呢版係用來記低喺辭條裏邊用嘅術語。關於喺維基辭典其他地方用到嘅字眼，請去維基辭典:術語一覽。
- 工具格
- 喺格語法當中，表示實現行為用到嘅工具或手段嘅名詞所體現嘅格[1]。
- 元音
- 發音嘅時候氣流通道暢通嘅語音。
- 分離代詞
- 喺拉丁語族語言當中，孤立使用或者擺喺介詞後面，表示強調嘅人稱代詞。
- 主格
- 傳統語法當中指喺屈折語言當中作為句子主語嗰個名詞所體現嘅格[1]，通常對應「執行者」同「體驗者」爾兩個主題關係其中一個。大部份辭典以主格作為名詞嘅辭條形式。
- 主題關係
- 喺轉換生成語法當中，指一個詞喺一定嘅語境裏面同其他詞形成嘅概念關係[1]。又叫做「語義關係」。
- 呼格
- 喺屈折語言當中嘅呼語所體現嘅格[1]。
- 呼語
- 稱呼聽話人，一般自成語調單位嘅名詞短語[1]。
- 受格
- 喺格語法當中，表示喺屈折語言當中受動作或狀態影響嘅人/動物名詞體現嘅格[1]。可以對應嘅主題關係有「承受者」同「體驗者」。
- 前置格
- 喺一啲屈折語言當中，表示依附於介詞嘅名詞體現嘅格。
- 第一人稱
- 一種人稱，用來表示講話人自己或者自己所屬嘅一班人，包括有我或者我等。語言學有時會進一步細分「包括聽話人嘅第一人稱複數」同「唔包括聽話人嘅第一人稱複數」。
- 第二人稱
- 一種人稱，用來表示聽話話人或者聽話話所屬嘅一班人，例子有你或者你等。
- 第三人稱
- 一種人稱，用來表示既唔係講話人又唔係聽話人嘅人，包括佢同埋佢等。
- 與格
- 喺屈折語言當中，作為動詞間接賓語嗰個名詞所體現嘅格[1]。通常對應「接收者」主題關係。
- 補語化成份標誌。
- 指喺某種語言裡邊指示補語（通常係從句）開始嘅成份。
- 輔音
- 發音器官某一部份形成阻礙，令到爾部份有一定程度嘅緊張，並由較強氣流克服障礙形成嘅語音。
- 語義關係
- 見「主題關係」。
- 賓格
- 喺屈折語言當中，作為動詞直接賓語嗰個名詞所體現嘅格[1]。可以對應嘅主題關係有「承受者」同「主題」。又稱「對格」。
- 離格
- 喺屈折語言當中，表示地點、工具、分離、原因等嘅名詞/代詞所體現嘅格[1]。
- 變位
- 指動詞根據人稱、數、性、時態、體、式等嘅不同而產生嘅詞形變化。
- 變格
- 指名詞、代詞、冠詞、形容詞等喺句子裏面為了體現特定嘅語法功能而產生嘅詞形變化。
