Teks Mentah

Apaji narirewasa baribbasaka anne teanamo rannu siagang sukkuru
anjorenganna nasaba niatta inja massing nakataderang karaeng allahu taala poro
assibuntulu sicini rupa ri allo palappassang idul fitria, natantuna taena maraeng
kabattuanta ri tampaka anne poro ampabukti kamma tompa massing anjareki
panna’galatta mange riotere tamattapu’na karaengmang allahu SWT. Siratang ki
massing sukkuru nalanri gassinnaja tubuta’ salewangan batang kale tana leyo
salibanra, rannu massing atinta, ci’nong mamo massing pa’maitta tangkasa
massing nyawata andallekang allahtaala. Sanggenna anne kamma taenmo sukkuru
panjorenganna na lanre niatta anrapikangi allo lompota, allo malanyinga, allo
pa’lappassang. Assere maki anne kima ma’rannu rannu ngaseng nalenre le’bana
mo kigaukan puasayya sibulan ma’masa nakirannu tommo nasaba tasawe
tasampang tommamaki tarawe rigau banggia, sukkumi rannuta ri anne alloa nasaba
lebba tommi kibayara sakka fittaratta naki pasulu tommo sakka barang barangta
mange ri pakir miskinga siagang anak yatinga, manassa ri anne alloa nia maki
massing motere tangkasa langnying battu risikuntu dosa dosa ya. Sangkamma anak
beru lassuka ri battanna anrongna, nasaba pangngamaseanna allah taala mange
riatanna, apaji naki massing nia ngasengmo baine bura’nne anak anak tau toa
ammempo a’jijiri sangge lambusu nicini barrisina. Ridaniaria inji na a’rinramo
lampua sa’ra banga ri allaka ma’danggong mamo ta’bosara alloa sangkamma
ta’bosarana bunga bungaya ma’bangke romang kamma tabosarana muri muri na
tau loloa, mata le’leng kuri tana, kanying makkatiolona rupa a’bo’dong naroko
talakko kebo sangging pakeang macilla cilla, ma romba romba mamo na kallu rasa
bau natinriang minnya minnya, narurungan muri muri massing ambosarrang kana
sikamma kamma angkanangi kalimat allahu akbar 3X walillahilhamdu.
Ehh ... karaeng ri nabbiku ji muhammad SAW ma’nannungan butti

panggainku arenna mami ku sa’bu-sa’bu ilalang salawa’, kitarimai karaeng sallang
pappakatinggiku ri ia
Maeki naki jarreki tappata nakipoto tamaroka nakipare pattagallang puli-

puli, pammanjengan tamalesso, patumpa tamammacu, tamallayu ribantungan,
tamasayu ri panggoda, tamammayu riarusu, tamasoleng ri galluru bombang, naki
nia’ mo ero jappo ri katojengan taero bentere ri gau baji, kakuntungannamo le’lese
tembang jappo ilalang karangjeng kala lesseka manna sijji jangka battu ri kalimat
lailaha illallah muhammadarrasulullah
Allahu akbar, allahu akbar, allahu akbar walillahil hamdu
Sa’ra takaberre anne alloa kamma bara’ lompo pammarunna, gunturu’

pangulappana, su’ruki nai’ rilangi tujua lonjo’na mannarrusu nai’ ri ARSY
KURSIA, manna anginga tammiri, leko kayua tammungkiri, rammanga tama’ lolo’
todong, monconga iraya ammengteng akkajampuli sannang pippiri’, appilangeri
takabbere.
Iami anne takabbere lamangngerang dingin dingin mappabattu simpun ri

