哈康王儲

哈康王儲
2019年攝
挪威王儲
在位	1991年ー
私人明細
配偶	梅特·特賽姆·霍伊比（2001年結婚）
仔女	英格麗·亞莉珊卓公主 沙維爾王子
全名	哈康·馬格努斯
皇族	格呂克斯堡王朝
父	哈拉爾五世
母	宋雅王后
出世	(1973-07-20) 1973年7月20號 挪威奧斯陸奧斯陸大學國家醫院

哈康·馬格努斯王儲（Kronprins Haakon Magnus，1973年7月20號—），係挪威現任王儲，國王哈拉爾五世同王后宋雅共同嘅第二個細路。

生平

哈康1973年7月20號響奧斯陸奧斯陸大學國家醫院出世，係時任王儲哈拉爾同王儲妃宋雅共同嘅第二個細路，第一個仔，上有一個家姐瑪塔·露易絲公主，當時國王係阿爺奧拉夫五世。佢個名跟住太爺哈康七世嚟改嘅。佢嘅教父母分別係瑞典國王卡爾十六世·古斯塔夫同埋丹麥女王瑪嘉烈二世。

1991年，阿爺死咗，老豆繼位做國王，佢亦升為王儲。雖然響1990年挪威修改輥法，將王位繼承法由男仔優先改為長子繼承制，意味住只要係第一個細路冇論男女定女仔都係王位繼承人。但由於呢個憲法冇追溯性，即1990年之前發生嘅唔算數，所以哈康先做到王儲。

佢曾經響挪威皇家海軍服役。1995年佢畢業於挪威皇家海軍學院，之後曾經響導彈魚雷艇同埋海軍艦上當兵一年。

1999年，哈康畢業於加州大學伯克利分校本科，得到政治學學士學位。2003年，佢畢業於倫敦經濟學院，獲得發展研究碩士學位。

響2003年11月25號至2004年4月12號，由於老豆要接受癌症治療同康復都要時間，哈康出任攝政王。響2005年3月29號至6月7號，老豆因為要接受心臟手術，哈康再次攝政。

直至2013年，佢係海軍上將、陸軍元帥同空軍元帥。

屋企

2001年，佢同梅特·瑪麗特·特賽姆·霍伊比響奧斯陸大教堂結婚，伴郎係丹麥王儲費特力。梅特·瑪麗特係繼宋雅之後又一位平民王妃，但梅特·瑪麗特學歷唔算高，曾經未婚生仔，而佢嘅前男朋友仲因為吸毒而坐過監，所以市民普遍對於呢位王妃嘅觀感唔係咁好。響婚禮搞之前，梅特·瑪麗特曾經話過自己後生嗰陣比起好多後生仔都要反叛。除咗梅特·瑪麗特同前男朋友生嘅Marius Borg Høiby，佢哋仲有兩個仔女：

• 英格麗·亞莉珊卓公主
• 沙維爾王子