粉紅豬一家親

樂園內真人扮主角

主題公園火車仔

《粉紅豬一家親》係英國卡通片，由Hasbro Entertainment（前身係Contender Entertainment Group同Rubber Duck Entertainment）同Astley Baker Davies製作，角色大多數動物擬人。佢英文本名Peppa Pig，亦都係主角名，豬女細蚊來。唔同地方有唔同唐字名，香港傳統上叫《粉紅豬一家親》，臺灣叫《粉紅豬小妹》，大陸叫《小猪佩奇》。首次廣播2004年5月30號，有7季。一共有過180個國家播放。香港有廣東話播放。

主角一家，主角加豬爸、豬媽再加細佬佐治。有返遊戲班，先生同書友，都係哺乳動物，有十零種。有時會加上角色父母加祖輩。亦有其他哺乳動物做其他角色。另外有少量以蔬菓做角色，如薯仔先生。故仔有時突顯動物習性，如豬就玩泥漿，兔食紅蘿蔔咁。

一節故仔唔長，五分鐘左右。多數日常，多數輕鬆，結尾開開心心。

有唔少周邊產品，好似嘢玩、毛公仔、電子遊戲、書咁，甚至有大富翁。主題公園都有幾個。

片中唔少顛倒現實，顛倒男女，着力消除男女刻版。如義務消防隊為幾個亞媽。如兔女士萬能，全職，有無數工份，甚至去揸直升機救人。豬爸有大肚腩，畀個母女取笑。個女成日笑亞爸蠢，然而豬爸好似聖人咁，無論乜都包容，一笑置之。女人多數強勁，男人睇起來無用，有時搞笑。有時評為左翼女性主義宣傳。然而片中又有另一啲刻版，如家家都住間屋都喺山頂，家家都一家四口兩個細蚊仔女，亞媽都喺屋企，夫妻無交流。