Lesbian

Lesbian sī chi̍t jī Eng-gí tan-jī, chí lú-sèng tông-sèng-loân chiá, ia̍h chiō sī tùi kî-tha lú-sèng ū loân-ài he̍k-chiá sī sèng khip-ín-le̍k kám-kak ê lú-sèng.

Lesbian chit jī só͘ tāi-piáu ê khài-liām, sī 20 sè-kí ê sán-bu̍t. Tī le̍k-sú-siōng (chiàu Se-iûⁿ siā-hōe lâi kóng), sui-bóng cha-bó͘-lâng khah bô chhiūⁿ cha-po͘ lâng hit khoán thui-kiû tông-sèng koan-hē ê chu-iû, m̄-koh in mā bô chhiūⁿ cha-po͘ ê tông-sèng-loân tī chi̍t kóa siā-hōe tú tio̍h ê giâm-keh chhú-hoa̍t.

Gí-goân

Lesbian chit jī ê lâi-goân sī Hi-lia̍p tó-sū Lesbos, Chêng 6 sè-kí si-jîn Sappho só͘ tòa ê só͘-chāi.

Koan-hē ēng-gí

Tī Hō-ló-ōe, ū chi̍t jī chio̍h-bō-á, ē-tàng ké-soeh chò lú-sèng tông-sèng-loân-chiá chit khoán chheng-ho͘.