工作表現
.jpg)
工作表現（粵拼：gung1 zok3 biu2 jin6）係管理學上成日講嘅一個概念。一個個體員工嘅工作表現，可以係指佢做出嘅行為有幾能夠幫佢所屬嗰個組織達到目的，當中組織可以係一間企業或者一個非牟利機構都得[1][2]。
工作表現係管理學上最受人關注嘅課題之一。有唔少管理學方面嘅學者都會醉心研究工作表現會受咩因素影響，例如性格同 IQ 等嘅個體特性，都被指會對工作表現有具體嘅影響[3]。
理論分類
[編輯]喺廿一世紀初嘅組織心理學上，工作表現可以分做兩大種：
- 首先，工作表現包含一位員工有幾能夠做到老細想佢做嘅作業（作業表現；task performance），例如一間科技公司請咗位軟件工程師，要佢幫手寫一隻軟件嘅源碼（一件作業），佢寫起源碼上嚟「有幾快手」等嘅指標就可以量度佢嘅作業表現；
- 另一方面，廿世紀尾嘅管理學界仲開始睇重所謂嘅情境表現（contextual performance），即係指位員工對個組織嘅心理環境（士氣等）造成咩影響，例如係睇佢有冇同組織嘅第啲成員保持良好關係，等大家合作起上順利[4]。
影響因素
[編輯]以下呢啲因素都畀人話會影響工作表現：
睇埋
[編輯]文獻
[編輯]
- Ceja, L., & Navarro, J. (2011). Dynamic patterns of flow in the workplace: Characterizing within‐individual variability using a complexity science approach (PDF). Journal of Organizational Behavior, 32(4), 627-651.
引咗
[編輯]- ↑ Vancouver, J. B., Li, X., Weinhardt, J. M., Steel, P., & Purl, J. D. (2016). Using a computational model to understand possible sources of skews in distributions of job performance. Personnel Psychology, 69(4), 931-974.
- ↑ Judge, T. A., & Zapata, C. P. (2015). The person-situation debate revisited: Effect of situation strength and trait activation on the validity of the Big Five personality traits in predicting job performance. Academy of Management Journal, 58(4), 1149-1179.
- ↑ Hung, W. T. (2020). Revisiting relationships between personality and job performance: working hard and working smart 互聯網檔案館嘅歸檔，歸檔日期2021年9月21號，. (PDF). Total Quality Management & Business Excellence, 31(7-8), 907-927.
- ↑ Campbell, J. P. (1990). Modeling the performance prediction problem in industrial and organizational psychology. In M. D. Dunnette, & L. M. Hough (Eds.), Handbook of industrial and organizational psychology. Palo Alto, CA: Consulting Psychologists Press.
拎
[編輯]- （英文） 工作表現
