Assalamu Alaikum Warahmatullahi Wabarakatuh

Allahu Akbar, Allahu Akbar, Allahu Akbar

Allahu Akbar, Allahu Akbar, Allahu Akbar
Allahu akbar, allahu akbar, allahu akbar,allahu akbar kabira
walhamdulillahi katsira, wasubuhanallahi bukrataw waasila lailaha
illahlahu wallahu akbar allahu akbar walillahil hamdu
Alhamdulillahi rabbil alamin nahmaduhu wanastainu wanastagafiru
wanausdzubillahi minsururi ampusina wamin saiati ammalina
manyahdillah fala mudillalah waman yudlil falahadialah
Asyhadu allailaha illlahlah...............
Allahumma salli ala saidina muhammad .............
Amma ba’du fayaibadallah hittakulla hakkatukatihi wala tamutunna
illa waantum muslimum
Fakallahu taala filkitabil karim ....
Ausu.............
Bismillah rahmanirahim
Innaa a’thoinaa kal kautsar Fasholli lirobbika wanhar
Inna syaani,aka huwal abtar....... sadakallahul azim
Allahu Akbar, Allahu Akbar, Walillahil Hamdu
Hadirin tau toa kammayatompa saribattang tunipakalabbirikku
ngaseng niaka hadere, jamaah idul Adha yang isyaaallah dimuliakan oleh
Allah SWT
Alhamdulillah ri anne allo malabbirika ilalang rimassing sulengka
rapa masungguta riempoang tappere sajadah mate’neta, sangkamma uru
kana panyungke bicara taena kana kaminang malabbiri maka nasiratan
nipabuang, kanang napaleto lila nakipandallekangngan mange ero
kalompoanna karaeng allahu, SWT. Passangngali pammuji tamatapputta
mange ri ia karaeng ampajariai lino lollong bonena, ia karaeng se’re
nakijai sombai, ia ji karaeng se’re naki jai pappalakki, karaeng ansareaki
ala siapayya jaina nikmat iya takulle nirekeng.

IYYAKANA’BUDU WAIYYAKA NASTAIN

Artinya ; iaji karaeng kisomba, siagang ia tongji karaeng
kipappalatulungi.
Ri anne alloa, allo masarro malabbiri allo pa’lappassang Idul Qurban
Apaji narirewasa baribbasaka anne teanamo rannu siagang sukkuru
anjorenganna nasaba niatta inja massing nakataderang karaeng allahu taala
poro assibuntulu sicini rupa ri allo palappassang idul Adhaya, natantuna
taena maraeng kabattuanta ri tampaka anne poro ampabukti kamma tompa
massing anjareki panna’galatta mange riotere tamattapu’na karaengmang

