LORD NARAYANA STOTRAMS

SRI VENKATESWARA SUPRABHATAM

kausalyā suprajā rāma pūrvāsandhyā pravartatē ।

uttiṣṭha naraśārdūla kartavyaṃ daivamāhnikam ॥ 1 ॥

uttiṣṭhōttiṣṭha gōvinda uttiṣṭha garuḍadhvaja ।

uttiṣṭha kamalākānta trailōkyaṃ maṅgaḻaṃ kuru ॥ 2 ॥

mātassamasta jagatāṃ madhukaiṭabhārēḥ

vakṣōvihāriṇi manōhara divyamūrtē ।
śrīsvāmini śritajanapriya dānaśīlē
śrī vēṅkaṭēśa dayitē tava suprabhātam ॥ 3 ॥

tava suprabhātamaravinda lōchanē

bhavatu prasannamukha chandramaṇḍalē ।
vidhi śaṅkarēndra vanitābhirarchitē
vṛśa śailanātha dayitē dayānidhē ॥ 4 ॥
LORD NARAYANA STOTRAMS
atryādi sapta ṛṣayassamupāsya sandhyāṃ
ākāśa sindhu kamalāni manōharāṇi ।
ādāya pādayuga marchayituṃ prapannāḥ
śēṣādri śēkhara vibhō tava suprabhātam ॥ 5 ॥

pañchānanābja bhava ṣaṇmukha vāsavādyāḥ

traivikramādi charitaṃ vibudhāḥ stuvanti ।
bhāṣāpatiḥ paṭhati vāsara śuddhi mārāt
śēṣādri śēkhara vibhō tava suprabhātam ॥ 6 ॥

īśat-praphulla sarasīruha nārikēḻa

pūgadrumādi sumanōhara pālikānām ।
āvāti mandamanilaḥ sahadivya gandhaiḥ
śēṣādri śēkhara vibhō tava suprabhātam ॥ 7 ॥

unmīlyanētra yugamuttama pañjarasthāḥ

pātrāvasiṣṭa kadalī phala pāyasāni ।
bhuktvāḥ salīla mathakēḻi śukāḥ paṭhanti
śēṣādri śēkhara vibhō tava suprabhātam ॥ 8 ॥

tantrī prakarṣa madhura svanayā vipañchyā

gāyatyananta charitaṃ tava nāradōpi ।
bhāṣā samagra masat-kṛtachāru ramyaṃ
śēṣādri śēkhara vibhō tava suprabhātam ॥ 9 ॥

bhṛṅgāvaḻī cha makaranda rasānu viddha

jhuṅkāragīta ninadaiḥ sahasēvanāya ।
niryātyupānta sarasī kamalōdarēbhyaḥ
śēṣādri śēkhara vibhō tava suprabhātam ॥ 10 ॥

yōṣāgaṇēna varadadhni vimathyamānē

ghōṣālayēṣu dadhimanthana tīvraghōṣāḥ ।
rōṣātkaliṃ vidadhatē kakubhaścha kumbhāḥ
śēṣādri śēkhara vibhō tava suprabhātam ॥ 11 ॥

padmēśamitra śatapatra gatāḻivargāḥ

hartuṃ śriyaṃ kuvalayasya nijāṅgalakṣmyāḥ ।
bhērī ninādamiva bhibhrati tīvranādam
śēṣādri śēkhara vibhō tava suprabhātam ॥ 12 ॥
LORD NARAYANA STOTRAMS
śrīmannabhīṣṭa varadākhila lōka bandhō
śrī śrīnivāsa jagadēka dayaika sindhō ।
śrī dēvatā gṛha bhujāntara divyamūrtē
śrī vēṅkaṭāchalapatē tava suprabhātam ॥ 13 ॥

śrī svāmi puṣkariṇikāplava nirmalāṅgāḥ

śrēyārthinō haraviriñchi sanandanādyāḥ ।
dvārē vasanti varanētra hatōtta māṅgāḥ
śrī vēṅkaṭāchalapatē tava suprabhātam ॥ 14 ॥

