Afrika Christen Demokratiese Party
| Afrika Christen Demokratiese Party | |
| ACDP | |
| |
| Leier | Eerw. Dr. Kenneth Meshoe |
|---|---|
| Gestig | 9 Desember 1993 |
| Hoofkwartier | Eerste vloer, Statsgebou, 2 Fore Straat, Alberton, Gauteng |
| Ideologie | Christen Demokraties Sosiale konserwatisme |
| Internasionale affiliasie | Internasionale Christen Demokratiese Politieke familie |
| Amptelike kleure | Rooi en blou |
| Webblad | www |
Die Afrika Christen Demokratiese Party (ACDP) is 'n politieke party in Suid-Afrika en vorm deel van die Internasionale Christen Demokratiese Politieke familie. Die party is gestig op 9 Desember 1993 en verklaar dat hulle die "Bybelgelowige Christene" en "diegene wat hoë ag slaan op morele waardes" verteenwoordig.
Die 2000-handves opponeer die promovering van kondome en veilige seks as 'n medium om MIV te beveg. Die ACDP is van opinie dat die kondoombeleid vir HIV-bestryding geskrap moet word en dat daar meer fokus op weerhouding en getrouheid in die huwelik geplaas moet word. Daarom eenkomstig is die ACDP se platform soortgelyk aan dié van die ChristenUnie (Nederland) en die CHP (Nieu-Seeland).
Die party word gelei deur dr. Kenneth Rasalabe Joseph Meshoe (LP). Sedert die 2009 algemene verkiesing, het die ACDP 3 lede in die Suid-Afrikaanse Parlement. Op 7 Oktober 2023 het die ACDP aangekondig dat hulle by die Veelpartyhandves aansluit en die handves se seteltelling van 108 tot 112 in die Nasionale Vergadering met 400 setels daarmee verhoog.[1][2]
ACDP-embleem
[wysig | wysig bron]Die embleem is ontwikkel deur van die ACDP se stigters en is daarop gerig om 'n politieke party te verteenwoordig wat Bybelse beginsels verteenwoordig.
Twee pyle van links en regs, verteenwoordig die trekkrag van Suid-Afrikaners van links en van regs rakende ras, politiek, ideologië, kerk-affiliasie, geloof, taal, stam en kultuur na die kruis van Jesus Christus as middelaar en die strewe na eenheid in God Drie-enig onder al die mense van Suid-Afrika. Die pyle na bo en onder illustreer die rigting op na God en af na ons medemense in Suid-Afrika en ons gemeenskappe. Die rooi kant verteenwoordig die bloed van Jesus Christus wat ACDP, ACDP-lede en die mense van Suid-Afrika omring en beskerm.[3]
Die ACDP in die eerste dekade
[wysig | wysig bron]Die behoefte vir 'n toerekeningsvatbare alternatief vir die verdeelde politiek van die verlede, het Christene van diverse agtergrond genoodsaak om 'n politieke party op 9 Desember 1993 te stig. So het die Afrika Christen Demokratiese Party tot stand gekom, presies 'n honderd dae voor die eerste volledig demokratiese verkiesing in 1994.
Met die konsep van 'n veelparty-demokrasie in die lug, het die ACDP nie net ondersteuning onder Bybelgelowige Christene nie, maar ook persone wat hoë ag slaan op morele waardes.
Die ACDP het die Bybelse platform vir die standaard tot rekonsiliasie, geregtigheid, medelye, verdraagsaamheid, vrede en die respek van lewe, die individu, die familie en die gemeenskap aangeneem. Die doel is om politieke debat na hierdie kwelpunte te rig en eensgesindheid onder mense te kweek rakende gemeenskaplike waardes, in stede van die fokus te plaas op ideologieë, historiese en rasseverskille.
Gedurende die eerste verkiesing in 1994, het die ACDP menige verras met die oorwinning van 2 setels in die Nasionale Parlement en 3 setels in die Provinsiale Wetgewers.
'n Jaar later het die ACDP deelgeneem aan die Verkiesing vir Plaaslike Regering in slegs 'n paar munisipaliteite. Die party het 3 setels verower. Die opvolgende 5 jaar het die ACDP gegroei met dié dat 4 raadslede oorgeloop het na die ACDP vanaf ander politieke partye.
Voor die algemene verkiesing in 1999, het baie kritici geglo dat die ACDP een van sy 2 setels sal verloor in die Nasionale Vergadering. In teenstelling met die kritiek het die ACDP sy aantal setels verdriedubbel na 7 setels en het dus die 5de grootste party geword. Die ACDP het ook hul eerste setel in die Nasionale Raad van Provinsies verkry. In die provinsiale wetgewers het die ACDP nog 'n setel verower en het 4 setels in verskillende provinsiale wetgewers verkry.
Die ACDP het hul beste groei tot op hede in die 2000 Plaaslike Verkiesing beleef deur te groei vanaf 7 raadslede tot 70 raadslede nasionaal.
Afgesien van die 7 Parlementêre Setels wat die ACDP verower het tydens die 2004 algemene verkiesing het hul ook 8 setels in die Provinsiale Wetgewers ontvang.