1
allahu SWT. Siratang ki massing sukkuru nalanri gassinnaja tubuta’
salewangan batang kale tana leyo salibanra, rannu massing atinta, ci’nong
mamo massing pa’maitta tangkasa massing nyawata andallekang ri
Allahtaala. Sanggenna anne kamma taenamo sukkuru panjorenganna na
lanre niatta anrapikangi allo lompota, allo malanyinga, allo pa’lappassang.
Assere maki anne kima ma’rannu rannu ngaseng nalanre niatta
anrapikangi bulan ajjia atau biasa ni pau Idul Qurban dimana di bulan ini
ada dua perintah Allah yang di perintahkan khusus kepada umut islam
yang mampu atau niaka pakkulena yaitu :
1. Menunaikan Rukun Islam Yang ke-lima yaitu menunaikan ibadah
Haji di Baitullah.
2. Perintah Allah kepada Nabi Ibrahim As. Melalui mimpinya unuk
mengorbankan Anak semata wayannya.
Allahu Akbar, Allahu Akbar, Walillahil Hamdu
Riwattu nia’na ni sisi bannang ejaya ri pammubanna alloa iraya na
ta’simbara mo rupanna rupa taua, na ta’bayang tommo muri murina
napake tommi pakeang beru ni bungasa na kitasawe tasampang mo
massing attakabere appakalompo rikaraeng allahu SWT siagan kalima
pappakalompo Allahu akbar, allahu akbar, allahu akbar walillahil hamdu.
Salawa’ barisallang pappasalama mae rinabbita Muhammad SAW ia
nabbi ni utusuka Allah Taala poro anggerangan ki pappilajaran, pappijojjo,
kasalamakkan lino sanggenna akhirat ia ma’nanunganga selama lamanya
Ehh ... karaeng ri nabbiku ji muhammad SAW ma’nannungan butti
panggainku arenna mami ku sa’bu-sa’bu ilalang salawa’, kitarimai karaeng
sallang pappakatinggiku ri ia
Maeki naki jarreki tappatta nakipoto tamaroka nakipare pattagallang
puli-puli, pammanjengan tamalesso, patumpa tamammacu, tamallayu
ribantungan, tamasayu ri panggoda, tamammayu riarusu, tamasoleng ri
galluru bombang, naki nia’ mo ero jappo ri katojengan taero bentere ri gau
baji, kakuntungannamo le’lese tembang jappo ilalang karangjeng kala
lesseka manna sijji jangka battu ri kalimat lailaha illallah
muhammadarrasulullah
Sa’ra takaberre anne alloa kamma bara’ lompo pammarunna,
gunturu’ pangulappana, su’ruki nai’ rilangi tujua lonjo’na mannarrusu nai’
ri ARSY KURSIA, manna anginga tammiri, leko kayua tammungkiri,
rammanga tama’ lolo’, monconga iraya ammengteng akkajampuli sannang
pippiri’, appilangeri takabbere.
Allahu Akbar, Allahu Akbar, Allahu Akbar Walillahil Hamdu.
Hadirin tau toa kammayatompa saribattang tunipakalabbirikku
ngaseng niaka hadere.

2
 Iami anne takabbere pappakalompo lamangngerang dingin dingin
mappabattu simpun ri pamaitta iaminne takabbere namapaenteng bulu-
bulu nasaba allasaki antama ribuku ilalang dudua. Inaimo tau kapang
tadingin dingin pa’mai’na nasaba ikatte niarenga tau toa iareka anrong
mangge tumannganakkang ia niakamo nibokoi riana jari taunna, tantu
massing nakku maki rianatta, naki massing ngu’rangi tommo ikatte
nikanaya anak ri anrong tumangnganakkanna nasaba mungkin risitaung
allaloa nia inji kiangang a’rurung mange ripa’lappasanga. kilangngere inji
sa’ra takabe’rena assiampi injaki ammempo bahkan sipautungi bongga
injaki naki akcarita sikakali, anne alloa sarranna taki langngerek bialona
taki cini na saba niakmi ammaliang sannang ilallang kuburu. Niakmi
takkimbolong ri battanna buttaya, maddolangang ri bori mabellayya ri
kampong angja. Natasimbangmo ri tamparang tamabombanna akhera na
talengu tommo ri bulu tingginna anja, kamase mase maki paeng na saba
niakmaki kukang lakpasa kamase. Apaji nariannemo alloa na
tanasa’ringamo anrong mangge tumanganakkanga kammayya tompa
anakukang lappasaka nanakanamo kemaimi anne ibapak siagan iyamma
na ikatte tonja angkana a’lampa ji a’danggan ri balikpapan. Na lappasami
anne tawwa na taena ammotere angerang baju beru kodina paeng
nikanayya anakukang lappasa kamase.
Lanri kammanami anjo narirewasa baribbasaka anne naki massing
parallumo ikatte nikanayya anak mangurangi maki ri pa’katuana Tautoa
anrong manggeta naki massing ki nawa-nawa tommo kalepe
pappakatutuna ammatta ri gau lattang banggia. Nasaba’ punna nia’mo
abboko tau toata aule tenamo antu potersnganna passangngalinna sassa
lalantaji antu naki tungguan nampa sa’salalanga tunggunna tena memamng
ja antu na riolo mingka riboko tongji mangjina’ mappilannassi na rampe
nabbita Muhammad SAW angkanayya pangamaseanna Allah taala niaki
battu pangngamaseanna ruaya tunganakanna, kamma tongji sebaliknya
pangalarroinna Allah taala niaki battu napassabakki pangngalarroinna tau
toayya.
Allahu Akbar, Allahu Akbar, Allahu Akbar Walillahil Hamdu.
Hadirin tau toa kammayatompa saribattang tunipakalabbirikku
ngaseng niaka hadere.
Lanri kammanami anjo ilalang nia’na injapa attalasa’ tau toata maeki
naki massing appala popporo naki massing ki bau limanna anrong
manggeta, bahkan punna parallu ki sujjuki bangkenna nalanri niatta
akkasu’mang kalenta dosa ri ia. Ri annemi alloa naki u’rangi tommo
panggaukanta mange ri anrrong manggeta ri wattu le’bana massing ki
ga’gara ta’bentang manggeta, naki massing kinawa nawa tommo ri wattu