śrī śēṣaśaila garuḍāchala vēṅkaṭādri

nārāyaṇādri vṛṣabhādri vṛṣādri mukhyām ।
ākhyāṃ tvadīya vasatē raniśaṃ vadanti
śrī vēṅkaṭāchalapatē tava suprabhātam ॥ 15 ॥

sēvāparāḥ śiva surēśa kṛśānudharma

rakṣōmbunātha pavamāna dhanādhi nāthāḥ ।
baddhāñjali pravilasannija śīrṣadēśāḥ
śrī vēṅkaṭāchalapatē tava suprabhātam ॥ 16 ॥

dhāṭīṣu tē vihagarāja mṛgādhirāja

nāgādhirāja gajarāja hayādhirājāḥ ।
svasvādhikāra mahimādhika marthayantē
śrī vēṅkaṭāchalapatē tava suprabhātam ॥ 17 ॥

sūryēndu bhauma budhavākpati kāvyaśauri

svarbhānukētu diviśat-pariśat-pradhānāḥ ।
tvaddāsadāsa charamāvadhi dāsadāsāḥ
śrī vēṅkaṭāchalapatē tava suprabhātam ॥ 18 ॥

tat-pādadhūḻi bharita sphuritōttamāṅgāḥ

svargāpavarga nirapēkṣa nijāntaraṅgāḥ ।
kalpāgamā kalanayākulatāṃ labhantē
śrī vēṅkaṭāchalapatē tava suprabhātam ॥ 19 ॥

tvadgōpurāgra śikharāṇi nirīkṣamāṇāḥ

svargāpavarga padavīṃ paramāṃ śrayantaḥ ।
martyā manuṣya bhuvanē matimāśrayantē
śrī vēṅkaṭāchalapatē tava suprabhātam ॥ 20 ॥
LORD NARAYANA STOTRAMS
śrī bhūmināyaka dayādi guṇāmṛtābdē
dēvādidēva jagadēka śaraṇyamūrtē ।
śrīmannananta garuḍādibhi rarchitāṅghrē
śrī vēṅkaṭāchalapatē tava suprabhātam ॥ 21 ॥

śrī padmanābha puruṣōttama vāsudēva

vaikuṇṭha mādhava janārdhana chakrapāṇē ।
śrī vatsa chihna śaraṇāgata pārijāta
śrī vēṅkaṭāchalapatē tava suprabhātam ॥ 22 ॥

kandarpa darpa hara sundara divya mūrtē

kāntā kuchāmburuha kuṭmala lōladṛṣṭē ।
kalyāṇa nirmala guṇākara divyakīrtē
śrī vēṅkaṭāchalapatē tava suprabhātam ॥ 23 ॥

mīnākṛtē kamaṭhakōla nṛsiṃha varṇin

svāmin paraśvatha tapōdhana rāmachandra ।
śēṣāṃśarāma yadunandana kalkirūpa
śrī vēṅkaṭāchalapatē tava suprabhātam ॥ 24 ॥

ēlālavaṅga ghanasāra sugandhi tīrthaṃ

divyaṃ viyatsaritu hēmaghaṭēṣu pūrṇaṃ ।
dhṛtvādya vaidika śikhāmaṇayaḥ prahṛṣṭāḥ
tiṣṭhanti vēṅkaṭapatē tava suprabhātam ॥ 25 ॥

bhāsvānudēti vikachāni sarōruhāṇi

sampūrayanti ninadaiḥ kakubhō vihaṅgāḥ ।
śrīvaiṣṇavāḥ satata marthita maṅgaḻāstē
dhāmāśrayanti tava vēṅkaṭa suprabhātam ॥ 26 ॥

brahmādayā ssuravarā ssamaharṣayastē

santassanandana mukhāstvatha yōgivaryāḥ ।
dhāmāntikē tava hi maṅgaḻa vastu hastāḥ
śrī vēṅkaṭāchalapatē tava suprabhātam ॥ 27 ॥

lakśmīnivāsa niravadya guṇaika sindhō

saṃsārasāgara samuttaraṇaika sētō ।
vēdānta vēdya nijavaibhava bhakta bhōgya
śrī vēṅkaṭāchalapatē tava suprabhātam ॥ 28 ॥
LORD NARAYANA STOTRAMS
itthaṃ vṛṣāchalapatēriha suprabhātaṃ
yē mānavāḥ pratidinaṃ paṭhituṃ pravṛttāḥ ।
tēṣāṃ prabhāta samayē smṛtiraṅgabhājāṃ
prajñāṃ parārtha sulabhāṃ paramāṃ prasūtē ॥ 29 ॥

