpamAnayaMshcha te |

nishAchareshvarasya taM sa pR^ishhTavAMshcha rAvaNaH || 7-36||

kape kuto.asi kasya vA kimarthamIdR^ishaM kR^itam.h |

itIritaH sa chAvadat.h praNamya rAmamIshvaram.h || 7-37||

 avaihi dUtamAgataM durantavikramasya mAm.h |

raghUttamasya mArutiM kulaxaye taveshvaram.h || 7-38||

na chet.h pradAsyasi tvaran.h raghUttamapriyAM tadA |

saputramitrabAndhavo vinAshamAshu yAsyasi || 7-39||

na rAmabANadhAraNe xamAH sureshvarA api |

viriJNchisharvapUrvakAH kimu tvamalpasArakaH || 7-40||

prakopitasya tasya kaH purasthitau xamo bhavet.h |

surAsuroragAdike jagatyachintyakarmaNaH || 7-41||

itIrite vadhodyataM nyavArayad.h vibhIshhaNaH |

sa puchchhadAhakarmaNi nyayojayannishAcharAn.h || 7-42||

athAsya vastrasaJNchayaiH pidhAya puchchhamagnaye |

dadurdadAha nAsya tanmarutsakho hutAshanaH || 7-43||

athAsya vastrasaJNchayaiH pidhAya puchchhamagnaye |

dadurdadAha nAsya tanmarutsakho hutAshanaH || 7-43||

dadAha chAkhilaM puraM svapuchchhagena vahninA |

kR^itastu vishvakarmaNo.apyadahyatAsya tejasA || 7-45||

 suvarNaratnakAritAM sa rAxasottamaiH saha |

pradahya sarvashaH purIM mudA.anvito jagarja cha || 7-46||

sa rAvaNaM saputrakaM tR^iNopamaM vidhAya cha |

tayoH prapashyatoH puraM vidhAya bhasmasAd.h yayau || 7-47||

vilaN^ghya chArNavaM punaH svajAtibhiH prapUjitaH |

prabhaxya vAnareshiturmadhu prabhuM sameyivAn.h || 7-48||

rAmaM sureshvaramagaNyaguNAbhirAmaM samprApya

sarvakapivIravaraiH sametaH |

chULAmaNiM pavanajaH padayornidhAya sarvAN^gakaiH

praNatimasya chakAra bhaktyA || 7-49||

rAmo.api nAnyadanudAtumamushhya
yogyamatyantabhaktiparamasya vilaxya kiJNchit.h |

svAtmapradAnamadhikaM pavanAtmajasya kurvan.h

samAshlishhadamuM paramAbhitushhTaH ||7-50||