Georhië

საქართველო Sakartvelo
Vlagge Waepen
Baosisgegevens
Officiële landstaele:	Georhisch
Oôdstad:	Tbilisi
Regeriengsvurm:	Rippebliek
Staetsoôd:	{{{staetsoôd}}}
Regeriengsleider:	{{{regeriengsleider}}}
Religie:	Oôsters-Orthodox (84%), Moslim (11%)
Oppervlakte:	69.700 km² (hin% waeter)
Inweuners:	4.646.003 (2007) (66,7 inw. / km²)
Aore gegevens
Volkslied:	Tavisupleba
Munte:	lari (GEL)
UTC:	UTC+4 (zeumertied: jaet)
Nationaole feêstdag:	26 meie
Web | Code | Tel.	.ge | GEO | +995

Georhië is een land in de Kaukasus 't a voe een stik in Europa lig en voe een stik in Azië. Dibie is 't et een zohenaemde transcontinentaole staet. Georhië hrens in 't noôrn an Rusland, in 't oôssen an Aâzerbeidzjan, in 't zuuden an Armenië en Turkije en in 't wessen an de Zwarte Zeê. Georhië is hericht op Europa, is lid van de Raed van Europa en voel zen eihen dan ok een Europees land.

Kaerte van Georhie

Heografie

Georhië is eên van de Kaukasus-lan'n en wor in 't noôrn dan ok behrensd deur 't hebergte van de Kaukasus. Den oôgsen berg van Georhië is de Sjchara (5201 m). Georhië wor in twi elten edeêld deur de Likhi-bergkeet'n en 't minder berhachtihe Zuud-Georhië besti uut lavaplateaus mie ouwe vulkaânkehels. Are berhen as de Sjchara in Georhië zien onder are de Janga (5051 m), de Kazbek (5047 m) en de Tetnuldi (4852 m).

Hrenzen

De totaole hrenzen van Georhië (zie ierboven) beslaen 1970 km, wivan a 315 km an de Zwarte Zeê hrens. De overihe 1655 km hrens an de lan'n Rusland, Aâzerbeidzjan, Armenië en Turkije.

Klimaot

Georhië ei over 't alhemeên een subtropisch klimaot, mè an de elliengen en op de oôgtes van de Kaukasus is 't vee droôher en eêrs 't er een steppeklimaot.

Rivier'n

De langste rivier'n die an deur Georhië lope zien de volhende:

• Kura (1364 km)
• Tergi (623 km)
• Ch'orokhi (438 km)
• Alazani (351 km)
• Rioni (327 km)
• Tori (320 km)
• Enguri (213 km)

Waeter

Der is mè weinig waeter in Georhië, der zien allaenig ienkele meren en 't waeter van de Zwarte Zeê. De hroste meren van Georhië zien de volhende:

• Kartsakhi-meer (26,3 km²)
• Paliastomi-meer (17,3 km²)
• Tabatskuri-meer (14,2 km²)
• Khanchali-meer (13,3 km²)
• Jandari-meer (10,6 km²)

Milieuvervuulieng

Georhië ei te kamp'n mie verschill'nde milieuprobleem'n as luchtvervuulieng in Zuud-Georhië, vurral rond de stad Rustavi, waetervervuulieng in de Zwarte Zeê en de rivier de Kura, en bodemverontreinihieng in 't land deur zwaere chemicaoliën.

Geschiedenisse

Toet 1991 maekende Georhië deel uut van de Sovjet-Unie. In 2008 kreeg ut mee Rusland an de stok. Een vòmaelihe president is Mikheil Saakashvili. Z'n vrouwe iet Sandra Roelofs en is een Zeêuwse. Ze komt uut Terneuzen.