3
le’ba ambali takamma kamma ammatta, naki kusu’mang tommo ri kalenta
ri watunna kisare kana ta’liwa liwa ammatta naia saba naki pasolong je’ne
matanna iamma siagan ibapak hanya gara-gara tenanaja nanasareki
pammalli chip iareka baju pa’lappassang kasipa’gan anak anaka pacapaki
na barani gau pammatinna pacapa siagan barani gau na la’bangmi tawwa
najamakki nanapa’palapoppori nampa ammana siagan manggena tena
memang pa nah pa’palapoppori. Kiu’rangi baji-baji paruntu kananna tau
toata angkanayya teaki pacapa tea tongki barani gaukki aule mallaka
saribattang gassing kah passabakkan pacapatta ji siagan barani gautta naki
sassala kalenta. Bahkan nia anak punna larro ri tau toana a’lampa ji
nasikamma tanapawwang tau toana kamae pammirona, kiu’rangi baji baji
angkanayya riwaktunta antu a’lampa pa’risi ki nyawana antu ammatta
annawa nawaki ri lampanta, rosomi iayamma na pasabakkan pa’risi
pa’mai annawa nawai panggaukanta gara gara pa’risi nyawana iyamma na
tu’guru garring napakamma pa’risi pa’mai mallaka saribattang ri wattu
niattamo ammotere ri balla ta, untuk assibuntulu ammatta na ruppai ki
saribattanta kammayya tompa bija pammanakanta siagan karru nasaba
iayamma niami mammulu wara tama kana-kana ni kiomi ri ero
kalompoanna Allah taala naudzubillahi min dzalik tena laloja na kajarian
anne kammayya ri kampong pa’rasanganta anne.
Allahu Akbar, Allahu Akbar, Allahu Akbar Walillahil Hamdu.
Hadirin tau toa kammayatompa saribattang tunipakalabbirikku
ngaseng niaka hadere.
Niak tommo ri anne alloa, naloloki pakkasia dinging dinging niakmo
bura’ne empo ilalang ballakna na battui simpung dinging dinging pakmai
anglangngere sa’ra takabbere alliang liang mattanga langi tu’guru
pangngaseanna ri baenenna tu’guru je’ne matanna ka ri sitaunga niak inji
sipakrurungang mingka anne kamma tenamo na sicini’ siparurungng na
saba niaknami aklamapa ri angjayya taena nalekba situmpa kana ri rewasa
si leporanna, akpirau mi anakna ri tunggala tunggala tongtonganna
mangkere je’ne matanna makkanamo O.. oh amma palla’ tojenna nyawata
ma’boko tamasssaile, anne alloa inakke mami namangngeku tallasa empo
kasi-asi kurapangi bulaeng ti’no tallasakku amma, riwattungku kileporan.
Na anne alloa paria tallasakku. Ni’tommo podeng baine beru ammoterang
bura’netunangainna, teami anne kamma ripa’lapassanga teanamo
nasiagadang. Teanamo na jannang tinronna, tassipa’ angngarea, ammepoi
naung tassunge’nge antappeasaki urusu’na angkerei je’ne matanna,
appirau rau nau’rangi riwatunna siliporang bura’nenna. Appiraumi atinna
ri bangnginna pattakaberanga. Na nakanamo kodina padeng nikanaya
empo tuna, tallasa tasileporang bura.ne kammaki bedeng pacce tana emba