MADHURASHTAKAM

adharaṃ madhuraṃ vadanaṃ madhuraṃ

nayanaṃ madhuraṃ hasitaṃ madhuram ।
hṛdayaṃ madhuraṃ gamanaṃ madhuraṃ
madhurādhipatērakhilaṃ madhuram ॥ 1 ॥

vachanaṃ madhuraṃ charitaṃ madhuraṃ

vasanaṃ madhuraṃ valitaṃ madhuraṃ ।
chalitaṃ madhuraṃ bhramitaṃ madhuraṃ
madhurādhipatērakhilaṃ madhuram ॥ 2 ॥

vēṇu-rmadhurō rēṇu-rmadhuraḥ
pāṇi-rmadhuraḥ pādau madhurau ।
nṛtyaṃ madhuraṃ sakhyaṃ madhuraṃ
madhurādhipatērakhilaṃ madhuram ॥ 3 ॥

gītaṃ madhuraṃ pītaṃ madhuraṃ

bhuktaṃ madhuraṃ suptaṃ madhuraṃ ।
rūpaṃ madhuraṃ tilakaṃ madhuraṃ
madhurādhipatērakhilaṃ madhuram ॥ 4 ॥

karaṇaṃ madhuraṃ taraṇaṃ madhuraṃ

haraṇaṃ madhuraṃ smaraṇaṃ madhuraṃ ।
vamitaṃ madhuraṃ śamitaṃ madhuraṃ
madhurādhipatērakhilaṃ madhuram ॥ 5 ॥
LORD NARAYANA STOTRAMS
guñjā madhurā mālā madhurā
yamunā madhurā vīchī madhurā ।
salilaṃ madhuraṃ kamalaṃ madhuraṃ
madhurādhipatērakhilaṃ madhuram ॥ 6 ॥

gōpī madhurā līlā madhurā

yuktaṃ madhuraṃ muktaṃ madhuraṃ ।
dṛṣṭaṃ madhuraṃ śiṣṭaṃ madhuraṃ
madhurādhipatērakhilaṃ madhuram ॥ 7 ॥

gōpā madhurā gāvō madhurā

yaṣṭi rmadhurā sṛṣṭi rmadhurā ।
dalitaṃ madhuraṃ phalitaṃ madhuraṃ
madhurādhipatērakhilaṃ madhuram ॥ 8 ॥

॥ iti śrīmadvallabhāchāryavirachitaṃ madhurāṣṭakaṃ

sampūrṇam ॥

VENKATESWARA STOTRAM

kamalākucha chūchuka kuṅkamatō

niyatāruṇi tātula nīlatanō ।
kamalāyata lōchana lōkapatē
vijayībhava vēṅkaṭa śailapatē ॥

sachaturmukha ṣaṇmukha pañchamukhē

pramukhā khiladaivata mauḻimaṇē ।
śaraṇāgata vatsala sāranidhē
paripālaya māṃ vṛṣa śailapatē ॥
LORD NARAYANA STOTRAMS
ativēlatayā tava durviṣahai
ranu vēlakṛtai raparādhaśataiḥ ।
bharitaṃ tvaritaṃ vṛṣa śailapatē
parayā kṛpayā paripāhi harē ॥

adhi vēṅkaṭa śaila mudāramatē-

rjanatābhi matādhika dānaratāt ।
paradēvatayā gaditānigamaiḥ
kamalādayitānna paraṅkalayē ॥

kala vēṇura vāvaśa gōpavadhū

śata kōṭi vṛtātsmara kōṭi samāt ।
prati pallavikābhi matāt-sukhadāt
vasudēva sutānna paraṅkalayē ॥

