排隊

排長龍

一隊車等人嘅的士站

排隊係一個跟一個人排成一行，係有規矩嘅表現。排隊可能係為咗軍事訓練、儀仗隊、操兵或者買飛、輪米等。

「打蛇餅」即係排隊人太多，一圈一圈好似大莽蛇打晒大餅。「排長龍」即係排隊人好多，長到好似條龍咁樣。

對於冇錢人、唔識人嘅弱勢社群，排隊係最公平，因為資源分配嘅方法，除咗排隊領取，重可以諗辦法使錢買頭號位、識人內部認購、高價競投、炒黃牛等。

排隊最憎係日曬雨淋，畀人打尖。

另外亦有「排隊黨」，即係走去排隊霸頭位，然後將個位高價賣畀唔想自己日曬雨淋排隊嘅人。