4
lading. Apaji naikatte saribattang ia tallasaka inja sikalabini nia’laloki
sakatutui naki tea ma’ring si bawang-bawangngang, sikatutuki tope,
kisisassa’ mole-mole saba taena antu parekanna maloloa.
Allahu Akbar, Allahu Akbar, Allahu Akbar Walillahil Hamdu.
Hadirin tau toa kammayatompa saribattang tunipakalabbirikku
ngaseng niaka hadere.
Ri anne bulang ajjia sipa’gan umat islanga ia niaka pakullena ni
sarea pakkalabian balanja ri tallasana, ni sarea dalle siagan pakulle battu ri
Allah Taala niaki ni wajibkan anggaukangi rokkonna Islanga Maka
limayya iayami antu melaksanakan Haji ri Baitul Haram, risubangngi
salapanna bulanga, bulan Haji ya Sikamma Jamaah Hajia Nia ka
akkumpulu ri Padan Harapa, ampassukuki Ibadah Haji nah untuk
anggappai Haji Mabbrul, na boyai nanatuntungi janji nah nabi tah
Muhammad SWA ri nakanna
“ALHAJJU MABRUR LAISA LAHU JAZAA AN ILLAL
JANNAH”
Artinya : na ia hajji ni tarimayya taena maraeng pa’balasa’na iami
antu suruga.
Kemuadian serangkaian pelaksanaan hari raya Idul Adha na
parentanki Allah Taala untuk akkoroban ri sesena tau niakah pakkullena,
anne parentayyah battu ri se’rea nabbi Ibrahim As siagan keluargana.
Nabi Ibrahim As ni parentangi ri Allah Ta’ala untuk ansamballei anakna
Ismail poro ajjari Korobang. Se’re ujian malompo dudu, tenayya rapanna,
appaka lanna’ lannasaka, appaka si’na si’nayya siagan appaka dingin
dingin pa’mai

Sa’gaki naki pacce punna ki nawa nawa pengorbananna nabi Ibrahim As.
Se’re paccoba ri wattu anggapanna parenta untuk ansamballei ana’na
iyami antu Ismail As. Sangkamma korobang. Ana’ si tau tau, ana’ salloa ni
antalai kaniyakanna na saba’ anjo nabi Ibrahim towami na taena memang
ana’na, sanggenna appalaki ri Allah Ta’ala anak shaleh ana’ baji ampe,
tutu ri panggaukang, sangkamma kananna Allah Ta’ala ri Al-quranga
angkanayya

RABBI HABLII MINASHSHALIHIN

E.......karaengku Allah Ta’ala sare tonga anjo mae anak shaleh bajika ampe
ampena, sanggenna ni tarimai pappala’na ri Alla, nabi Ibrahim ni
pakarannu rannui nipadongkoki ana’ mannaba, baji ampe, masarro
masabbara’. Turu ri nakananna

5
 FABASYSYARNAAHU BI GHULAAMIN HALIM
Kupakarannu rannui nabbi Ibrahim As nasaba anak shaleh masarro
mannaba na sa’bara
Ri nia’namo akkale rungka nabi Ismail As ni so’nami ri manggena ri
lalang tinrona ni soro samballe koroban Ismail ri Allah Ta’ala. Apaji na
bangunmo nabi Ibrahim As ri tinrona na makkuta’nang ri anakna
assiernggi je’ne mata, angkannayya

YAA BUNAYYA INNII ARAAA FIL MANAAMI ANNII

ADZABAHUKA FANZUHUR MAADZA TARAA....

