松花江
想搵第二個意思嘅話，請睇松花江 (搞清楚)。
| 松花江（ᠰᡠᠩᡤᠠᡵᡳ ᡠᠯᠠ） | |
| 難水、混同江、海西 | |
| 河 | |
 流喺哈爾濱西面嘅松花江段，衛星相。河岸兩邊可以經常睇到嘅景象係啲殘留嘅河跡湖。
| |
| 名來頭：官話音譯自滿文，滿文意思係「天河／銀河」。 | |
| 國 |  中華人民共和國
|
|---|---|
| 省/州/邦 | 吉林、黑龍江 |
| 屬於 | 黑龍江 |
| 支流 | |
| - 左邊支流 | 二道干巴河子、頭道干巴河子、黃泥河、頭道松花江、三道花園河、正身河、頭道花園河、清江河子、蒙江、道水河、批洲河、加級河、萬里河、輝發河、密什哈河、大鷹河、溫德河、通氣河、土城子河、鰲龍河、張莊子河、三岔河、西地河、長土河、背江、沐石河、小房身溝、飲馬河、阿木斯爾溝、那木斯河、郭家店河、咚勒赫溝、嫩江、呼蘭河、巴蘭河、湯旺河、圈河、阿陵達河、小黃河、大黃河、梧桐河、嘟嚕河、二道江、小窄溝、蒲鴨河、敖來河 |
| - 右面支流 | 槽子河、柳毛河、大牛溝、三道松江河、板石河子、泉陽河、黃泥河子、蒲春河、萬良河、梨轅溝河、大葦沙河、小葦沙河、山麻河、色洛河、木箕河、漂河、涼水河、天太河、牤牛河、金珠河、團山子河、嘎呀河、小江、汛來河、秀水河、卡路河、臨江河、北淘溝、榆樹溝、夾津溝、引拉河、拉林河、阿什河、螞蜒河、牡丹江、倭肯河、護城河、大干江子、安邦河、幸福河、頭道河 |
| 分流 | 狼江、 大偏口河、小偏口河、王義河、小圈河、大圈河、小河子 |
| 城市 | 白山、撫松、豐滿、吉林、松原、前郭爾羅斯、肇源、哈爾濱、木蘭、通河、依蘭、佳木斯、樺川、濱綏、富錦、同江 |
| 源頭 | 長白山天池 |
| - 位置 | 中國吉林省延邊 |
| - 海拔 | 2,189.1米（7,182呎，6,567尺） |
| - 座標 | 42°0′40.5″N 128°3′37.8″E / 42.011250°N 128.060500°E |
| 河口 | 黑龍江 |
| - 位置 | 中國黑龍江省佳木斯 |
| - 座標 | 47°42′22.1″N 132°31′6″E / 47.706139°N 132.51833°E |
| 長度 | 1,927千米（1,197哩，3,854里） |
| 流域面積 | 1,443,100 km²（557,184 mi²） |
| 流量 | |
| - 平均流量 | 2,463 m³/s（86,980 ft³/s） |
 松花江幹流河路
| |
| 支流、河口、河源、流經城市等地理信息可查[1]。 | |
松花江（粵拼：cung4 faa1 gong1；滿文：ᡠᠩᡤᠠᡵᡳ
ᡠᠯᠠ，穆麟德：sunggari ula，意思係「天河／銀河」；普通話拼音：Sōnghuā Jiāng）係歐亞大陸嘅一條河，發源自長白山天池，係黑龍江最大嘅支流。佢流經中國東北吉林同黑龍江呢兩個省，貫通咗肥沃嘅東北平原北部。條江長1927 km。流域面積144萬3100平方公里，涉及嘅地盤有遼寧、黑龍江、吉林、內蒙[2]。平均流量2463 m³/s[3]。
