ვისიშ ეკლესია
| ვისიშ ეკლესია* | |
|---|---|
| იუნესკოშ მოსოფელიშ მონძალაშ ობიექტი | |
| |
| ქიანა |  გერმანია
|
| ტიპი | კულტურული |
| კრიტერიუმეფი | i, iii |
| ერკებული | იუნესკოშ ერკებული |
| რეგიონი** | ევროპა |
| კოორდინატეფი | 47°41′00″ ოორ. გ. 10°54′00″ ელ. გ. |
| კათაფაშ ისტორია | |
| კათაფა | 1983 (მა-7 სესია) |
| ნომერი | 271 |
| * ქძ. ინგლ. ჯოხო UNESCO-შ ერკებულს. | |
| ** იუნესკოშით კლასიფიცირაფილი რეგიონი. | |
|
მოსოფელიშ მონძალა UNESCO, ობიექტი № 271 რუს. • ინგლ. • ფრ. |
ვისიშ ეკლესია (გერმ. Wieskirche) - როკოკოშ სტილის ოვალური ეკლესია, ნამუთ 1740-იან წანეფს გერმანალ არქიტექტორ დომინიკუს ზიმერმანქ ეკიდჷ. იდვალუაფუ გერმანიას, ალპეფიშ გვალაშწჷმოხონს, ბავარიაშ შტაინგადენიშ მუნიციპალიტეტიშ ოფუტე ვისის.
1738 წანას ქოძირეს, ნამდა ქირსეშ გომართახაფაშ სცენაშ ემასახალ ართ-ართ ჯაშ ფიგურას ჩილამურეფი მიშჷ. თე სასწაულქ მიარე პილიგრიმიშ მოულა გჷმიჭანუ. 1740 წანას, ფიგურაშ დაზოჯაფალო ჭიჭე ოხვამალი ეკიდეს, ნამუთ მიარე პილიგრიმს ვენტირინუანდჷ, თეშენი შტაინგადენიშ სააბატოქ ზოხო ოხვამალიშ ეკიდუა დაფინანსჷ. საკურთხეველს დოზოჯაფილი ნოჭახნაკუშ წოხოლე მიარე ლეხი სქიდუდუ ლახარეფშე, მუქჷთ ეკლესია უდიდაშ პილიგრიმულ ცენტრო გინაშქუ.
1983 წანას, იუნესკოქ ეკლესია მოსოფელიშ მონძალაშ ერკებულშა გემშეღჷ, 1985-1991 წანეფს ატარეს ფართომასშტაბამი რესტავრაცია.