O...... anakku Ismail, cahayana ko matanku, rapponnanko atinku,

parammata tamalajjuku, cincin tamaonaku, runtung keloro nyawaku ana’,
ru’rusu’ rappo atinku ri wattu lantang banngia kuso’nako ku samballe
ana’tangaraki baji baji ante kamma panggappanu

Apaji nasaba’ nabi Ismail As anak Sabbara naturu ri tau toa, ana’
appilangeri , tarrusu’ langsung na puali bapa’na angkannayya

QAALA YAA ABTIF’ AL MAA TU’MARU SATAJIDUNII

INSYAA ALLAAHU MINASHSABIRIN.

E.... manggeku inakke ana’ lebbaja taena, ka ikatte passabakkan naku nia’,
kigaukangi apa niaka naparentangki Allah Ta’ala Inysaallah kicini ji antu
kasa’baranku.

Seperti halnya St. Hajar sewaktu mendengar bahwasanya Allah

memerintahkan nabi ibrahim untuk menyembeli anak semata wayannya
Ismail, beliu tidak berpikir panjang kemudian menyetujui perkataan
suaminya, manna mamo pacce nyawana, simpung pa’mai’na na lanri na
u’ranginna pakkatuana, pammarakainna ri wattu caddi caddina ana’na.
Nasaba parenta battu ri Allah Ta’ala apaji nappualimo, e... bura’nengku
punna memang yakinki ankana parenta battu ri allah Ta’ala ki gaukangi,
tea’ maki bata batai, teamaki rangga selai, insyaallah laccuki nyawaku,
rellai atinku, manna mamo anjo anakku sanna kungainna.
Hadirin jamaah Idul Qurban yang berbahagia.
Akan tetapi semua ini adalah ujian dari Allah SWT maka ketik Nabi
Ibrahim lulus dari al balaaul mubiin ( sebuah ujian yang nyata ) maka
Allah SWT memberikan balasan yang amat mulia kepadanya. Maka di

6
gantilah nabi Ismail dengan seekor kibas yang besar, maka jadilah syariat
untuk kita umat islam dalam hal ber-Qurban.
Akkorobanga sangkamma se’re parenta ri sesena tau niyaka pakkulena
ajjari tanda skkuru siagang panggainta mange ri Allah Ta’ala
Nakana Allah Ta’ala ri quran malabirina

Innaa a’thoinaa kal kautsar Fasholli lirobbika wanhar

Inna syaani,aka huwal abtar.

Artiinya : sitojeng tojenna labba’ ku sare mako pappinyamang majai

dudu , apaji na nu antenganmo sambayanga nampa akkorobangko.

Ri anne sejarahna nabi Ibarahim As. Siagan keluargana na

paccinikangki Allah Taa’ala ri gau’ nia’na assamaturu’ antara se’renga
mangge, anrong siagang ana’ ilalang anggaukanng parenta ambokoi
pappisangka. Siagan pole ajjari pappilajarrang ri katte ngaseng
angkanayya anne tallasaka ujianji. Ujianna Allah Ta’ala akkullei berupa
kasannangngang siagan akkule tongi berupa kasusang tallasa’
kasannangnganga saiagan kasusanga iaji anne napasile’basa Allah Ta’ala
ilalang niyatta tallasa. Nabi Ibarhim sebagigai pemimpin dalam rumah
tangganya tena nabaku ero’ selalu dengan msyawarah untuk mencapai
mufakat. Hikma akkulea ajjari pappilajaran ri katte ngaseng.
e........sikamma tunipakalabbirikku tau toayya
kepa’jari lalo kalenta carammeng lompo, contoh mabaji, gau
mannaba, ri anak jari taunta, nanaturukukiki sikamma gau bajitta, ki
pa’cinikangi anak jari taunta entengnna sambayang lima waktua, naki
pa’cinikang todong ampe –ampe mabajitta, pangngadakanta, ka punna
katte kodi ampeampe ta tena pangngadakanta ia mi antu naturuki anak jari
taunta ikatte tau toa ammallakia Tau Lolo, Tau Rungka teaki pasayu ri
anak ta nasaba tallu antu saba akullea ammaraki Makase’re pasayu
Makarua Ammalasa, Maka tallu Kodi Bawayya , ka punna anak rungka
nisayu ammaraki, na punna anak taulolo nisayu ni pangraki. Teaki pakei
istilah itu soal biasa, kah biasana mi antu ammaraki nikayya soal biasa
nataenamo nisadari kalea nanaerang ki mange ri kapanrakang. Ikatte
nikanayya tau toa tumang nganakkang ni parentangki anjagai kalea siagan
keluargayya battu ri pepena neraka
YA AYYU HALLDZINA AMANU KU AMPUSAKUM
WAAHLIKUM NARA
Artinya : ...........................
e........sari’battang ku tau loloa