pamaitta iaminne takabbere namapaenteng bulu-bulu nasaba allasaki antama
ribuku ilalang dudua. Inaimo tau kapang tadingin dingin pa’mai’na nasaba ikatte
niarenga tau toa iareka anrong mangge tumannganakkang ia niakamo nibokoi riana
jari taunna, tantu massing nakku maki rianatta, naki massing ngu’rangi tommo
ikatte nikanaya anak ri anrong tumangnganakkanna nasaba mungkin risitaung
allaloa nia inji kiangang a’rurung mange ripa’lappasanga. kilangngere inji sa’ra
takabe’rena assiampi injaki ammempo bahkan sipautungi bongga injaki naki
akcarita sikakali, anne alloa sarranna taki langngerek bialona taki cini na saba
niakmi ammaliang sannang ilallang kuburu. Niakmi takkimbolong ri battanna
buttaya, maddolangang ri bori mabellayya ri kampong angja. Natasimbangmo ri
tamparang tamabombanna akhera na talengu tommo ri bulu tingginna anja, kamase
mase maki paeng na saba niakmaki kukang lakpasa kamase.
Sannaki parisina nyawana rera atinna kukang lakpasaka, nampapi ri bangngi

pa’takaberang sanggenna ri anne alloa pa’rannu-rannuanga na rerai tallasana lanri
tayenamo na siliporang ruayya tungnganakanna, nakimbolong nakku dinging-
dinging, nanakalimbu simpung kamasena ri waktu niakna nacini agang-agangna,
angjoreng anrinniyangmi akbangkeng kalli akkokoki pangjo’jona, anrenrengi je’ne
matanna, ammallang mallangmi matanna angciniki paranna anak anak masing ni
rengreng ni pajabe jabe ri tau toana ammake pakeang beru. Apaji nanaruntukmo
nanawa nawa ruayya tungnganakkanna niakamo aklimbang riangjayya aklampa
tamammoterang. Apaji na pitotomo pung anak kukang angkana “o amma o bapak
kadde niak tong ngaseng ingjaki takammaya anne sarengku kodina kasiana akjari
anak kukang lakpasa kamase.
Niak tommo ri anne alloa, naloloki pakkasia dinging dinging niakmo

bura’ne empo ilalang ballakna na battui simpung dinging dinging pakmai
anglangngere sa’ra takabbere alliang liang mattanga langi tu’guru pangngaseanna
ri baenenna tu’guru je’ne matanna ka ri sitaunga niak inji sipakrurungang mingka
anne kamma tenamo na sicini’ siparurungng na saba niaknamo aklamapa ri
angjayya taena nalekba situmpa kana ri rewasa si leporanna, akpirau mi anakna ri
tunggala tunggala tongtonganna mangkere je’ne matanna makkanamo O.. oh
amma palla’ tojenna nyawata ma’boko tamasssaile, anne alloa inakke mami
namangngeku tallasa empo kasi-asi kurapangi bulaeng ti’no tallasakku amma,
riwattungku kileporan. Na anne alloa paria tallasakku. Ni’tommo podeng baine
beru ammoterang bura’netunangainna, teami anne kamma ripa’lapassanga teanamo
nasiagadang. Teanamo na jannang tinronna, tasspa’ angngarea ammepoi naung
tassunge’nge antappeangi urusu’na angkerei je’ne matanna, appirau rau nau’rangi
riwatunna siliporang bura’nenna. Appiraumi atinna ri bangnginna pattakaberanga.
Na nakanamo kodina padeng nikanaya empo tuna, tallasa tasileporang bura.ne
kammaki bedeng pacce tana emba lading. Apaji naikatte saribattang ia tallasaka
inja sikalabini nia’laloki sakatutui naki tea ma’ring si bawang-bawangngang,
sikatutuki tope, kisisassa’ mole-mole saba taena antu parekanna maloloa.

Teks Mentah

Uploaded by

Copyright:

Available Formats

Teks Mentah

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

Teks Mentah

Uploaded by

Copyright:

Available Formats

Apaji narirewasa baribbasaka anne teanamo rannu siagang sukkuru

Ehh ... karaeng ri nabbiku ji muhammad SAW ma’nannungan butti

Maeki naki jarreki tappata nakipoto tamaroka nakipare pattagallang puli-

Sa’ra takaberre anne alloa kamma bara’ lompo pammarunna, gunturu’

Iami anne takabbere lamangngerang dingin dingin mappabattu simpun ri

Sannaki parisina nyawana rera atinna kukang lakpasaka, nampapi ri bangngi

Niak tommo ri anne alloa, naloloki pakkasia dinging dinging niakmo

You might also like