聖靈
| 宗教系列 基督宗教 | |
| |
| 基督教史 基督教發展時序 耶穌基督 耶穌十二門徒 大公會議 大分裂 十字軍東征 宗教改革與更正教 中國基督教 中國基督教史 | |
| 三位一體 聖父 聖子 (神學) 聖靈 | |
| 基督教神學 基督教會 禮拜 聖恩 · 救贖 登山寶訓 十誡 | |
| 聖經 舊約 新約 正典 次經 偽經 和合本修訂版 | |
| 基督教派 天主敎 東正教 聖公宗 新教 東方正統教會 東方亞述教會 基督教運動 | |
聖靈（天主教譯為聖神，景教譯為涼風、淨風、淨風王）係傳統基督教所信嘅三位一體上帝中嘅一個位格，其他兩個位格分別係聖父(即係耶和華)同聖子(即係耶穌)。係《聖經》入面，所指嘅無形、強大、神聖嘅靈（創世記1:2；使徒行傳2:18）。
史
[編輯]聖靈嘅理解係最早同現今嘅基督宗教中係有分歧的。《聖經》從來無聲稱聖靈（聖神）為三位一體天主（上帝）中嘅一個位格。事實上，即使係最早嘅信經——《使徒信經》中，只係簡單咁宣認「我信聖靈（聖神）」。直到4世紀，教會發展三位一體嘅神學教義時，聖靈係上帝嘅說法先出現。教父亞他那修堅稱聖靈同聖父係同質。另一位君士坦丁堡主教馬西頓紐斯（Macedonius），佢提出聖靈係被造者同聖靈嘅地位次於聖父同聖子嘅主張。結果，佢嘅主張隨即被視為反聖靈派。
既然第一次尼西亞公會議（公元325年）之後，三位一體嘅聖父同聖子嘅地位已經奠下。至於聖靈（聖神），《天主教歷史淺談【上二十三】》指出:「凱撒勒雅的主教巴西略（Basilio,330-379）用古希臘哲學家柏拉圖的思想作了一番神學思考，寫了一部《論天主神聖》（拉丁文：De spiritu sancto, 公元374年）的書，他在著作中指出聖神與聖父和聖子是同性同等的。」聖靈係三位一體上帝（天主）嘅討論，被提到第一次君士坦丁堡公會議（公元381年）上。結果，教會係修定《尼西亞信經》時，加上「我信聖靈，是主，是賜生命的，從父出來，與父、子同受敬拜，同受尊榮」。從此，聖靈係三位一體上帝嘅地位才被確認。
但係，《尼西亞信經》中用詞，東西部教會對聖靈係從父出來或從父和子出來嘅理解出現分歧，基督教稱之為和子句爭辯。呢個分歧最終變咗做基督教嘅第一次大分裂嘅因由之一。而今日嘅基督新教，一般接受西部教會（即今日嘅天主教）所用文句——聖靈係「從父和子出來」。