7
Ikatte mintu bunga bunganna balla ta, belo-belona parallakenta,
ramponnaki atinna ruayya tungnganakkanta, cahayannaki matanna, ri katte
mi antu pa’rimpungan pangngai tama’tappuna, lanri kamma mi anjo naki
sitinaja angkatutungi siri’na, anjagai katuna leleanna anrong manggeta bija
pammanakanta.
e........sikamma tau rungkayya
ikatte mi antu benteng na negarayya pangngala’, kallina pa’rasangan ta, ki
pajari laloi kalenta kalli majarre, pangngala tenang nibangka, naki
katutuiang siri’na sari’battang baine ta, ikatte ji antu anta’galaki potona, ka
punna katte la’gasi tappela mintu siri’ka gesarami ma’nayya, tenamo
nakisialleang kana sipammanakang.
e........sikamma pammarentayya
ikatte mi antu pangngulunna pa’rasanganta, anrong manggena tumak
butayya, ikatte mi antu akjari jarung ri sikamma jama-jamanga,
tumabbutayya ssankontu banna panjai, teaki pajjari kalenta jarung
tippulu,nataiyang, kaantu jarung tippuluka anggekereki care-care, naiya
jarung taiyanga apparotasaki bannang panjai. Naikatte tumabbutayya
punna caraddeki accalla, sadiaki appasaile, sadiaki anjama, sadiaki
ammajiki, sadiaki ambantui tumapparataa. Kaiya biasaya kajiariang
accallayaji na asseng minka taena naerok nabajiki anu nacallaya.
e.......sikamma pabalu baluka, padangganga, pengushaya
kipakabellai jekkonga, balle-balle, nasaba passawallang kigappaya rigauk
jekkonga kurangi barakka’na, lompoi pammarakinna aklampa salai
kalebbakanna.

Allahu Akbar, Allahu Akbar, Allahu Akbar Walillahil Hamdu.

Hadirin tau toa kammayatompa saribattang tunipakalabbirikku
ngaseng niaka hadere.

Massing bajimi kipahanna angkanayya na parentangki Allah Ta’ala

akkorobang punna bembe ta’rekengi sitau tau na punna sapi ni
parentangki antujui ( 7 orang ) parenta korobanga na ujiki antu Allah
Ta’ala ri passalana nikanayya panggainta ri agamayya na ujiki karaeng
Allah SWT ilalang anggaukan passoroanna naki pa’nia todong panggainta
ri paranta rupa tau khususna tau kasiasia siagadan anakukanga. Narampe
karaeng Allahu SWT ri Qur’an malabbirina Surah Al-maun Ayat 1-3
angkanayya.
ARA AETALLADZI YUQAZZIBU BIDDIN FAA
DZALIKAALLADZI YADU’UL YATIM WALA YAHUDDU
ALA THOAMIL MISKIN.