南北朝時，條河嗌做難水（難讀困難嘅難；naan4 seoi2），遼金時，條河叫混同江（wan6 tung4 gong1），係一條東北向流入韃靼海峽嘅大河之名，後來松花江一詞退為係黑龍江嘅支流。元代時叫宋瓦江（sung3 ngaa5 gong1），明代宣德年間開始叫松花江，係宋瓦江嘅官話諧音。
地理
[編輯]松花江係黑龍江最大嘅支流，長白山系嘅最高峯、長白山嘅山頂火口有個火山臼（天池），呢個就係佢嘅發源地，貫穿過原始林地帶後，喺吉林省地盤個方向係自東南流去西北。喺吉林省長春北面，佢同伊通河合流，然後匯入嘅係飲馬河，入到松嫩平原，之後，流到松原同白城（大安）時，松花江滙入咗嫩江，嫩江係自北向南流嘅，自呢度開始條河轉向東。
自滿洲國時期開始到1988年，同嫩江合流之前嘅松花江段叫做第二松花江。呢個區間長795公里，流域面積7萬8000平方公里。佢細過嫩江，嫩江長1370公里，流域面積29萬平方公里。因爲呢個原因，嫩江同第二松花江之間，邊個先係松花江嘅源流，有過爭論，但而家定咗長白山來嘅水流做源流位置。呢段江流喺啲山丘地形度，有水電潛能，已經有一啲水電站起好咗，如豐滿、紅石、白山。豐滿水力發電站形成咗個大壩湖，亦即松花湖，就喺呢個區間。
同嫩江合流後，佢就到咗吉林省同黑龍江省嘅邊境，呢度係東北平原，從呢度流入到黑龍江省，流過哈爾濱市區嘅北面，接住係，同呼蘭河合流嘅埞方開始，條河轉向東北。之後匯入牡丹江等大支流，入到三江平原嘅濕地地帶，松花江最後喺黑龍江省嘅同江合流入黑龍江，呢度附近係俄國國界。松花江長1927公里，流域面積144萬3100平方公里[2]。冬季條江會凍結，入春時山上啲雪融解成水，條江達到最大流量。
歷史
[編輯]
1864年，駐喺極東嘅俄國軍人彼得·吉拉璞虔（Пётр Кропо́ткин）探險呢度，對呢個流域搞地理科學嘅調查。滿洲話稱呼松花江做「鬆牙哩烏喇」（ᠰᡠᠩᡤᠠᠷᠢ
ᡠᠯᠠ，拉丁轉寫：sunggari ula，官話音譯轉寫：松阿里烏喇），意思即係「天河」，入到呢笪地嘅俄人亦跟住稱呼條江叫「宋加哩」（俄文：Сунгари，拉丁轉寫：Sungari）。第二次世界大戰前嘅日本，特別係滿洲國時代嘅日本人之間，亦嗌呢條河做「宋牙哩」（日文：スンガリ川 Sungari kawa）。
松花江嘅下游係三江平原，佢畀黑龍江、烏蘇里江圍住，係中國最東端嘅地方，呢度接住俄國國境，曾經稱呼做「北大荒」，話佢係一大片荒野，但佢係10萬8900平方公里大嘅大濕地，係丹頂鶴、白枕鶴、東方白鸛等稀少鳥類、以及啲候鳥嘅繁殖地。喺滿洲國時代，呢度有開拓團進行開墾，二戰後，中國政府設咗集體農場同軍隊，搞農地開發，到咗文化大革命時，多數嘅都市青年，仲有所謂嘅反革命分子嘅人都下放到呢笪最偏遠嘅地，要佢哋從事開拓。就係噉，而家呢度稱呼做「北大倉」，係中國第一嘅穀倉地帶。另一方面，過度嘅農耕導致三江平原嘅一部分開始荒漠化，因爲濕地急劇減少，危及鳥類嘅存續，所以省政府爲咗保護殘存濕地，將荒漠化咗嘅農地復原，2001年以後禁止開墾三江平原。但係，今後嘅生態系統保護留低咗各種各樣嘅課題。
支流
[編輯]松花江嘅主要支流除咗嫩江同呼蘭河外，仲有：頭道河、二道河、輝發河、飲馬河、牡丹江、湯旺河、少陵河、伊通河。
交通