abhirāma guṇākara dāśaradhē

jagadēka dhanurthara dhīramatē ।
raghunāyaka rāma ramēśa vibhō
varadō bhava dēva dayā jaladhē ॥

avanī tanayā kamanīya karaṃ

rajanīkara chāru mukhāmburuham ।
rajanīchara rājata mōmi hiraṃ
mahanīya mahaṃ raghurāmamayē ॥

sumukhaṃ suhṛdaṃ sulabhaṃ sukhadaṃ

svanujaṃ cha sukāyama mōghaśaram ।
apahāya raghūdvaya manyamahaṃ
na kathañchana kañchana jātubhajē ॥

vinā vēṅkaṭēśaṃ na nāthō na nāthaḥ

sadā vēṅkaṭēśaṃ smarāmi smarāmi ।
harē vēṅkaṭēśa prasīda prasīda
priyaṃ vēṅkaṭeśa prayachCha prayachCha ॥

ahaṃ dūradastē padāṃ bhōjayugma

praṇāmēchChayā gatya sēvāṃ karōmi ।
sakṛtsēvayā nitya sēvāphalaṃ tvaṃ
prayachCha payachCha prabhō vēṅkaṭēśa ॥
LORD NARAYANA STOTRAMS
ajñāninā mayā dōṣā na śēṣānvihitān harē ।
kṣamasva tvaṃ kṣamasva tvaṃ śēṣaśaila śikhāmaṇē ॥

VENKATESWARA PRAPATTI

īśānāṃ jagatōsya vēṅkaṭapatē rviṣṇōḥ parāṃ prēyasīṃ

tadvakṣaḥsthala nityavāsarasikāṃ tat-kṣānti saṃvardhinīm
।
padmālaṅkṛta pāṇipallavayugāṃ padmāsanasthāṃ śriyaṃ
vātsalyādi guṇōjjvalāṃ bhagavatīṃ vandē jaganmātaram ॥

śrīman kṛpājalanidhē kṛtasarvalōka

sarvajña śakta natavatsala sarvaśēṣin ।
svāmin suśīla sula bhāśrita pārijāta
śrīvēṅkaṭēśacharaṇau śaraṇaṃ prapadyē ॥ 2 ॥

ānūpurārchita sujāta sugandhi puṣpa

saurabhya saurabhakarau samasannivēśau ।
saumyau sadānubhanēpi navānubhāvyau
śrīvēṅkaṭēśa charaṇau śaraṇaṃ prapadyē ॥ 3 ॥

sadyōvikāsi samudittvara sāndrarāga

saurabhyanirbhara sarōruha sāmyavārtām ।
samyakṣu sāhasapadēṣu vilēkhayantau
śrīvēṅkaṭēśa charaṇau śaraṇaṃ prapadyē ॥ 4 ॥

rēkhāmaya dhvaja sudhākalaśātapatra

vajrāṅkuśāmburuha kalpaka śaṅkhachakraiḥ ।
bhavyairalaṅkṛtatalau paratattva chihnaiḥ
śrīvēṅkaṭēśa charaṇau śaraṇaṃ prapadyē ॥ 5 ॥

tāmrōdaradyuti parājita padmarāgau

bāhyair-mahōbhi rabhibhūta mahēndranīlau ।
udya nnakhāṃśubhi rudasta śaśāṅka bhāsau
śrīvēṅkaṭēśa charaṇau śaraṇaṃ prapadyē ॥ 6 ॥
LORD NARAYANA STOTRAMS
sa prēmabhīti kamalākara pallavābhyāṃ
saṃvāhanēpi sapadi klama mādhadhānau ।
kāntā navāṅmānasa gōchara saukumāryau
śrīvēṅkaṭēśa charaṇau śaraṇaṃ prapadyē ॥ 7 ॥

lakṣmī mahī tadanurūpa nijānubhāva

nīkādi divya mahiṣī karapallavānām ।
āruṇya saṅkramaṇataḥ kila sāndrarāgau
śrīvēṅkaṭēśa charaṇau śaraṇaṃ prapadyē ॥ 8 ॥

nityānamadvidhi śivādi kirīṭakōṭi

pratyupta dīpta navaratnamahaḥ prarōhaiḥ ।
nīrājanāvidhi mudāra mupādadhānau
śrīvēṅkaṭēśa charaṇau śaraṇaṃ prapadyē ॥ 9 ॥