8
 Artinya : “Nuassengkaji tau ambelle-ballei agamaya iyamiantu tau
anggau bawangi anak kukang lappasa siagang tenaya naero antaroi fakir
miskin.
Mingka apamo paeng nani gaukan aule kana tabamaki garring gi’gili
ta’liwa-liwa na saba kikkiri battanna naparo gallang dongkona, balala naki
lompo soang, anggoa kilompo kala’bo, na ngapami kajarianna punna
panrita lompo soang nampa iman pakella kella, masyarakakah kuttu na
balala. Punna kajariangi anne kammayya manassa berlaku mi antu
angkanayya anunnu anungku tongi, anungku teai anunnu karilimantai lagi
nanarabbukiki, ri karro-karrotami nanaparuntang assulu, anu siratan
nipassareang kuntu ngannamo bari ri pammoneanna.
Teaki kella kella dudu lino bori nani bokoi nampa ta’kaluppaki ri
akhera allo riboko ia ma’nanunganga selama-lamanyaBaji ki ia
sari’battanng empo ri sunggua ero’ ki na nia ka bija ta bija battu ngaseng
a’pattau, sebaliknya kodi empo kasiasia erokki na taena bija ta bija tena
ngaseng napattau, ingka parallu ki asseng angkanayya kala’biranga tenaja
na poko’ ri pa’kalumanyangnga iareka empo ri sunggua kamma tompa
jabatanga mingka a’pokoki battu ri pakkuseanta mange ri karaemang
Allahu STW, kasiasiki ri lino mingka baji ki pangaukanta a’jari rappo ki
sallang ri akhirat allo ri boko.
Hadirin tau toa kammayatompa saribattang tunipakalabbirikku
ngaseng niaka hadere.
Bajimi kipahanna angkanayya tallasaka anne a’tayang jaki mate na
iaji ia teai barang barang tah naki boko lingka ri anja passangngali amala
panggaukan baji tah, amala sambayangta, amala puasata, siagan amala
passidakataji massing naki bokong poro assubali pada tari tamalikuna
akhirat, nanapasti nigunciritta poro ma’bisi ri tamparang akhirat
tama’bombanga, nama’ tantumo naayukanta mange ri rauyya kampong na
ma’nannunganga punna teai kampong suruga ta’rampeki ri kampong
neraka. Naudzubillahi mindzalik tsumma naudzubillah mudah mudahan
ta’rampe lalo ngasenginjaki ri kampong surgana Allah Taala.
Allahu Akbar, Allahu Akbar, Allahu Akbar Walillahil Hamdu.
Hadirin tau toa kammayatompa saribattang tunipakalabbirikku
ngaseng niaka hadere.
Maeki ri anne pa’lappasan idul Adhayya naki sambung ammotere
pintala le’baka tappu, naki bangun pa’mai lebbaka gesara naki buakkang
tommo bibiri le’baka talung maeki naki massing sikapa’risang, sijampangi
naki siparutusu teaki sibalamparekangi apalagi niaki a’baku ero’ kapunna
niaki anne kamma yah pattetanna kapanrakanga, uluanna antu pasitaba
puraganga, pummumbanna silukka lukkakia nah punna kajarian anne