[編輯]因爲松花江喺北部位置，喺5個月嘅冬季期間條江會結冰（自11月尾到來年3月）。呢個係佢嘅缺點，但比起黑龍江，佢嘅結冰期短啲，所以水路嘅航行價值相比起黑龍江幹流要更高。哈爾濱係輪船航行嘅中心，啲中型船隻可以喺哈爾濱往下到河口嘅河段度行，江水豐富時期，啲細船有可能運航到吉林市附近[4]，亦可以逆嫩江而上，利用水運去到齊齊哈爾。作爲航行到船嘅國際河川，佢係中國東北部嘅物流幹線。喺流域內有吉林、哈爾濱、佳木斯呢啲大城市，佢哋結合內航水運變成國際河港，佳木斯同埋同江佢哋可以通過黑龍江搞通往外海嘅海運。
污染事件
[編輯]從以前開始，就有污染咗嘅水嘅流入問題。2005年11月，吉林市嘅石油化工廠爆炸，受佢影響，條江畀苯污染，令到下游嘅哈爾濱城給水中斷，仲影響到俄國，因爲啲污染物合流入黑龍江[5][6]，直流到鄂荷次克海。呢次事故對飲用水同埋漁業帶來惡劣影響。
2010年7月，喺吉林省有上千桶化學品由於洪水而沖咗落條江度泄漏。呢啲桶裝住有毒嘅化學物質，如三甲基氯矽烷、六甲基二矽氧烷，約每類170公斤。有一啲消息源話有啲桶同水接觸咗後爆咗炸[7][8]。
都市
[編輯]松花江流域嘅都市有：
橋樑
[編輯]喺松花江度起咗7座大橋[9]。
- 松花江公路大橋
- 松浦大橋
- 四環東江橋
- 四環臺大橋
- 松花江大橋
- 王萬鐵路橋
- 陽明灘大橋
睇埋
[編輯]攷
[編輯]
- ↑ 〈天地圖〉。原著喺2019年3月13號歸檔。喺2018年7月25號搵到。
- ↑ 2.0 2.1 《National Geographic Atlas of China（粵譯：中國國家地理圖集）》。2008年。頁 36。
- ↑ 〈Main Rivers（粵譯：主要河流）〉。National conditions。喺2018年7月26號搵到。
- ↑ 《寰球世界大百科事典》：〈松花江〉（韓文）
- ↑ 〈Water pollution in China alarming（粵譯：中國嘅水污染令人擔心）〉。CCTV.com。2010年3月22號。喺2018年7月30號搵到。
- ↑ 經濟合作及發展組織 (2007年)。《《OECD Environmental Performance Reviews China》（粵譯：經合組織評估中國嘅環境績效）》。OECD。頁 245。ISBN 9789264031159。
- ↑ 〈Khabarovsk Region prevents poisoned Sungari water from reaching Amur（粵譯：伯力地區阻止緊有毒嘅松花江水流入黑龍江）〉。《莫斯科時報》。2010年7月30號。原著喺2012年3月18號歸檔。喺2018年7月31號搵到。
- ↑ 〈Заградительные линии выставлены для перехвата бочек с химикатами（粵譯：啓動咗防線攔截啲化學毒品桶）〉。《俄羅斯新聞社》。2010年7月30號。喺2018年8月1號搵到。
- ↑ 李東宇（이동우） (2011年11月7號)。〈한강의 많은 다리가 생각난 하얼빈 양명탄대교（漢諺：漢江의 많은 다리가 생각난 할빈 陽明灘大橋[[Category:有韓文嘅文章]]；粵譯：惗到漢江好多橋，哈爾濱陽明灘大橋）〉。《朝鮮日報網誌新聞》。喺2011年11月8號搵到。
{{cite web}}: URL–wikilink conflict (help)CS1 maint: url-status (link)