莫乃光

莫乃光，JP^[1]^[2]（粵拼：mok6 naai5 gwong1，1964年 10月25號—）係香港立法會前任議員（資訊科技界功能界別末代議員）、公共專業聯盟嘅創立人之一同現任主席。喺香港政治光譜入面，被認為係泛民主派嘅成員。

早年事業

1982年佢喺香港華仁書院畢業，1985年同1987年先後喺美國普渡大學獲電腦電機工程學士學位同埋電機工程碩士學位，之後喺美國執業。1994年回流香港，創辦 HKNet，係香港第一代嘅互聯網供應商。佢又做過香港互聯網協會創會主席。

1998年、2000年、2006年，佢三次當選選舉委員會資訊科技界別分組委員。

2008年，佢參選立法會選舉資訊科技界功能界別，輸咗俾譚偉豪。2012年，佢再參選，選贏咗競逐連任嘅譚偉豪。2016年擊敗楊全盛成功連任。

莫乃光係泛民主派成員，喺立法會入面參與泛民主派嘅飯盒會，代表專業議政做過飯盒會巡迴召集人。

2020年，莫乃光原本卸任立法會議員，唔競逐連任，並且推舉後生佢廿幾年嘅數據科學家黃浩華代表泛民主派參選資訊科技界功能組別。莫乃光話，任內最遺憾嘅係廢除唔到功能組別^[3]。只不過選舉延期，最後佢首先接受延任，然後喺同年11月11號被民主派劈炮。

↑ 〈2014年第23號號外公告　太平紳士條例 (第510章)〉 (PDF) (新聞稿) (繁體中文)。香港政府憲報。2014年7月1號。
↑ 〈太平紳士網頁〉 (繁體中文)。香港特別行政區政府太平紳士網頁。
↑ 〈「個人決定」莫乃光不爭連任稱發現更有能力年輕人「非和某大佬傾好」 - 20200716 - 港聞〉。《明報新聞網 - 每日明報 daily news》 (繁體中文)。喺2020-07-25搵到。