9
kammayya iami anne kapang na bella mo barakkana buttayya bala na
mami karaeng Allah SWT napaturung, iratea napaturung naung a’jari mo
banjir dimana-mana, irawayya anampassang ajjarimo gempa dimana-mana
bahakan ri anne rewasayya seluruh dunia terkhusus indonesia na tabaki
garring ma arenga Corona atau Covid-19 iaminne ampassabakki yang
sudah dua tahun bangsa indonesia khususnya dan beberpa negara di dunia
pada umumnya tidak melaksanakan .ibadah Haji
Allahu Akbar, Allahu Akbar, Allahu Akbar Walillahil Hamdu.
Apa napassabakki nania kajarian anne kammayya na rampe nabbita
angkanayya
HUBBU DUNNIYA WAKARIYATUL MAUT.
Artinya : “ natabai antu garring nasaba’ ba’lalo sanna nangainna lino
nanakaluppai rikanayya kamateang”
Punna garring kamma anne massing antabaki mannassa lanyami
paccea nasirika sayang tommi. Kicinikimi anne ri rewasaya bangsa kita
dalam ketidakpastian seolah-olah negara kita dalam kegalauan pemerintah
menjadi bingun dan serba salah rakyat pun bingun karna banyaknya
pendapat yang berbeda-beda dan mengatasnamakan kebenaran dan
kesejahteraan. Pada hal punna anne garringa andakkiki maka kesejahteraan
hanyalah fatamorgana, kesejahteraan hanyalah slogan tak bermakna,
kesejahteraan bagaikan senandung tak bernada, kesejahteraan hanya dalam
mimpi dan angan-angan dalam rasa terasa hampa ditepuk sebelah tangan.
Antekammamo takamma kapasikolaya lagi nateamo bo’bo naerang
mingka Hp mami napake assikola ri balla na’ ,Iyami anne kapang bate
paunna tau towata angkanaya nia se’re sallang waktu nakisangkamma
balang-balang kaesakkang, juku ilalang bunoang, nairi angin empoki ri
gossa gossa naki tinro rilussa pa’mai, appalungan ri malla a’kalepe’ ri
bata-bata, akkalimbu rilangga sela. Biring tojeng mi kapang kiama’ lino ka
ca’ca ka lagi na ngewamo ri buajayya na taniasseng angkana kerea salah
ca’caka kapang ka ngokko ca’di-ca’di iareka buajayya kaero’ ngasengi
nasa’mang . bodona pau ca’caka iyareka buaja ca’di iareka lompo iarate
sanggenna naung, poko’ sanggenna cappa Tunyappamami ia poppo ia
tongji parakang ante kamma ka ia nisuro jaga na ia a’janggo, ia tongji
lukka na ia poeng a’gora, ia nirannuan na ia a’pasalasa.
Parallu massing kisadari kalenta kitangara’, kipimagga’ baji baji agamayya
tojeng ia baji ni paenteng, naki tea ma’ring na goda setang na pakabeleng
beleng iblisi na saba pila’ mae allo pila lompoi pappakabeleng belenna
iblisi, na’jari mo gassing tau siballa tasiagan a’kana, tusigantiro
tasipammanaikanngi, tu sitinrangan tuka ta sipangalleang pepe, besere
anak anak na pantamai tau lompo, mintua tuli besere tommi matoanna, nia

10
tommo gassing andi na daengna, pindu na cikalinna, kamanakan na
purinanna, anak na manggena, si ija’ berang si buccu’ alu pa’dengka, si
pammu’bukang badi’, sipa’kantisang poke alu, si pannyungkean
barambang, sipa’kantoran hakim na jaksa, sipanaikan ri poko poko tinggia
nasaba’ si pa’boyai barang barang na pasala sia’tija tampa silama’ lipa’
sikekke bayao sibatu. Eh... aule reppe bayao tena balleanna, ta’tumpa
minya’ tena rappunganna, tappu tasa’be tena potokanna.
Allahu Akbar, Allahu Akbar, Allahu Akbar Walillahil Hamdu.
Anne alloa, allo pa’lappassanga, allo pa’jama taengan, allo sipa’pala’
popporang,ajjamattaengmaki, nakissamaturu naki ta’gala’ pappasanna tau
toayya, ikattepa assamaturu, pakabaji boritta naki rangbangen ansobali
mate’nea, assamaturu maki naki a’bulo sibatang, a’cera sitongka tongka,
a’taggala bannang silawara, anrinringi gau salayya, ambangungi
pa’rasanganta, maeki naki pala doangan barang nasarejaki umuru mala’bu
tubuh masalewangan, nalammorian dalleta nanatarimaja sikamma amala
ibadah ta nani pammoporanja sikamma dosa-dosayya dosa le’ba laloa
Maeki nani pa’tojeng keyakinanga naki nganro a’pala doagan barang ante
kamma nani pasibuntulu jaki Allah Taala ri pa’lappassang ajji nah battua
BARAKALLAHU ...................
KHUTBAH KEDUA
Allahu Akbar 9x Walillahil Hamdu.
Alhamdulillahi rabbil alamin hamdan syakirin hamdan naimin yu afi
ni’mahu wayu kafi majida ya rabbana lakalhamdu kamayang bagi ridzalali
waatimi sultani.
Allahumma salli .............

11