"viṣṇōḥ padē parama" ityudita praśaṃsau

yau "madhva utsa" iti bhōgya tayāpyupāttau ।
bhūyastathēti tava pāṇitala pradiṣṭau
śrīvēṅkaṭēśa charaṇau śaraṇaṃ prapadyē ॥ 10 ॥

pārthāya tat-sadṛśa sāradhinā tvayaiva

yau darśitau svacharaṇau śaraṇaṃ vrajēti ।
bhūyōpi mahya miha tau karadarśitau tē
śrīvēṅkaṭēśa charaṇau śaraṇaṃ prapadyē ॥ 11 ॥

manmūrthni kāḻiyaphanē vikaṭāṭavīṣu

śrīvēṅkaṭādri śikharē śirasi śrutīnām ।
chittēpyananya manasāṃ samamāhitau tē
śrīvēṅkaṭēśa charaṇau śaraṇaṃ prapadyē ॥ 12 ॥

amlāna hṛṣya davanītala kīrṇapuṣpau

śrīvēṅkaṭādri śikharābharaṇāya-mānau ।
ānanditākhila manō nayanau tavai tau
śrīvēṅkaṭēśa charaṇau śaraṇaṃ prapadyē ॥ 13 ॥

prāyaḥ prapanna janatā prathamāvagāhyau

mātuḥ stanāviva śiśō ramṛtāyamāṇau ।
prāptau paraspara tulā matulāntarau tē
śrīvēṅkaṭēśa charaṇau śaraṇaṃ prapadyē ॥ 14 ॥
LORD NARAYANA STOTRAMS
sattvōttaraiḥ satata sēvyapadāmbujēna
saṃsāra tāraka dayārdra dṛgañchalēna ।
saumyōpayantṛ muninā mama darśitau tē
śrīvēṅkaṭēśa charaṇau śaraṇaṃ prapadyē ॥ 15 ॥

śrīśa śriyā ghaṭikayā tvadupāya bhāvē

prāpyētvayi svayamupēya tayā sphurantyā ।
nityāśritāya niravadya guṇāya tubhyaṃ
syāṃ kiṅkarō vṛṣagirīśa na jātu mahyam ॥ 16 ॥

iti śrīvēṅkaṭēśa prapattiḥ

KRISHNA ASHTAKAM

vasudēva sutaṃ dēvaṃ kaṃsa chāṇūra mardanam ।

dēvakī paramānandaṃ kṛṣṇaṃ vandē jagadgurum ॥

atasī puṣpa saṅkāśaṃ hāra nūpura śōbhitam ।

ratna kaṅkaṇa kēyūraṃ kṛṣṇaṃ vandē jagadgurum ॥

kuṭilālaka saṃyuktaṃ pūrṇachandra nibhānanam ।

vilasat kuṇḍaladharaṃ kṛṣṇaṃ vandē jagadguram ॥

mandāra gandha saṃyuktaṃ chāruhāsaṃ chaturbhujam ।

barhi piñChāva chūḍāṅgaṃ kṛṣṇaṃ vandē jagadgurum ॥

utphulla padmapatrākṣaṃ nīla jīmūta sannibham ।

yādavānāṃ śirōratnaṃ kṛṣṇaṃ vandē jagadgurum ॥

rukmiṇī kēḻi saṃyuktaṃ pītāmbara suśōbhitam ।

avāpta tulasī gandhaṃ kṛṣṇaṃ vandē jagadgurum ॥

gōpikānāṃ kuchadvanda kuṅkumāṅkita vakṣasam ।

śrīnikētaṃ mahēṣvāsaṃ kṛṣṇaṃ vandē jagadgurum ॥
LORD NARAYANA STOTRAMS
śrīvatsāṅkaṃ mahōraskaṃ vanamālā virājitam ।
śaṅkhachakra dharaṃ dēvaṃ kṛṣṇaṃ vandē jagadgurum ॥

