格陵蘭島

格陵蘭島

格陵蘭島（粵拼：gaak3 ling4 laan4 dou2；丹麥文：Grønland ø）係世界第一大島，有2,166,086平方公里，差唔多有一個西歐嘅總面積咁大。而呢個島喺北美洲嘅東北面，北大西洋同北冰洋之間，冰島嘅西北邊。

名

喺丹麥文入面，「格陵蘭」（丹麥文：Grønland）就係「綠色嘅土地」（丹麥文：det grønne land）噉解，而呢個島係因為上面係丹麥管嘅自治省——格陵蘭先至改咗噉嘅名。

敘述

格陵蘭島嘅冰雪世界

格陵蘭島附近嘅平均海拔高度

雖然丹麥文話佢係個綠土，但係呢度係一片白雪雪嘅冰雪世界，因為成個島有85%嘅地面都有好厚嘅冰面響度。而冰面嘅平均厚度有1515米，重高過而家嘅世界第一高塔——阿聯酋嘅哈利發塔（839米），差唔多有喺中國山東入面嘅東嶽泰山（1524米）咁高。而最厚嘅冰面可以去到3410米咁厚，差唔多有中國西邊嘅青藏高原最矮海拔地區（3500米）咁高。而冰塊方面，有2,600,000km³咁大，淨係排喺南極洲嘅後面，佢係世界第二大冰庫。其中呢個島最北邊——摩利斯遮宿角，唔單止係地球最北邊嘅角，而且係地球最北邊嘅陸地，甚至重係地球入面距離北極最近嘅陸地。因為摩利斯遮宿角距離北極點都只係得707公里（同由增城去到廈門嘅324國道嘅長度差唔多）。

極晝同極夜

内文：極晝同極夜

而呢個島係成日出現極晝同極夜嘅，因為格陵蘭島有五分之四嘅面積都喺北極圈入面。每年一到咗10月，島入面大部分地區都入咗夜晚黑，而嗰度嘅夜晚黑係連續5個月都唔見到太陽出嚟，凈係見到月光同星星。雖然話喺每年嘅4月開始一直到9月為止都可以見到太陽，但係佢升得好矮，凈係喺地平線度轉下轉下。

氣候

格陵蘭島嘅氣候方面，係好鬼凍，凍到連阿媽都唔認得咁滯。即使喺北半球比較熱嘅7月份，佢嘅平均氣溫方面，最熱嘅凈係去到8.3——9.6℃，一到咗北邊同中間嘅內陸地區就降到-10.7℃到-7.8℃喇；而1月份嘅北半球比較凍嗰時，格陵蘭島嘅平均氣溫就降到-40℃以下。嗰度一年入面都攞唔到幾多嘅熱量而搞到成個島凈係識落雪，而唔識落雨。結果由於受到壓力嘅作用關係，就慢慢噉變咗冰，最後就變成好厚嘅冰層響度。

生物

喺格陵蘭島附近地區生活嘅鯨魚

雖然話格陵蘭係一片冰雪世界，但唔係乜都冇。因為到咗夏天嗰陣，海邊地區成日都見到綠色響度。島入面重見到馴鹿、北極熊、北極狐同海豹、企鵝呢啲嘢響度，而近海地區重見到鯨魚、鱷魚同沙甸魚等。

居住人種

呢個島入面住咗50000個居民，大部分都係啲愛斯基摩人嘅混血人種，不過佢哋都住喺比較暖嘅西南海邊地區（例如努克）。不過島入面啲居民養咗50000幾條狗響度，不過啲居民都係帶住佢去打獵同騎住佢嘅雪趫嚟睇啲靚雪景。

相關書籍

• 《世界第一大岛——格陵兰岛》 中国少年儿童百科全书 自然·环境 第225页 浙江教育出版社 ISBN·7-5338-1946-2/G·1942
• Скотт Дж. Ледниковый щит и люди на нём.

出面網頁

• Гренландия. "БСЭ".
• ГРЕНЛАНДИЯ. "Кругосвет".
• 全国文化信息资源共享工程网。〈世界第一大岛--格陵兰岛〉。