Verkiesingsresultate
[wysig | wysig bron]Nasionale verkiesings
[wysig | wysig bron]| Verkiesing | Stemme | % | Setels |
|---|---|---|---|
| 2019[4] |  146 262
|
0,84
|
4
|
| 2014[5] |  104 039
|
0,57
|
 3
|
| 2009 | 142 658
|
0,81
|
3
|
| 2004 | 250 272
|
1,60
|
7
|
| 1999 | 228 975
|
1,43
|
6
|
| 1994 | 88 104 | 0,45 | 2 |
Provinsioale verkiesings
[wysig | wysig bron]| Verkiesing | Oos-Kaap | Vrystaat | Gauteng | KwaZulu-Natal | Limpopo | Mpumalanga | Noordwes | Noord-Kaap | Wes-Kaap | |||||||||
|---|---|---|---|---|---|---|---|---|---|---|---|---|---|---|---|---|---|---|
| % | Setels | % | Setels | % | Setels | % | Setels | % | Setels | % | Setels | % | Setels | % | Setels | % | Setels | |
| 2014[5] | 0,33%
|
0/63
|
0,51%
|
0/30
|
0,62%
|
0/73
|
0,44%
|
0/80
|
0,48%
|
0/49
|
0,40%
|
0/30
|
0,53%
|
0/33
|
0,57%
|
0/30
|
1,02%
|
1/42
|
| 2009 | 0,53%
|
0/63
|
0,73%
|
0/30
|
0,87%
|
1/73
|
0,68%
|
1/80
|
0,69%
|
0/49
|
0,51%
|
0/30
|
0,69%
|
0/33
|
1,00%
|
0/30
|
1,47%
|
1/42
|
| 2004 | 0,78%
|
0/63
|
1,30%
|
1/30
|
1,64%
|
1/73
|
1,78%
|
2/80
|
1,26%
|
1/49
|
1,09%
|
0/30
|
1,07%
|
0/33
|
1,88%
|
1/30
|
3,44%
|
2/42
|
| 1999 | 0,96%
|
0/63
|
0,90%
|
0/30
|
1,16%
|
1/73
|
1,81%
|
1/80
|
1,10%
|
1/49
|
1,12%
|
0/30
|
0,94%
|
0/33
|
1,53%
|
0/30
|
2,79%
|
1/42
|
| 1994 | 0,51% | 0/56 | 0,45% | 0/30 | 0,61% | 1/86 | 0,67% | 1/81 | 0,38% | 0/40 | 0,48% | 0/30 | 0,35% | 0/30 | 0,40% | 0/30 | 1,20% | 1/42 |
Munisipale verkiesings
[wysig | wysig bron]| Verkiesing | Stemme | % |
|---|---|---|
| 2016[6] | 150 965
|
0,39%
|
| 2011 | 165 602
|
0,6%
|
| 2006 | 74 918 | 1,1%
|
| 2000 | 1,3%
| |
| 1995–96 | 66 985 | 0,8% |
ACDP-slagspreuke:
- 1994 algemene Verkiesing: "Beskerm jou familie"
- 1995 plaaslike Regerings Verkiesing: "Beskerm jou familie se toekoms"
- 1999 algemene Verkiesing: "Bring orde tot die nasie"
- 2000 plaaslie Regerings Verkiesing: "Ware Hoop, Opregte deernis"
- 2004 algemene Verkiesing: "Ware Hoop"
Sien ook
[wysig | wysig bron]Verwysings
[wysig | wysig bron]- ↑ "Multi-Party Charter For South Africa Welcomes Announcement by ACDP and Promises More". X (formerly Twitter) (in Engels). Besoek op 8 Oktober 2023.
- ↑ Jeffrey, Lauren (7 Oktober 2023). "Multi-Party Charter For South Africa Welcomes Announcement by ACDP and Promises More". ActionSA (in Engels). Besoek op 8 Oktober 2023.
- ↑ "ACDP | Our Logo" (in Engels). acdp.org.za. Geargiveer vanaf die oorspronklike op 9 Junie 2018. Besoek op 13 Oktober 2016.
- ↑ "This is how many MPs each party can send to Parliament" (in Engels). News24. Geargiveer vanaf die oorspronklike op 8 November 2019. Besoek op 11 Mei 2019.
- ↑ 5,0 5,1 "2014 National and Provincial Elections Results – 2014 National and Provincial Election Results" (in Engels). elections.org.za. Geargiveer vanaf die oorspronklike op 15 September 2019. Besoek op 13 Oktober 2016.
- ↑ "Results Summary – All Ballots" (PDF) (in Engels). elections.org.za. Geargiveer (PDF) vanaf die oorspronklike op 19 Junie 2019. Besoek op 13 Oktober 2016.
Bron
[wysig | wysig bron]- History of the ACDP Geargiveer 13 Januarie 2004 op Wayback Machine - met toestemming vertaal (sien besprekingsblad)
Eksterne skakels
[wysig | wysig bron]- (en) Amptelike webwerf