kṛṣṇāṣṭaka midaṃ puṇyaṃ prātarutthāya yaḥ paṭhēt ।

kōṭijanma kṛtaṃ pāpaṃ smaraṇēna vinaśyati ॥

achyutaṃ kēśavaṃ rāmanārāyaṇaṃ

kṛṣṇadāmōdaraṃ vāsudēvaṃ harim ।
śrīdharaṃ mādhavaṃ gōpikā vallabhaṃ
jānakīnāyakaṃ rāmachandraṃ bhajē ॥ 1 ॥

achyutaṃ kēśavaṃ satyabhāmādhavaṃ

mādhavaṃ śrīdharaṃ rādhikā rādhitam ।
indirāmandiraṃ chētasā sundaraṃ
dēvakīnandanaṃ nandajaṃ sandadhē ॥ 2 ॥

viṣṇavē jiṣṇavē śaṅkanē chakriṇē

rukmiṇī rāgiṇē jānakī jānayē ।
vallavī vallabhāyārchitā yātmanē
kaṃsa vidhvaṃsinē vaṃśinē tē namaḥ ॥ 3 ॥

kṛṣṇa gōvinda hē rāma nārāyaṇa

śrīpatē vāsudēvājita śrīnidhē ।
achyutānanta hē mādhavādhōkṣaja
dvārakānāyaka draupadīrakṣaka ॥ 4 ॥

rākṣasa kṣōbhitaḥ sītayā śōbhitō

daṇḍakāraṇyabhū puṇyatākāraṇaḥ ।
lakṣmaṇōnānvitō vānaraiḥ sēvitō
agastya sampūjitō rāghavaḥ pātu mām ॥ 5 ॥

dhēnukāriṣṭakāniṣṭikṛd-dvēṣihā
kēśihā kaṃsahṛd-vaṃśikāvādakaḥ ।
pūtanākōpakaḥ sūrajākhēlanō
bālagōpālakaḥ pātu māṃ sarvadā ॥ 6 ॥
LORD NARAYANA STOTRAMS
bidyudud-yōtavat-prasphurad-vāsasaṃ
prāvṛḍam-bhōdavat-prōllasad-vigraham ।
vānyayā mālayā śōbhitōraḥ sthalaṃ
lōhitāṅ-ghidvayaṃ vārijākṣaṃ bhajē ॥ 7 ॥

kuñchitaiḥ kuntalai bhrājamānānanaṃ

ratnamauḻiṃ lasat-kuṇḍalaṃ gaṇḍayōḥ ।
hārakēyūrakaṃ kaṅkaṇa prōjjvalaṃ
kiṅkiṇī mañjulaṃ śyāmalaṃ taṃ bhajē ॥ 8 ॥

achyutasyāṣṭakaṃ yaḥ paṭhēdiṣṭadaṃ

prēmataḥ pratyahaṃ pūruṣaḥ saspṛham ।
vṛttataḥ sundaraṃ kartṛ viśvambharaḥ
tasya vaśyō hari rjāyatē satvaram ॥

SRI RAMA PANCHA RATNA STOTRAM

kañjātapatrāyata lōchanāya karṇāvataṃsōjjvala kuṇḍalāya

kāruṇyapātrāya suvaṃśajāya namōstu
rāmāyasalakṣmaṇāya ॥ 1 ॥

vidyunnibhāmbhōda suvigrahāya vidyādharaissaṃstuta

sadguṇāya
vīrāvatāraya virōdhihartrē namōstu rāmāyasalakṣmaṇāya ॥
2॥

saṃsakta divyāyudha kārmukāya samudra

garvāpaharāyudhāya
sugrīvamitrāya surārihantrē namōstu rāmāyasalakṣmaṇāya
॥3 ॥

pītāmbarālaṅkṛta madhyakāya pitāmahēndrāmara

vanditāya
pitrē svabhaktasya janasya mātrē namōstu
rāmāyasalakṣmaṇāya ॥ 4 ॥
LORD NARAYANA STOTRAMS
namō namastē khila pūjitāya namō
namastēndunibhānanāya
namō namastē raghuvaṃśajāya namōstu
rāmāyasalakṣmaṇāya ॥ 5 ॥

