燈
燈係指發光來照嘢嘅架生，可以用來幫助照亮黑嘅地方，又或者可以用於裝飾、照X光之類嘅用途。家下用啲燈通常都係電燈，用電來到發光。古代嘅中國靠燒燈油之類嘅燃料，用一條布線捲成嘅燈芯去吸取燈油嘅原理，再用火點着條燈芯嚟照明，稱為油燈。
燈嘅種類
[編輯]燈有好多種，但唔係話叫做燈嘅都係用嚟照明，有啲所謂「燈」其實係有第二啲用途；
好似喺中國古時有一種叫孔明燈，係利用熱氣上升嘅原理，喺紙罩入面點火，咁支燈就會慢慢升高（即係熱氣球嘅原理）；但係孔明燈主要係用嚟慶祝同埋打訊號用，好少用嚟照明。
又有一種叫本生燈（Bunsen Burner），一邊有條燃氣管接駁，另一邊向上嘅噴咀就將燃氣變成火頭，係用嚟做實驗時嘅燃燒工具；好明顯佢亦都唔係用嚟照明嘅燈。
至於神話傳說嗰啲一捽就會有巨人走出神燈嘅虛構嘢，或者形容一個人係「燈神」。
燈嘅小知識
[編輯]- 世界上第一盞照明嘅氣燈係由英國人馬特克喺1792年發明。
- 1808年，英國科學家大衛發明咗孤光燈；佢嘅原理係用兩支中間有少少距離嘅炭枝，通電之後炭枝中嘅空間就會因為有電流感應而發出黃色燈光。期後重發現咗用白金通電可以發出白色光嘅原理。
- 1845年，美國人史達喺真空嘅玻璃樽入面成功令白金燃燒發光，但係因為成本太貴而冇廣泛採用。
- 1878年，美國人史旺用紙造出燃燒嘅細絲放入真空玻璃樽入面發光，但係唔持久。
- 1879年，美國發明家愛迪生利用經過炭處理嘅綿線放喺真空嘅玻璃樽入面通電燃燒，成功做出可以維持四十個鐘頭以上嘅電燈膽，之後再用經過炭粒加工嘅竹造燈絲，成功令到燈膽可以維持一千二百個鐘以上；自此電燈就被廣泛採用。
- 今日嘅電燈膽燈絲係用鎢嚟造，而原本真空嘅膽入面就加咗氬氣，令到盞燈膽更加持久耐用。
睇埋
[編輯] |