ვიეტნამი

ვიეტნამიშ სოციალისტური რესპუბლიკა Cộng hòa Xã hội Chủ nghĩa Việt Nam ვიეტნამი
დევიზი: Độc lập - Tự do - Hạnh phúc
ჰიმნი: Tiến Quân Ca
ვიეტნამიშ ორენი
ნანანოღა		ჰანოი 21.033333,105.8521°02′ ოორ. გ. 105°51′ ელ. გ.
უკაბეტაში ნოღა		ხოშიმინი
ოფიციალური ნინა(ეფი)		ვიეტნამური
რელიგია		ბუდიზმი
თარობა		სოციალისტური რესპუბლიკა
-	ვიეტნამი	ჩიონგ თან შანგი
-	პრემიერ-მინისტრი
ფართობი
-	გვალო	331,690 კმ2 (65-ა)
-	წყარი (%)	1.3
მახორობა
-	2009 ფასებათ	85,789,573 (მა-13)
-	census	76,323,173
-	მეჭედალა	259 ად/კმ2 (46-ა)
ედპ (ჸუპ)		2006 ფასებათ
-	გვალო	$262.5 მილიარდი (36-ა)
-	ართ მახორუშე	$3,100 (123-ა)
აგი (2007)		0.733 (ოშქაშე) (105-ა)
ვალუტა		დონგი (VND)
ბორჯიშ ორტყაფუ		(UTC +7სთ.)
ქიანაშ კოდი		VNM
Internet TLD		.vn
ოტელეფონე კოდი		+84

ვიეტნამი (ვიეტ. Việt Nam), ედომუშამი ოფიციალური ჯოხოდვალა ვიეტნამიშ სოციალისტური რესპუბლიკა (ვიეტ. Cộng hòa Xã hội chủ nghĩa Việt Nam) — ქიანა ინდოჩინეთიშ ჩქონს, ობჟათე-ბჟაეიოლ აზიას.

ჯოხოდვალა

• ოფიციალური: ვიეტნამიშ სოციალისტური რესპუბლიკა.
• ერუანული: Viet Nam, Cong Hoa Xa Hoi Chu Nghia Viet Nam.
• ეტიმოლოგია: ზიტყვა „ვიეტ“ რე ჩინური იეროგლიფიშ ვიეტნამური გჷმორაგადაფათ, ნამუშ შანულამობა რე „შორს“, „გჷნულა“, „ულა“. თინა მიოშანუანს ჩინეთიშე შორს მაგვალუ ქიანას. მაჟრა ზიტყვა „ნამ“ ობჟათეს შანენს.

გეოგრაფია

ქიანა ობჟათე-ბჟაეიოლ აზიას, ინდოჩინეთიშ ჩქონს. მოხურგე ქიანეფი რე: ლაოსი, კამბოჯა, ჩინეთი. ფართობი: 331.688 კვ.კმ.

სახენწჷფო

• სახენწჷფო სისტემა : კომუნისტური რესპუბლიკა.
• სახენწჷფოშ მადუდე : პრეზიდენტი ნგიენ მინ ჩიეტი(Nguyễn Minh Triết, 2006).
• კანონმადვალუ ორგანო : ართპალატიანი პარლამენტი (498 მაკათური).
• ადმინისტრაციული დორთუალა : 58 ოლქი (tinh) დო 3 მუნიციპალიტეტი (thu do).

დემოგრაფია

• მახორობა - 83,535,576 (2005), თინეფს შქას 87,6% ვიეტი, 1,7% ტაი.
• სახენწჷფო ნინა : ვიეტნამური. შხვა ნინეფი - ინგლისური, ფრანგული, ჩინური, კხმერული.
• რელიგია : ბუდიზმი.
• ნანანოღა : ჰანოი (1.396 ვითოში).
• უშხუაში ნორეფი (ვთშ.): ხოშიმინი (3.415), ჰაიფონი (582), დო ნანგი (453).

ეკონომიკა

• რესურსეფი : ფოსფატეფი, ქუანოშქერი, მანგანუმი, ბოქსიტეფი, ქრომატი, ნავთობიშ დო გაზიშ ოზირუეფი, ტყალეფი, ჰიდროენერგია.
• ექსპორტი : ქუანოშქერი, ორზა, კაუჩუკი.
• ერუანული მიშნაველი: ართ შურშო 430 $.
• ვალუტა : დონგი (VND).

ისტორია

1858-84 წანეფს, ფრანგული კოლონიალური ოღვენჯიშ ნორთი რდჷ ინდოჩინეთის. 1945 წანას, ვიეტნამშე გეგშეონეს იაპონიაშ საოკუპაციო ნძალეფი. 1946-შე 1954 წანაშახ მიშჷ ლჷმა ზოხორინალაშო საფრანგეთიშ სააწმარენჯოთ. ჟენევაშ კონვენციაშ მეჯინათ ქიანაქ ჟირ ნორთო გირთჷ მა-17 პარალელო. თეშ უკული ქჷდიჭყჷ ლჷმაქ ოორუე ვიეტნამს დო ობჟათე ვიეტნამს შქას (ნამუსჷთ აქტიურო ოხვარუდჷ ააშ). ლჷმაქ 1976 წანას გეთუ ვიეტნამიშ სოციალისტური რესპუბლიკაშ დორსხუაფათ. 1978-79 წანეფს, ვიეტნამი ოლჷმუდჷ კამბოჯას დო ოხურგე კონფლიქტი უღუდჷ ჩინეთწკჷმა. 90-იან წანეფს თე პრობლემეფქ გეგნოჭყორდჷ.

ოქინაფუეფი

ჰუეშ მონუმენტური კომპლექსი, ჯვეში ნოღა ჰოი ანი, ჰა ლონგიშ ჸუჯი, ფონგ-ნაკე-ბანგიშ ერუანული პარკი.

ვიკიოწკარუეს^? რე ხასჷლა თემაშენ:

ვიეტნამი

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.