imāni pañcharatnāni trisandhyaṃ yaḥ paṭhēnnaraḥ

sarvapāpa vinirmuktaḥ sa yāti paramāṃ gatiṃ ॥

iti śrīśaṅkarāchārya virachita śrīrāmapañcharatnaṃ

sampūrṇaṃ

NARAYANA STOTRAM

nārāyaṇa nārāyaṇa jaya gōvinda harē ॥

nārāyaṇa nārāyaṇa jaya gōpāla harē ॥

karuṇāpārāvāra varuṇālayagambhīra nārāyaṇa ॥ 1 ॥

ghananīradasaṅkāśa kṛtakalikalmaṣanāśana nārāyaṇa ॥ 2 ॥

yamunātīravihāra dhṛtakaustubhamaṇihāra nārāyaṇa ॥ 3 ॥

pītāmbaraparidhāna surakaḻyāṇanidhāna nārāyaṇa ॥ 4 ॥

mañjulaguñjābhūṣa māyāmānuṣavēṣa nārāyaṇa ॥ 5 ॥

rādhādharamadhurasika rajanīkarakulatilaka nārāyaṇa ॥ 6
॥

muraḻīgānavinōda vēdastutabhūpāda nārāyaṇa ॥ 7 ॥

barhinibarhāpīḍa naṭanāṭakaphaṇikrīḍa nārāyaṇa ॥ 8 ॥

vārijabhūṣābharaṇa rājīvarukmiṇīramaṇa nārāyaṇa ॥ 9 ॥

jalaruhadaḻanibhanētra jagadārambhakasūtra nārāyaṇa ॥
10 ॥
LORD NARAYANA STOTRAMS
pātakarajanīsaṃhāra karuṇālaya māmuddhara nārāyaṇa ॥
11 ॥
agha bakahayakaṃsārē kēśava kṛṣṇa murārē nārāyaṇa ॥ 12
॥

hāṭakanibhapītāmbara abhayaṃ kuru mē māvara nārāyaṇa

॥ 13 ॥
daśaratharājakumāra dānavamadasaṃhāra nārāyaṇa ॥ 14 ॥

gōvardhanagiri ramaṇa gōpīmānasaharaṇa nārāyaṇa ॥ 15 ॥

sarayutīravihāra sajjana^^ṛṣimandāra nārāyaṇa ॥ 16 ॥

viśvāmitramakhatra vividhavarānucharitra nārāyaṇa ॥ 17 ॥

dhvajavajrāṅkuśapāda dharaṇīsutasahamōda nārāyaṇa ॥ 18
॥

janakasutāpratipāla jaya jaya saṃsmṛtilīla nārāyaṇa ॥ 19 ॥

daśarathavāgdhṛtibhāra daṇḍaka vanasañchāra nārāyaṇa ॥
20 ॥

muṣṭikachāṇūrasaṃhāra munimānasavihāra nārāyaṇa ॥ 21 ॥

vālivinigrahaśaurya varasugrīvahitārya nārāyaṇa ॥ 22 ॥

māṃ muraḻīkara dhīvara pālaya pālaya śrīdhara nārāyaṇa ॥

23 ॥
jalanidhi bandhana dhīra rāvaṇakaṇṭhavidāra nārāyaṇa ॥ 24
॥

tāṭakamardana rāma naṭaguṇavividha surāma nārāyaṇa ॥

25 ॥
gautamapatnīpūjana karuṇāghanāvalōkana nārāyaṇa ॥ 26 ॥

sambhramasītāhāra sākētapuravihāra nārāyaṇa ॥ 27 ॥

achalōddhṛtachañchatkara bhaktānugrahatatpara
nārāyaṇa ॥ 28 ॥

naigamagānavinōda rakṣita suprahlāda nārāyaṇa ॥ 29 ॥

bhārata yatavaraśaṅkara nāmāmṛtamakhilāntara nārāyaṇa
॥ 30 ॥
LORD NARAYANA STOTRAMS